Wiyaegü 28:2 - Tupanaarü Ore

² ¡Rü choxü̃ naxĩnü i ngẽxguma cupata íngexmaxü̃gu chawéxme̱xãcüma curü ngü̃xẽẽca̱x íchacaxgu!

Wiyaegü 28:2 Referans Kwoze

Wiyaegü 138:2

Rü yima cupata ya üünene íngexmaxü̃guama chadawenüãcüma tá ichacaxã́pü̱xü nax ngẽmaãcü moxẽ cuxna chaxãxü̃ca̱x naxca̱x i curü ngechaü̃ rü ngẽma nax aixcümacü quixĩxü̃. Erü cuma rü cugüégagu icuxuneta, rü aixcüma cuyanguxẽxẽ i guxü̃ma i ngẽma nüxü̃ quixuxü̃.

Wiyaegü 141:2

Rü ñaa chorü yumüxẽ i cumaxã nüxü̃ chixuxü̃ ¡rü nayaxu ñoma pumarate̱xe i yáuanecü chaxunagüchacüxüãcüma cuxca̱x chiguxü̃rüxü̃!

Nüxíraxü̃xü̃ ga popera ga Timutéuca̱x naxümatüxü̃ ga Pauru 2:8

Rü ñu̱xma chanaxwa̱xe i guxü̃wama nayumüxẽgü i yatügü. Rü chanaxwa̱xe i ngearü pecaduã̱xãcüma naxugüme̱xẽ. Rü tama name i nügümaxã nanueãcüma rüe̱xna nügü nachoxü̃gagüãcüma nayumüxẽgü.

Wiyaegü 140:6

Rü choma rü marü cumaxã nüxü̃ chixu rü ñachagürü cuxü̃: —Cuma nixĩ i chorü Tupana quixĩxü̃. ¡Rü nüxü̃ naxĩnü i ngẽma cuxna naxca̱x chacaxü̃!

Wiyaegü 134:2

¡Rü ngẽma nachica i üünexü̃guama pexuenüme̱xẽgü rü Cori ya Tupanaxü̃ picua̱xüü̃gü!

Wiyaegü 5:7

Natürü i chomax rü ngẽma curü ngechaü̃gagu choxü̃́ natauxcha nax yima cupatagu chaxücuxü̃. Rü ngẽxguma cupata ya üünenewa changexmagu rü choxü̃́ natauxcha nax cupe̱xegu chanangü̃cuchixü̃ rü cuxü̃ changechaü̃ãcüma cuxü̃ chicua̱xüü̃xü̃.

Danié 6:10

Rü yexguma Danié nüxü̃ cua̱xgu nax nüma ga ãẽ̱xgacü rü marü nügü nagu nawǘégaxü̃ ga yema mu, rü napatawa naxũ rü nayawãxna ga norü ucapuarü beü̃tánagü ga Yerucharéü̃ íyexmaxü̃waama ügüxü̃. Rü wüxichigü ga ngunexü̃gu rü tomaepü̱xcüna inacaxã́pü̱xü nax Tupanana moxẽ naxãxü̃ca̱x rü namaxã yadexaxü̃ca̱x aixrügumarüü̃tama.

Auxexü̃chiga 2:19

¡Írüda! ¡Rü wüxichigü i chütaxü̃ rü wüxichigü i ora nayumüxẽ! ¡Rü Cori ya Tupanamaxã nüxü̃ ixu i curü guxchaxü̃gü! ¡Rü cugüwa ínaxũxü̃xẽxẽ i guxü̃ma i ngẽma nagu curüxĩnüxü̃, ñoma dexá iyáxü̃rüxü̃! Rü Tupanaca̱x dauxü̃ naxunagü rü curü yumüxẽwa curü buxü̃güca̱x ínaca nax tama ĩanearü namagügu taiyamaxã nayuexü̃ca̱x.

Wiyaegü 143:6

Rü ngẽma nax chacuxwa̱xexüchixü̃ ñoma waixü̃mü i paxü̃ i dexá naxwa̱xexüchixü̃rüxü̃, rü cuxca̱x chaxunagüme̱xẽ chayumüxẽ.

Wiyaegü 125:5

Natürü ngẽma duü̃xü̃gü i chixexü̃ i nacümagu ĩxü̃ ¡rü poxcu namaxã naxuegu! Erü ngẽmatama nixĩ i woetama naxca̱x ixĩxü̃ i ngẽma chixexü̃ ügüxü̃. ¡Rü Iraétanüxü̃na naxã i taãxẽ!

Wiyaegü 63:4

Rü ñu̱xma nax ñoma i naanewa chamaxü̃xü̃gu rü tá cuxü̃ chicua̱xüxü̃. Rü cuxca̱x chaxunagüme̱xẽãcüma tá chayumüxẽ.

Nüxíraxü̃xü̃ ga popera ga ãẽ̱xgacügüchiga 6:19

Rü Charomóü̃ rü Tupanapata ga taxü̃newa meama nanamexẽxẽ ga nachica ga Üünexüchixü̃ nax yexma naxüaxü̃ca̱x ga baú ga Tupanaarü mugü nagu üxü̃.

Nüxíraxü̃xü̃ ga popera ga ãẽ̱xgacügüchiga 6:5

Rü nüma ga Charomóü̃ rü nanamu nax naxüxpacugüãxü̃ca̱x ga Tupanapata ga taxü̃ne ga norü guxü̃cüwawa. Rü yema naxpacuwa rü ucapugu nayapoyechigü.

Wiyaegü 130:2

¡Rü choxü̃́ nüxü̃ naxĩnü i chorü yumüxẽ, Pa Cori Pa Tupanax, rü choxü̃ nangãxü̃ namaxã i ngẽma tagaãcü naxca̱x íchaca̱xaxü̃!

Wiyaegü 141:1

Rü ñu̱xma nax cuxna chaca̱xaxü̃, Pa Cori Pa Tupanax, ¡rü paxa choxü̃ rüngü̃xẽxẽ! ¡Rü choxü̃ naxĩnü i ñu̱xma nax cuxna chaca̱xaxü̃!

Danié 6:11

Rü yexguma yema yatügü ga ínaxuaxü̃güxü̃ nüxü̃ cua̱xgügu rü Daniéchiü̃gu nachocu rü yexma nüxü̃ inayangaugü ga nax ínayumüxẽ́xü̃ rü Tupanaxü̃ íyacua̱xüxü̃xü̃.