Wiyaegü 27:4 - Tupanaarü Ore

⁴ Rü ngẽma Cori ya Tupanana naxca̱x chacaxü̃ rü choxü̃́ ngúchaü̃xü̃ rü wüxitama nixĩ. Rü ngẽma nixĩ nax guxü̃ma i chorü maxü̃gu Cori ya Tupanapatawa changexmaxü̃ nax ngẽmaãcü nüxü̃ chicua̱xüü̃xü̃ca̱x rü norü üünemaxã chataãẽxü̃ca̱x.

Wiyaegü 27:4 Referans Kwoze

Wiyaegü 26:8

Pa Corix, choma nüxü̃ changechaü̃ ya yima cupata, rü nüxü̃ changechaü̃ i ngẽma nachica i nawa nangẽxmaxü̃ ya curü üüne.

Wiyaegü 23:6

Cuma, Pa Corix, guxü̃guma chomaxã cumecüma, rü choxü̃ cungechaxü̃. Rü guxü̃gutáma cupatawa changexma.

Wiyaegü 65:4

Rü nataãxẽ i ngẽma duü̃xü̃ i cuma cuyaxuxü̃ nax yima cupata ya Chióü̃wa ngẽxmanewa cumaxẽẽxü̃ca̱x. Rü wüxi i taãxẽ tá nixĩ nax natanüwa tangexmagüxü̃ i ngẽma mexü̃gü i cupata ya üünenewa ngẽxmagüxü̃.

Wiyaegü 84:4

Rü tataãẽgü ya yíxema cupatawa ngẽxmagüxe rü guxü̃guma cuxü̃ icua̱xüü̃güxe.

Wiyaegü 84:10

Rü ngẽma 1,000 i ngunexü̃ i nagu ngextámare changexmaxü̃arü yexera rü narümemae nixĩ nax wüxitama i ngunexü̃ cupataã̱xtüwa changexmaxü̃. Rü narümemae nax cupataarü ĩã̱xarü dauruü̃mare chixĩxü̃, Pa Tupanax, rü tama chixexü̃ ínaxügüxü̃wa nax changexmaxü̃.

Ore i mexü̃ ga Luca ümatüxü̃ 10:42

Natürü wüxixicatama nixĩ i guxü̃arü yexera i mexü̃ nax nagu curüxĩnüxü̃. Rü María iyixĩ i nayaxucü i ngẽma rümemaxü̃. Rü taxúetama tá ngĩxna tayanuxü̃ i ngẽma —ñanagürü ga Ngechuchu.

Wiyaegü 27:8

Rü chauãẽwa rü chaugümaxã ñachagürü: —Cori ya Tupanaca̱x tá chadau —ñachagürü. Rü ngẽmaca̱x i chomax, Pa Corix, rü cuxca̱x chadau.

Ore i mexü̃ ga Matéu ümatüxü̃ 6:33

Rü ngẽmaca̱x guxü̃arü yexera penaxwa̱xe nax naga pexĩnüexü̃ ya Tupana ya daxũwa ãẽ̱xgacü ixĩcü, rü penaxüxü̃ i ngẽma nüma pexü̃́ nanaxwa̱xexü̃. Rü ngẽxguma i nüma rü naétü tá pexna nanaxã i guxü̃ma i ngẽma pexü̃́ taxuxü̃.

Yeremía 29:13

Rü cha̱u̱xca̱x tá pedaugü rü tá choxü̃ ipeyangau erü guxü̃ i perü ngúchaü̃maxã tá cha̱u̱xca̱x pedaugü.

Filipenses 3:13

Pa Chauenexẽgüx, ñu̱xma rü tauxta nawa changu i ngẽma naxca̱x chadauxü̃. Natürü ngẽma chaxüxü̃ nixĩ nax nüxü̃ charüngümaxü̃ i guxü̃ma ga yema noxri nagu chixũxü̃. Rü ñu̱xma rü chaugü chaporaxẽxẽ nax nawa changuxü̃ca̱x i ngẽma chope̱xewaama ngẽxmaxü̃.

Popera ga Yudíugü ga yaxõgüxü̃ca̱x ümatüxü̃ 11:6

Natürü taxuacüma Tupana tamaxã nataãxẽ ega tama nüxü̃́ yaxõgügu. Rü yíxema Tupanamaxã ãmücüchaü̃xe, rü tanaxwa̱xe nax tayaxõxü̃ nax Tupana rü aixcüma nangẽxmaxü̃ rü aixcüma tüxü̃ nangü̃xẽẽxü̃ ya yíxema naxca̱x daugüxe.

Wiyaegü 90:17

Pa Cori Pa Torü Tupanax, tanaxwa̱xe i tomaxã cumecüma rü toxü̃ cungechaü̃. ¡Rü ẽcü toxü̃ rüngü̃xẽxẽ nax mea ínanguxuchixü̃ca̱x i ngẽma puracü i taxüxü̃! Rü tanaxwa̱xe i aixcüma ngẽmaãcü mea ínanguxuchi.

2 Corintios 3:18

Rü ngẽmaca̱x guxãma i yixema nax Cristuaxü̃́ yaxõgüxü̃ rü ñoma woruarüxü̃ tixĩgü, rü tawa nango̱x nax ñuxãcü namexẽchixü̃ ya tórü Cori, rü ñu̱xma rü nataxuma i ta̱xacü i tüxü̃ idüxüxü̃ naxcha̱xwa. Rü nüma ya tórü Cori i Naãxẽ ya Üünexü̃ ixĩcü, rü guxü̃guma yexeraãcü tüxü̃ nimexẽẽchigü nax naxrüxü̃ imexü̃ca̱x.

Ore i mexü̃ ga Luca ümatüxü̃ 2:37

Rü yemaacü wüxi ga yutecü ga yaxguã̱xü̃chi iyixĩ, rü 84 nixĩ ga ngĩrü taunecü. Rü taguma Tupanapata ga taxü̃newa íixũxũ. Rü guxü̃guma ngunecü rü chütacü rü naxaureãcüma iyumüxẽecha. Rü yemaacü Tupanaxü̃ iyacua̱xüxü̃.

Danié 9:3

Rü yemaca̱x chayumüxẽ rü Cori ya Tupanana chaca nax toxü̃ ínanguxü̃xẽẽxü̃ca̱x naxme̱xwa i torü uanügü rü wena torü naanewa toxü̃ nawoeguxẽẽxü̃ca̱x. Rü yemaacü tama chachibüãcüma chayumüxẽ rü témüxü̃ ga naxchirugu chicu̱x rü tanimacate̱xewa charüto.

Wiyaegü 50:2

Rü nüma ya Tupana rü yima mexẽchine ya napata ya Chióü̃wa ngẽxmanewa norü üünemaxã nanangóonexẽxẽ.

Ore i mexü̃ ga Luca ümatüxü̃ 18:1

Ngechuchu rü wüxi ga to ga cua̱xruxü̃ namaxã nixu nax yemawa nangúexẽẽãxü̃ca̱x nax taguma nüxü̃ naxoexü̃ca̱x nax nayumüxẽgüxü̃.

2 Corintios 4:6

Erü nümatama ya Tupana ga noxri naane naxü̱xgux rü ẽanexü̃wa nanango̱xẽxẽ ga ngóonexü̃. Rü nümatama nixĩ i ñu̱xma i tüxü̃ yango̱xnaãẽxẽẽgüxü̃ nax ngẽmawa nüxü̃ icuáxü̃ca̱x nax nüma rü naxüünexü̃. Rü ngẽma norü üüne rü Ngechuchu ya Cristuchiwewa nixĩ i nangóxü̃.

Ore i mexü̃ ga Luca ümatüxü̃ 13:24

—Dauxü̃guxü̃ i naanearü ĩã̱x rü naxíraxüchi. ¡Rü paxa naxca̱x pedau nax nawa pichocuxü̃ca̱x! Erü pemaxã nüxü̃ chixu rü muxũchixü̃ma i duü̃xü̃gü tá nüxü̃́ nangúchaü̃ nax nawa yachocuxü̃, natürü taxũtáma nawa nangu nax nawa yachocuxü̃.

Nüxíraxü̃xü̃ ga popera ga Timutéuca̱x naxümatüxü̃ ga Pauru 5:5

Natürü name i ngẽma yaxõgüxü̃ tüxü̃ narüngü̃xẽẽgü ya yíxema yutexe ya tüxica irüxã́ũxe rü tüxü̃́ nataxúxe i tümatanüxü̃, rü Tupanaxü̃tawaxicatama ítanangu̱xẽxẽ i tümaarü ngü̃xẽxẽ, rü guxü̃guma chütacü rü ngunecü rü tayumüxẽ nax tüxü̃ nangü̃xẽẽxü̃ca̱x ya Tupana.

Chacaría 9:9

¡Rü poraãcü petaãẽgü, Pa Chióü̃cüã̱xgü! ¡Rü perü taãẽmaxã pewiyaegü, Pa Yerucharéü̃cüã̱xgüx! Erü pexca̱x tá ínangu ya perü ãẽ̱xgacü ya poracü ya mea pemaxã icuácü. Natürü i nüma rü tama nügü yacua̱xüxü̃ãcüma ínangu. Rü wüxi i búruxacüétügumare ínangu.

Wiyaegü 26:6

Rü cupe̱xewa chaugü chayauxme̱x, rü chowa rü nataxuxü̃ma i ta̱xacürü pecadu. Rü ngẽmaãcü, Pa Cori Pa Tupanax, curü ãmarearü guruü̃wa changu nax cuxca̱x chawiyaexü̃ca̱x rü cuxü̃ chicua̱xüü̃xü̃ca̱x rü nüxü̃ chixuxü̃ca̱x i ngẽma mexü̃gü i cuxüxü̃.

2 Chamué 21:1

Yexguma Dabí ãẽ̱xgacü ixĩxgu rü 3 ga taunecü taiya nangu̱x. Rü nüma ga Dabí rü Cori ya Tupanamaxã nidexa. Rü nüma ga Cori ya Tupana rü Dabíxü̃ nangãxü̃ rü ñanagürü nüxü̃: —Ngẽma nax taiya ngúxü̃ rü nüma ga Chaú rü natanüxü̃ máetagüxü̃gagu nixĩ, yerü nanadai ga muxü̃ma ga Gabaóü̃cüã̱xgü —ñanagürü nüxü̃.

1 Chamué 1:11

Rü ngĩrü yumüxẽwa rü Tupanamaxã ixuneta rü ngĩgürügü: —Pa Cori ya Tupana ya Daxũwa Ngẽxmacüx, rü ngẽxguma chi nüxü̃ cucua̱xgu nax ñuxãcü ngúxü̃ nax chingexü̃ naxca̱x i ngẽma nax changexacüxü̃ ¡rü choxü̃́ nüxü̃ naxĩnü i ñaa chorü yumüxẽ, rü choxna namu ya wüxi ya chaune! Rü yimá rü tá cuxna chanamu nax cuxrüxü̃ yixĩxü̃ca̱x. Rü ngẽma norü cua̱xruxü̃ nax aixcüma cuxna chanamuxü̃ rü tagutáma niyoeru —ngĩgürügü.

1 Chamué 30:8

Rü yexguma nüma ga Dabí rü Cori ya Tupanana naca rü ñanagürü: —¿Namexü̃ nax nawe changexü̃ i ngẽma ngĩ́ta̱xagüxü̃? ¿Rü nüxü̃ tá chayangauxü̃? —ñanagürü. Rü yexguma nüma ga Cori ya Tupana rü Dabíxü̃ nangãxü̃ rü ñanagürü: —¡Nawe nangẽ rü tá nüxü̃ cuyangau, rü tá tüxü̃ cupuxü̃ ya yíxema tüxü̃ yagagüxe! —ñanagürü.

1 Chamué 22:10

Rü nüma ga Aimérex rü Cori ya Tupanana naca nax Dabíxü̃ nangü̃xẽẽxü̃ca̱x. Rü õnagü nüxna naxã, rü ñu̱xũchi nüxna nanaxã ga Firitéu ga Goriáxarü tara —ñanagürü.