Wiyaegü 27:11 - Tupanaarü Ore

¹¹ Pa Corix ¡choxü̃ nawe̱x i cumaxü̃ rü chorü uanügücha̱xwa choxü̃ nüxü̃ nacua̱xẽxẽ i ngẽma nama i mexü̃ nax nagu chixũxü̃ca̱x!

Wiyaegü 27:11 Referans Kwoze

Wiyaegü 5:8

Pa Corix ¡choxna nadau naxcha̱xwa i ngẽma chorü uanügü! ¡Rü curü namawaama choxü̃ naxũxẽxẽ!

Wiyaegü 86:11

Pa Corix ¡choxü̃ nawe̱x i ngẽma cumaxü̃ nax aixcüma nagu chixũxü̃ca̱x! Rü chanaxwa̱xe i choxü̃́ cunangúchaü̃xẽxẽ nax cuxü̃ chicua̱xüü̃xü̃ca̱x.

Wiyaegü 26:12

Pa Cori Pa Tupanax, choma rü aixcüma cuxü̃́ chayaxõ. Rü guxü̃ i duü̃xü̃güpe̱xewa tá cuxü̃ chicua̱xüxü̃.

Wiyaegü 119:10

Rü ngẽmaca̱x i choma rü guxü̃ma i chorü maxü̃maxã cuxca̱x chadau. ¡Rü choxna nadau nax tama nüxna chixũgachixü̃ca̱x i curü mugü!

Wiyaegü 64:6

Rü nagu narüxĩnüe nax chixexü̃ naxügüxü̃, rü ñanagürügü: —Meama nagu tarüxĩnüe nax ñuxãcü tá tanaxü i ngẽma taxüxchaü̃xü̃ —ñanagürügü. Rü ngẽma nagü naxĩnüexü̃ i ngéma duü̃xü̃gü rü taxuwama name.

Ichaía 35:8

Ngéma tá nangẽxma i wüxi i nama i “Nama i Üünexü̃gu” ãégaxü̃. Rü yíxema tama Tupanape̱xewa tügü mexẽẽ́xe rü taxucürüwa nagu tixũ. Rü ngẽxgumarüxü̃ ta i ngẽma chixexü̃arü üruü̃gü rü taxucürüwa nagu naxĩ.

Yeremía 20:10

Rü nüxü̃ chaxĩnü nax duü̃xü̃gü rü cugüãcüma chauchiga yadexagüxü̃. Rü guxü̃wama choxü̃ naxãxũnegüxü̃ i duü̃xü̃gü rü ngẽmaca̱x chamuü̃. Rü nügümaxã ñanagürügü: “Ngĩxã ítanaxuaxü̃gü”, ñanagürügü. Rü woo i ngẽma chomücügü rü ínanangu̱xẽẽgü nax ngürüãchi ta̱xacürü chixexü̃ chaxüxü̃. Rü ñanagürügü: “Rü nügü tátama nixĩ i chixexü̃gu nanguxẽẽxü̃, rü ngẽxguma i yixema rü tá tayayauxgü rü yixema inaxwa̱xexü̃ tá namaxã taxü”, ñanagürügü.

Wiyaegü 25:9

Rü nügücümagu tüxü̃ naxĩxẽxẽ ya yíxema tama tügü icua̱xüü̃güxe, rü mexü̃wa tüxü̃ nagagü.

Ore i mexü̃ ga Luca ümatüxü̃ 20:20

Rü yema chacherdótegüarü ãẽ̱xgacügü rü Ngechuchuxü̃tawa nanamugü ga ñuxre ga norü duü̃xü̃gü nax mexü̃ ga duü̃xü̃gürüxü̃ yéma iyanaxĩnüẽxü̃ca̱x ga norü ngu̱xẽẽtae, natürü naxca̱x nax nadaugüxü̃ca̱x nax norü ngu̱xẽẽtaegagu nachixü̃anearü ãẽ̱xgacüxü̃tawa Ngechuchuxü̃ ínaxuaxü̃güxü̃ca̱x.

Ucu̱xẽgüchiga 8:9

Tümaca̱x ya yíxema tümaãẽxü̃ cuáxe rü meama nango̱x i ngẽma chorü ore, rü taxucürüwa texé chixri nachiga tidexa.

Wiyaegü 25:12

Rü yíxema Cori ya Tupanaxü̃ ngechaü̃xe, rü nüma rü tá tüxü̃ nanawe̱x i nacüma i mexü̃ nax nagu tixũxü̃.

Ucu̱xẽgüchiga 15:19

Ngẽma duü̃xü̃ i oxü̃ca̱x, rü guxü̃ma naxca̱x naguxcha. Natürü yimá yatü ya mexü̃gu rüxĩnücüca̱x rü taxuxü̃ma naxca̱x naguxcha.

Wiyaegü 54:5

Rü nüma ya Tupana rü tá naxca̱x nanatáeguxẽxẽ i ngẽma chixexü̃ i chorü uanügü chauxca̱x nagu rüxĩnüexü̃. Pa Tupanax, cuma rü aixcümacü quixĩ, rü ngẽmaca̱x chanaxwa̱xe nax icuyanaxoxẽẽxü̃ i ngẽma chorü uanügü.

Wiyaegü 5:9

Erü ngẽma chorü uanügü rü taguma ñuxgu aixcümaxü̃ nixugü. Rü chixexü̃guxicatama narüxĩnüe. Rü ngẽma naã̱x rü ñoma wüxi i yuetamaxü̃ i ngenaxü̃rüxü̃ nixĩ. Rü yimá norü conü rü nidorata̱a̱x.

Wiyaegü 139:24

¡Rü chomaxã nüxü̃ ixu ega chixexü̃ i namagu chixũxgu! ¡Rü ngẽma nama i maxü̃wa choxü̃ gaxü̃gu choxü̃ ixũxẽxẽ!