Wiyaegü 27:3 - Tupanaarü Ore

³ Rü woo muxũchixü̃ i churaragü choxü̃ íchomaeguãchigu rü taxuca̱xtama chamuü̃. Rü woo nügü ínamexẽẽgügu nax cha̱u̱xca̱x íyaxü̃ãchixü̃ca̱x rü taxuca̱xma chanaxĩ̱xãchiãxẽ.

Wiyaegü 27:3 Referans Kwoze

Wiyaegü 3:6

Rü tama naxca̱x chamuü̃ i ngẽma muxũchixü̃ i chorü uanügü i choxü̃ íchomaeguãchixü̃ nax choxü̃ yama̱xgüxü̃ca̱x.

Nüxíraxü̃xü̃ ga popera ga Pedru ümatüxü̃ 3:14

Natürü ngẽxguma chi mexü̃ nax pexügüxü̃ca̱x ngúxü̃ pingegügu, ¡rü petaãẽgü i pema! ¡Rü taxuca̱xma texéxü̃ pemuü̃e, rü bai ta̱xacüca̱x peba̱i̱xãchiãxẽgü!

Filipenses 1:28

¡Rü taxũtáma perü uanügüxü̃ pemuü̃e nax nüxü̃ pixuxü̃ i ngẽma ore! Rü ngẽma nax tama nüxü̃ pemuü̃exü̃ rü ngẽma rü wüxi i cua̱xruxü̃ tá nixĩ nüxü̃́ i perü uanügü. Rü ngẽmawa tá nüxü̃ nacua̱xgü nax yuwa tá naxĩxü̃ i nümagü natürü i pema rü tá maxü̃wa nax pexĩxü̃. Rü Tupana tá nixĩ ya pexü̃ rüngü̃xẽxẽcü nax tama nüxü̃ pemuü̃exü̃ca̱x i ngẽma perü uanügü.

Yema Cuáü̃ nüxü̃ dauxü̃ i yixcüra tá ngupetüxü̃chiga 2:10

¡Rü taxṹ i cumuü̃xü̃ naxca̱x i ngẽma ngúxü̃ i tá quingexü̃! Rü Chataná rü tá namu nax poxcupataü̃gu pexü̃ napoxcuexü̃ca̱x i ñuxre i pemax, nax ngẽmaãcü pexü̃ naxüxü̃ca̱x. Rü 10 i ngunexü̃ tá ngúxü̃ pingegü. Natürü woo ngẽmaãcü ngúxü̃ pingegügu rü chanaxwa̱xe i choxü̃́ cuyaxõõma ñu̱xmatáta cuyu̱x. Rü choma rü tá cuxna chanaxã i curü ãmare i maxü̃ i taguma gúxü̃.

Yox 4:6

Rü cuma nax aixcüma Tupanaaxü̃́ cupuracüxü̃ rü mecü ya norü duü̃ quixĩxü̃ ¿rü ñuxãcü i tama aixcüma nüxna curüyoexü̃ ya yimá curü Tupana?

Wiyaegü 52:6

Rü ngẽma duü̃xü̃gü i Tupanaga ĩnüexü̃ rü ngẽxguma nüxü̃ nadaugügu i ngẽma cuxü̃ üpetüxü̃, rü tá poraãcü namuü̃e. Rü tá cuxü̃ nacugüe rü ñanagürügü tá:

Norü taxre ga to ga popera ga ãẽ̱xgacügüchiga ümatüxü̃ 20:15

—Pa Ãẽ̱xgacü Pa Yochapáx, rü Pa Yudáanecüã̱xgü rü Pa Yerucharéü̃cüã̱xgüx, ¡rü mea iperüxĩnüe i ñaa ore i pemaxã tá nüxü̃ chixuxü̃! Rü Tupana rü ñanagürü pexü̃: “¡Taxṹ i pemuü̃exü̃ rü peba̱i̱xãchiexü̃ nape̱xewa i ngẽma muxũchixü̃ i churaragü! Rü ngẽma dai rü taxũtáma pemaxã nixĩ erü choma tá nixĩ i togü namaxã tadaixü̃.

1 Chamué 19:8

Rü wenaxarü Firitéugümaxã nügü nadai. Rü Dabí rü inaxũãchi nax Firitéugümaxã nügü nada̱i̱xü̃. Rü Firitéugüxü̃ narüporamae, rü muxũchixü̃ma ga Firitéugü nadai. Rü togü rü nayabuxmüxẽxẽ.

Wiyaegü 3:7

Pa Corix, Pa Chorü Tupanax, ¡chauétüwa ínayuxu rü choxü̃ ínapoxü̃ nüxna i chorü uanügü! ¡Rü nachiwe idagü rü nabüü̃püta i ngẽma chorü uanügü i chauxchi aiexü̃!

Wiyaegü 112:7

Rü nüma rü taxuca̱xma naxca̱x naba̱i̱xãchi i ta̱xacürü chixexü̃ i ore i nachiga i nüxü̃ naxĩnüxü̃, erü nüxü̃ nacua̱x nax Tupana aixcüma nüxna dauxü̃.