Wiyaegü 28:1 - Tupanaarü Ore

¹ Pa Cori Pa Tupanax, cuma nixĩ i nuta i chorü poxü̃ruxü̃ quixĩxü̃. Rü cuxna nixĩ i chacaxü̃ nax choxü̃ curüngü̃xẽẽxü̃ca̱x. ¡Rü taxṹ i cugü quinuxuxü̃ nax choxü̃ cungãxü̃xü̃! Erü ngẽxguma taxũtáma choxü̃ cungãxü̃gu rü ñoma yuexü̃rüxü̃ tá chixĩ.

Wiyaegü 28:1 Referans Kwoze

Wiyaegü 143:7

Pa Cori Pa Tupanax ¡paxa choxü̃ nangãxü̃! Erü ngẽmatama chayu. ¡Rü taxṹ i cuxoxü̃ nax choxü̃ curüngü̃xẽxẽxü̃! Erü ngẽxguma tama choxü̃ curüngü̃xẽẽgu rü tá chayu naxrüxü̃ i ngẽma yuexü̃.

Wiyaegü 18:2

Rü cuma nixĩ ya nuta ya taxüchicü ya chorü poxü̃ruxü̃ quixĩxü̃. Rü cuma nixĩ i chorü dauruxü̃ quixĩxü̃. Rü cuma nixĩ i choxü̃ cunapuxü̃ nüxna i chorü uanügü. Rü cuma nixĩ i chorü tüpe̱xeruxü̃ quixĩxü̃. Rü cuma nixĩ i curü poramaxã choxü̃ cumaxẽẽxü̃. Rü cuma nixĩ i chorü cu̱xchicaxü̃ i ma̱xpǘnewa nagu changaxixü̃ quixĩxü̃.

Ucu̱xẽgüchiga 1:12

Nüetama ega woo duü̃xü̃gü i mexü̃ yixĩgügu rü tá tanadai, rü ñoma wüxi i duü̃xü̃ i yuxü̃ i waixü̃mü íga̱xaxü̃rüxü̃ tá namaxã tixĩgü.

Wiyaegü 83:1

Pa Tupanax ¡taxṹ i curüchianexü̃, rü taxṹ i ngẽxma curüxã̱ũ̱xmarexü̃! ¡Rü nangãxü̃ i torü yumüxẽ rü toxü̃ ínanguxü̃xẽxẽ!

Yema Cuáü̃ nüxü̃ dauxü̃ i yixcüra tá ngupetüxü̃chiga 20:3

Rü yema orearü ngeruxü̃ rü yema ãxmaxü̃ i taxuguma iyacuáxü̃gu nayata̱xcuchi. Rü ñu̱xũchi yexma meama nanawãxtaxü̃ nax nüma ga Chataná rü marü taguma wenaxarü nachixü̃anegüarü duü̃xü̃güxü̃ nawomüxẽẽxü̃ca̱x ñu̱xmatáta 1,000 ya taunecü ngẽxma yangeã. Rü ngẽxguma marü yanguxẽẽãgu ya yimá 1,000 ya taunecü, rü tá paxaxãchi nayange̱x.

Ichaía 26:4

¡Nüxü̃́ peyaxõ ya Cori ya Tupana, erü nüma nixĩ i guxü̃guma pexna nadauxü̃!

Yox 33:28

Rü nawa choxü̃ ínanguxuchixẽẽãma i ngẽma yu. Rü ngẽmaca̱x i ñu̱xmax rü ngóonexü̃wa changexma”, ñanagürü.

Ichaía 38:18

Rü ngẽma tauquegu ta̱xgüxü̃ rü tama cuxü̃ nicua̱xüü̃gü. Rü ngẽma yuexü̃ rü tama cuxü̃ nataxẽẽgü. Rü ngẽma naxmaxü̃wa ngẽxmagüxü̃ rü tama nüxü̃ nixugüe nax cuma rü aixcümacü quixĩxü̃.

Wiyaegü 35:22

Pa Corix, cuma rü meama nüxü̃ cucua̱x i ngẽma naxügüxü̃ i ngẽma duü̃xü̃gü. ¡Rü taxṹ i cunangexrüxü̃ nax naxügüxü̃ca̱x i ngẽma chixexü̃! ¡Rü taxṹ i choxna quixũgachixü̃!

Wiyaegü 30:9

Rü ñachagürü: —Pa Corix, Pa Tupanax ¿ta̱xacüwa cuxü̃́ namexü̃ ega chayu̱xgu rü cho̱xma̱xü̃wa chaxũxgu? Erü ngẽma waixü̃müte̱xe rü tama cuxü̃ nicua̱xüxü̃ rü tama nüxü̃ nixu nax cuma rü aixcümacü quixĩxü̃ —ñachagürü.

Wiyaegü 22:2

Pa Chorü Tupanax, ngunecü cuxna chaca rü chütacü cuxna chaca rü tama choxü̃ cungãxü̃ rü düxwa chipamare.

Wiyaegü 3:4

Rü Cori ya Tupanaca̱x aita chaxü nax choxü̃ nangü̃xẽẽxü̃ca̱x. Rü nüma rü yima norü ma̱xpǘne ya üünenewa choxü̃ nangãxü̃.

Wiyaegü 77:1

Rü tagaãcü Tupanana chaca i chorü yumüxẽwa nax choxü̃ naxĩnüxü̃ca̱x.

Wiyaegü 69:15

Rü tama chanaxwa̱xe i ngẽma guxchaxü̃gü choxü̃ narüyexera ñoma poraxü̃chíüxü̃ choxü̃ ichaxẽẽxü̃rüxü̃. Rü tama chanaxwa̱xe i choxü̃ natú i ngẽma guxchaxü̃gü ñoma wüxi ya tupuyuca choxü̃ itúcuchigurüxü̃. Rü tama chanaxwa̱xe nax cho̱xma̱xü̃gu chagüétüxü̃.

Wiyaegü 142:1

Rü tagaãcü nüxna chaca ya Cori ya Tupana. Rü tagaãcü naxca̱x íchaca nax nüxü̃́ changechaü̃tümüxü̃xü̃ca̱x.

Wiyaegü 39:12

Pa Cori Pa Tupanax ¡choxü̃́ nüxü̃ naxĩnü i chorü yumüxẽ! ¡Rü choxü̃́ nüxü̃ naxĩnü i ngẽma auãcü cuxna naxca̱x chacaxü̃! ¡Rü taxṹ i cungea̱xmarexü̃ naxca̱x i chorü axu! Erü choma rü cupe̱xewa rü wüxi i tama choxü̃ cucuáxe chixĩ. Rü yema chorü o̱xigü ga nu ne naxĩmarexü̃rüxü̃ chixĩ.

Wiyaegü 42:9

Rü ñachagürü nüxü̃ ya Tupana ya chorü poxü̃ruxü̃: —¿Tü̱xcüü̃ choxü̃ curüngü̃ma? ¿Rü ta̱xacüca̱x i ñu̱xma rü ngechaü̃ãcü ichixũxü̃ rü choxü̃ nua nachixeãẽgüxü̃ i chorü uanügü? —ñachagürü.

Wiyaegü 30:4

Rü ngẽmaca̱x i pemax, Pa Chomücügü i aixcüma Cori ya Tupanaaxü̃́ Yaxõgüxü̃x ¡rü ngĩxã wüxigu Tupanaca̱x tawiyaegü rü nüxü̃ ticua̱xüxü̃gü ya yimá üünecü!

Wiyaegü 142:2

Rü nape̱xewa naxca̱x chayarüdexa i ngẽma guxchaxü̃gü i choxü̃́ ngẽxmaxü̃. Rü ngẽxguma chauétü nanguxgu i ngẽma guxchaxü̃gü rü nape̱xewa nüxü̃ chixu nax poraãcü ngúxü̃ chingexü̃. Pa Corix, cuma nüxü̃ cucua̱x i chomaxü̃ i nagu chixũxü̃. Rü ngẽma nama i nagu chixũxü̃wa rü chorü uanügü rü ngẽxma chope̱xegu nanaxǘgü i wüxi i yauxruxü̃.