Wiyaegü 3:3 - Tupanaarü Ore

³ Natürü cumax, Pa Corix, rü chorü poxü̃ruxü̃ quixĩ. Rü cuma nixĩ i choxü̃ cuporaxẽẽxü̃, rü choxü̃́ cunangúchaü̃xẽẽxü̃ nax tama chamuü̃xü̃ca̱x.

Wiyaegü 3:3 Referans Kwoze

Wiyaegü 27:6

Rü ngéma rü taxuxü̃táma i chorü uanü choxna nangu. Rü ngẽxguma rü tá choxü̃́ natauxcha nax Cori ya Tupanaca̱x chayaguxü̃ i ãmaregü i napatawa. Rü taãẽãcüma tá naxca̱x chawiyae rü nüxü̃ chicua̱xüxü̃.

Wiyaegü 28:7

Rü nüma ya Cori ya Tupana rü chorü poxü̃ruxü̃ ya poraxüchicü nixĩ. Rü nüxü̃́ nixĩ ga chayaxõxü̃, rü nüma nixĩ ga choxü̃ nangü̃xẽẽxü̃. Rü poraãcü chataãxẽ i ñu̱xmax. Rü Cori ya Tupanaca̱x tá chawiyae rü tá moxẽ nüxna chaxã.

Naanearü ügüchiga 15:1

Rü yemawena ga Abráü̃ rü Cori ya Tupana rü nanango̱xetüxẽxẽ rü namaxã nidexa rü ñanagürü nüxü̃: —¡Taxuca̱xma cumuü̃, Pa Abráü̃! Erü choma nixĩ i curü poxü̃ruxü̃. Rü ngẽma ngü̃xẽxẽ i tá cuxna chaxãxü̃ rü tá nataxüchi —ñanagürü.

Wiyaegü 119:114

Rü cuma nixĩ i choxü̃ curüngü̃xẽẽxü̃ rü choxna cudauxü̃. Rü curü ore nixĩ i nagu chayaxõxü̃.

Ichaía 60:19

Rü ngunecü rü marü taxũtáma penaxwa̱xe nax üa̱xcü pexü̃ báxixü̃, rü chütacü rü marü taxũtáma penaxwa̱xe nax tauemacü pexü̃ báxixü̃, erü choma ya perü Cori tá nixĩ i perü omü i guxü̃gutáma ichabáxixü̃. Rü choma ya perü Tupana tá nixĩ i perü poraxẽẽruxü̃.

Wiyaegü 62:7

Rü nüma ya Tupana nixĩ i chorü maxẽẽruxü̃ rü chorü taãẽxẽẽruxü̃. Rü nüma nixĩ i chorü poxü̃ruxü̃ i choxna nadauxü̃.

Wiyaegü 84:11

Erü nüma ya Cori ya Tupana rü norü duü̃xü̃güxü̃ nibáixmaxü̃ rü ínanapoxü̃. Rü yíxema tama naxügüxe i ngẽma chixexü̃ rü nüma ya Tupana rü tüxü̃ nangechaü̃ rü tüxü̃ nicua̱xüxü̃ rü tama tüxna nanachu̱xu i norü mexü̃.

Wiyaegü 18:2

Rü cuma nixĩ ya nuta ya taxüchicü ya chorü poxü̃ruxü̃ quixĩxü̃. Rü cuma nixĩ i chorü dauruxü̃ quixĩxü̃. Rü cuma nixĩ i choxü̃ cunapuxü̃ nüxna i chorü uanügü. Rü cuma nixĩ i chorü tüpe̱xeruxü̃ quixĩxü̃. Rü cuma nixĩ i curü poramaxã choxü̃ cumaxẽẽxü̃. Rü cuma nixĩ i chorü cu̱xchicaxü̃ i ma̱xpǘnewa nagu changaxixü̃ quixĩxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 21:23

Rü yima ĩane rü taxuca̱xma üa̱xcü rü tauemacü nüxü̃ nabáxi, erü Tupanaarü ngóonexü̃tama nixĩ i nangóonexẽẽxü̃. Rü yimá Carnéruxacü nixĩ ya norü omü ixĩcü.

Wiyaegü 110:7

Natürü nümatama ya Tupana rü ngẽma namacüwawa ngẽxmaxü̃ i natüxacüarü dexáwa tá naxaxe. Rü ngẽma dexá rü tá nayaporaxẽẽchigü.

Wiyaegü 4:3

Nüma ya Cori rü tüxü̃ nicua̱xüxü̃ ya yíxema duü̃xẽ ya aixcüma naga ĩnüxe. Rü nüma ya Cori rü choxü̃ naxĩnü ega norü ngü̃xẽẽca̱x nüxna chacaxgux.

Yema Cuáü̃ nüxü̃ dauxü̃ i yixcüra tá ngupetüxü̃chiga 21:11

Rü guma ĩane rü Tupanaarü ya̱u̱xracüüxü̃maxã nangóone. Rü yema norü ya̱u̱xracüüxü̃ ga guma ĩane rü ñoma wüxi ya nuta ya nga̱xãẽruxü̃ ya diamánte nixĩ. Rü ñoma nuta ya nga̱xãẽruxü̃ ya yásperüxü̃ nixĩ nax yachipetüxü̃.

Ore i mexü̃ ga Luca ümatüxü̃ 2:32

Rü nüma tá nixĩ i norü ngóonexẽẽruxü̃ i ngẽma duü̃xü̃gü i tama Iraétanüxü̃ ixĩgüxü̃. Rü daa bucü rü curü duü̃xü̃gü i Iraétanüxü̃arü poraxẽẽruxü̃ tá nixĩ”, ñanagürü.

Wenaxarü naxümatü ga Tupanaarü mugü 33:29

¡Pa Iraétanüxü̃x, petaãxẽgü! Pema rü taxúema pemaxã tawüxigu erü nümatama ya Cori ya Tupana nixĩ i pexü̃ ínapoxü̃xü̃, rü pexü̃ nangü̃xẽẽxü̃. Rü nüma nixĩ i perü tara i namaxã perü uanügüxü̃ pedaixü̃. Rü perü uanügü rü pepe̱xegu tá nacaxã́pü̱xügü. Rü pema rü tá penaxãnexẽxẽ rü penapu̱xcuchigüama —ñanagürü ga Moiché.

Naanearü ügüchiga 40:13

Rü tomaepü̱x i ngunexü̃wa nanguxgu rü nüma ya Faraóü̃ tá nüxü̃ nadau i cupane nax ta̱xacüca̱x cupoxcuxü̃. Rü tá cuxca̱x nangema rü wena ngẽma puracüwa tátama cuxü̃ napuracüxẽxẽ. Rü cuma rü tá wena cunaxaxexẽxẽ ya Faraóü̃ ngẽma noxri cunaxüxü̃rüü̃tama”, ñaxü̃chiga nixĩ.

Ichaía 45:25

Rü guxü̃ma i Iraétanüxü̃ rü chaugagu tá narüporamaegü rü tá chomaxã nügü nicua̱xüü̃gü —ñanagürü.

Norü taxre ga popera ga ãẽ̱xgacügüchiga 25:27

Rü gumá norü 12 ga tauemacüarü 27 ga ngunexü̃gu ga yexguma marü 37 ga taunecü napoxcugu ga Yudáanearü ãẽ̱xgacü ga Yoaquíü̃, rü yexguma nixĩ ga yexwacax yaxücuxü̃ ga Ebí-merodáx nax Babiróniaanearü ãẽ̱xgacü yixĩxü̃ca̱x. Rü nüma rü Yoaquíü̃maxã namecüma, rü poxcupataü̃wa ínananguxuchixẽxẽ. Rü mea nüxna nadau guxü̃ma ga yema togü ga ãẽ̱xgacügü ga Babiróniaanegu namaxã yexmagüxü̃arü yexera.

Norü taxre ga popera ga ãẽ̱xgacügüchiga 18:30

Rü ngẽxguma Echequía pexü̃ yaxõgüxẽẽchaü̃gu nax Cori ya Tupanana perüyoegüxü̃ca̱x rü pexü̃ ñaxgu: “Nüma ya Cori ya Tupana rü aixcüma tá tüxü̃ ínanguxü̃xẽxẽ, erü tama nanaxwa̱xe nax daa ĩane rü Achíriaanearü ãẽ̱xgacüme̱xẽwa nangẽxmaxü̃”, ñaxgu, ¡rü taxṹ i naga pexĩnüexü̃! Rü yimá Achíriaanearü ãẽ̱xgacü rü nua choxü̃ namu nax pemaxã nüxü̃ chayarüxuxü̃ca̱x nax namaxã perüngüxmüexü̃ca̱x, rü naxme̱xwa pegü pengẽxmagüxẽẽxü̃ca̱x. Rü ngẽmaãcü i wüxichigü i pema rü tá penangõ̱x i ngẽma norü úbanecüarü o rü norü igunecüarü o, rü ñu̱xũchi ngẽma noxrütama puchuwa ngẽxmaxü̃ i dexáwa tátama pexaxegü.

Norü taxre ga popera ga ãẽ̱xgacügüchiga 18:32

Rü ngẽmawena rü wüxi i nachixü̃ane i pechixü̃anerüxü̃ ixĩxü̃wa tá pexü̃ nagagü. Rü ngẽma nixĩ i wüxi i nachixü̃ane i ngextá trigunecügü nawa ngẽxmaxü̃ nax penaxüxü̃ca̱x i perü paũ, rü nawa ngẽxmaxü̃ i úbanecügü nax penaxüxü̃ca̱x i perü bínu. Rü ñu̱xũchi ngẽma nachixü̃anewa nangẽxma i oribuarü chíxü̃ rü berure rü ta. Rü ngéma rü taãẽãcü tá pemaxẽ rü taxũtáma peyue. ¡Natürü taxṹ i Echequíaga pexĩnüexü̃! Erü nüma rü pexü̃ nawomüxẽxẽ i ngẽxguma nüxü̃ yaxuxgu nax Cori ya Tupana tá pexü̃ ínguxü̃xẽẽxü̃.