Wiyaegü 3:4 - Tupanaarü Ore

⁴ Rü Cori ya Tupanaca̱x aita chaxü nax choxü̃ nangü̃xẽẽxü̃ca̱x. Rü nüma rü yima norü ma̱xpǘne ya üünenewa choxü̃ nangãxü̃.

Wiyaegü 3:4 Referans Kwoze

Wiyaegü 34:4

Rü Cori ya Tupanana chaca rü nüma rü choxü̃ nangãxü̃, rü choxü̃ ínanguxuchixẽxẽ nawa i guxü̃ma i chorü oegaãẽgü.

Wiyaegü 91:15

Rü ngẽxguma choxna tacaxgu rü choma rü tá tüxü̃ changãxü̃ rü tá tümaxü̃tawa changexma. Rü ngẽxguma guxchaxü̃ tüxü̃ üpetügu rü tá nawa tüxü̃ íchanguxuchixẽxẽ rü poraãcü tá tümamaxã chataãxẽ.

Ichaía 65:24

Rü naxü̃pa nax nüma choxna nacagüexü̃, rü choma ya Tupana rü marü tá nüxü̃ changãxü̃. Rü naxü̃pa nax yanachianegüxü̃ nax choxna nacagüexü̃, rü choma rü marü tá nüxü̃ chaxĩnü.

Wiyaegü 34:6

Rü daa yatü ya taxuxü̃ma ixĩcü rü Cori ya Tupanana naca, rü nüma nüxü̃ naxĩnü rü ínananguxuchixẽxẽ nawa ga guxü̃ma ga norü oegaãẽgü.

Popera ga Chantiágu ümatüxü̃ 5:13

Rü ngẽxguma wüxíe i petanüwa naxĩ̱xãchiãẽgu, rü name nixĩ nax tayumüxẽxü̃. Rü ngẽxguma wüxíe taãxẽgu, rü name nixĩ nax tümaarü wiyaemaxã Tupanaxü̃ ticua̱xüxü̃xü̃.

Ore i mexü̃ ga Matéu ümatüxü̃ 7:7

¡Tupanana naxca̱x peca! Rü nüma tá pexna nanaxã. ¡Rü naxü̃tagu naxca̱x pedau! Rü tá nüxü̃ ipeyangau. ¡Rü norü ĩã̱xwa nüxna pecagü! Rü tá pexca̱x nayawãxna.

Wiyaegü 43:3

¡Rü ẽcü cha̱u̱xca̱x nangóonexẽxẽ nax nüxü̃ chacuáxü̃ca̱x i ngẽma curü ore i aixcüma ixĩxü̃ nax ngẽma ngóonexü̃ rü ngẽma curü ore choxü̃ nüxü̃ cua̱xẽxẽxü̃ca̱x i ngẽma nama ya yima curü ma̱xpǘne ya üünenewa nadaxü̃ i ngextá cuma ícungexmaxü̃wa!

Wiyaegü 2:6

—Choma rü marü nüxü̃ chaxuneta ya yimá ãẽ̱xgacü ya choma chanaxwa̱xecü nax yima ma̱xpǘne ya üünene ya Chióü̃wa ãẽ̱xgacü yixĩxü̃ca̱x —ñanagürü.

Wiyaegü 138:3

Rü yexguma cuxna chacaxgux nax choxü̃ cuporaxẽẽxü̃ rü cuma rü choxü̃ cungãxü̃ rü aixcüma choxü̃ cuporaxẽxẽ.

Wiyaegü 99:9

¡Rü nüxü̃ picua̱xüü̃gü ya yimá Cori ya tórü Tupana ixĩcü! ¡Rü yima napata ya norü ma̱xpǘne ya üünenewa ngẽxmanepe̱xegu pecaxã́pü̱xügü! Erü nüma ya Cori ya tórü Tupana rü naxüüne.

Wiyaegü 50:15

¡Rü cha̱u̱xca̱x peca ega ngẽxguma guxchaxü̃ pexü̃ ngupetügu! Rü choma rü tá pexü̃ íchapoxü̃ rü pema rü tá choxü̃ picua̱xüü̃gü —ñanagürü ya Tupana.

Naanearü ügüchiga 15:1

Rü yemawena ga Abráü̃ rü Cori ya Tupana rü nanango̱xetüxẽxẽ rü namaxã nidexa rü ñanagürü nüxü̃: —¡Taxuca̱xma cumuü̃, Pa Abráü̃! Erü choma nixĩ i curü poxü̃ruxü̃. Rü ngẽma ngü̃xẽxẽ i tá cuxna chaxãxü̃ rü tá nataxüchi —ñanagürü.

Wiyaegü 18:3

Rü cumax, Pa Cori, Pa Tupanax, nixĩ i namexü̃ nax cuxü̃ ticua̱xüü̃xü̃. Rü ngẽxguma ãũcümaxü̃wa changexmagu, rü aita cuxca̱x chaxüxgu, rü cuma rü chorü uanügüme̱xẽwa choxü̃ ícupoxü̃.

Wiyaegü 27:6

Rü ngéma rü taxuxü̃táma i chorü uanü choxna nangu. Rü ngẽxguma rü tá choxü̃́ natauxcha nax Cori ya Tupanaca̱x chayaguxü̃ i ãmaregü i napatawa. Rü taãẽãcüma tá naxca̱x chawiyae rü nüxü̃ chicua̱xüxü̃.

Wiyaegü 28:7

Rü nüma ya Cori ya Tupana rü chorü poxü̃ruxü̃ ya poraxüchicü nixĩ. Rü nüxü̃́ nixĩ ga chayaxõxü̃, rü nüma nixĩ ga choxü̃ nangü̃xẽẽxü̃. Rü poraãcü chataãxẽ i ñu̱xmax. Rü Cori ya Tupanaca̱x tá chawiyae rü tá moxẽ nüxna chaxã.

Wiyaegü 62:8

Pa Chorü Duü̃xü̃güx ¡guxü̃guma nüxü̃́ peyaxõgü ya Tupana! ¡Rü perü yumüxẽwa namaxã nüxü̃ pixu i perü guxchaxü̃gü! Erü nüma nixĩ i aixcüma tórü ngü̃xẽẽruxü̃ i tórü cu̱xchicaxü̃ yixĩxü̃.

Wiyaegü 84:12

Pa Cori Pa Tupana ya Guxãétüwa Ngẽxmacüx, rü tataãxẽgü ya yíxema aixcüma cugu yaxõgüxe.

Wiyaegü 89:19

Rü nũxcüma rü curü duü̃xü̃güxü̃ nüxü̃ cudauxẽxẽ i ẽxü̃guxü̃ rü yemaacü namaxã quidexa, rü ñacurügü nüxü̃: —Choma rü nüxü̃ chaxuneta i wüxi i chorü duü̃xü̃ i poraxü̃ rü guxãétüwa chanangexmaxẽxẽ rü poraãcü nüxü̃ charüngü̃xẽxẽxü̃.

Wiyaegü 119:114

Rü cuma nixĩ i choxü̃ curüngü̃xẽẽxü̃ rü choxna cudauxü̃. Rü curü ore nixĩ i nagu chayaxõxü̃.

Ucu̱xẽgüchiga 2:7

Nüma ya Cori ya Tupana nixĩ i tüxü̃ nangü̃xẽẽxü̃, rü tüxna nadauxü̃ ya yíxema aixcüma nape̱xewa mea maxẽxe rü taxuxü̃ma i chixexü̃ ügüxe.

Auxexü̃chiga 3:56

Rü cuma rü choxü̃ cuxĩnü i ngẽxguma cuxna chacaxgu rü choxü̃́ cunayaxu i chorü yumüxẽ.