Wiyaegü 3:2 - Tupanaarü Ore

² Rü namuxũchi i ngẽma chauchigagu ñagüxü̃: —Tupana rü taxũtáma ínanapoxü̃ —ñagüxü̃.

Wiyaegü 3:2 Referans Kwoze

Wiyaegü 71:11

Rü ñanagürügü: —¡Nawe pingẽxü̃tanü rü peyayauxgü, erü ya Tupana rü marü nüxna nixũgachi rü taxúetama ítanapoxü̃! —ñanagürügü.

Wiyaegü 42:3

Ngunecü rü chütacü rü chaxaxu nax norü ngü̃xẽẽca̱x íchaca̱xaxü̃ca̱x. Rü yoxni i chorü uanügü rü choxü̃ nacugüe rü ñanagürügü: —¿Ngexcü nixĩ ya curü Tupana? —ñanagürügü.

Wiyaegü 42:10

Rü woo ya chauxchina̱xãgü rü ta nangúe nagagu i ngẽma chorü uanügü i guxü̃guma choxü̃ cugüexü̃ rü ñagüxü̃: —¿Ngexcü nixĩ ya curü Tupana? —ñagüxü̃.

Wiyaegü 22:7

Rü ngẽxguma choxü̃ nadaugügu i duü̃xü̃gü rü choxü̃ nacugüe rü choxna nabia̱xgü rü nanexáerugü rü chixri chauchiga nidexagü.

Wiyaegü 4:4

¡Rü nüxü̃ pemuü̃e rü nüxü̃́ iperüxĩnüe! ¡Rü marütama nax chixexü̃ pexügüxü̃! Rü ngẽxguma ipeyacaxãchitanügu i perü pechicaxü̃wa, ¡rü peãxẽwa pegü pengugü nax ñuxãcü yixĩxü̃ i perü maxü̃ i Tupanape̱xewa!

Abacú 3:13

Rü cuma rü dauxü̃wa ícuxũxũ nax curü duü̃xü̃güxü̃ ícupoxü̃xü̃ca̱x, rü nüxü̃ nax curüngü̃xẽẽxü̃ca̱x ya yimá ãẽ̱xgacü ya cumatama nüxü̃ cuxunetacü. Rü cuma rü cuyama̱x i ngẽma ãẽ̱xgacü i chixexü̃ üxü̃ rü nagu cupogü i nachixü̃ane ñoma wüxi ya ĩpatagu ipogüxü̃rüxü̃.

Abacú 3:9

Rü curü würa rü ínamemare nax cunamaxgüxü̃ca̱x ya guxü̃nema ya cuxnegü. Rü ñoma i naane rü natügümaxã cunawaixcuane.

Abacú 3:3

Rü nüxü̃ chadau ya Cori ya Tupana i Temáü̃anewa ne naxũxü̃ nawa ya yima Paráü̃arü ma̱xpǘne. Rü dauxü̃guxü̃ i naane rü norü üünemaxã nanapá. Rü guxü̃ma i ñoma i naanewa ngẽxmagüxü̃ rü nüxü̃ nicua̱xüü̃gü.

Wiyaegü 4:2

Rü pema nax petachigaxü̃ ¿rü ñuxguxüratáta i nüxü̃ perüxoexü̃ nax choxü̃ picugüexü̃ rü ãne choxü̃ pingexẽẽxü̃? ¿Rü ñuxguxüratáta i nüxna pixĩgachixü̃ nax nagu pemaxẽxü̃ i pecümagü i chixexü̃ i taxuwama mexü̃ rü natüca̱xmamare ixĩxü̃?

Wiyaegü 3:8

Rü cuma nixĩ, Pa Corix, i ãũcümaxü̃wa toxü̃ ícunguxü̃xẽẽxü̃. ¡Rü mexü̃ namaxã naxuegu i curü duü̃xü̃gü!

Wiyaegü 3:4

Rü Cori ya Tupanaca̱x aita chaxü nax choxü̃ nangü̃xẽẽxü̃ca̱x. Rü nüma rü yima norü ma̱xpǘne ya üünenewa choxü̃ nangãxü̃.

Wiyaegü 124:2

Rü yexguma chi Cori ya Tupana tama tüxü̃ rüngü̃xẽẽgu ga yexguma taxca̱x íyaxüãchigu ga yema tüxü̃ daixchaü̃xü̃ rü chi norü numaxã tüxü̃ nagu̱xẽxẽ.