Wiyaegü 26:4 - Tupanaarü Ore

⁴ Rü taguma namaxã chaxãmücü i ngẽma idorata̱a̱xgüxü̃ rü bai i ñuxgu wüxiwa namaxã changexma i ngẽma nügü írümegünetaxü̃.

Wiyaegü 26:4 Referans Kwoze

Yeremía 15:17

Rü choma rü tama namaxã chaxãmücü i ngẽma duü̃xü̃gü i norü petaguxicatama rüxĩnüexü̃. Rü yexguma cuma choxü̃ cuyaxu̱xgucürüwatama rü marü chaxicatama ichayarüxũü̃xü̃. Erü cuma naxchi choxü̃ cuxaixẽxẽ i ngẽma duü̃xü̃gücüma i chixexü̃.

Wiyaegü 1:1

Tataãxẽ ya yíxema tama naga ĩnüxe i ngẽma chixexü̃ i duü̃xü̃güarü ucu̱xẽ rü tama nagu ixũxẽ i nacümagü i ngẽma pecadu ügüxü̃, rü tama nanaãẽraxü̃xe i ngẽma duü̃xü̃gü i Tupanagu idaucüraxü̃güxü̃.

Ucu̱xẽgüchiga 13:20

Ngẽxguma duü̃xü̃gü i nüxü̃ cuáxü̃maxã cuxãmücügu, rü tá cunayaxu i cua̱x. Natürü ngẽxguma ngẽma duü̃xü̃gü i naechitamare maxẽxü̃maxã cuxãmücügu, rü tá icuyarütaxu.

Wiyaegü 119:115

¡Rü choxna pixĩgachi, Pa Chixexü̃arü Üruxü̃güx! Erü choma rü chayanguxẽẽchaü̃ i chorü Tupanaarü mugü.

2 Corintios 6:17

Rü yemaca̱x ñanagürü ta ga tórü Cori: “¡Ípechoxü̃ i natanüwa i ngẽma duü̃xü̃gü i tama chorü duü̃xü̃gü ixĩgüxü̃! ¡Rü taxṹ i nüxü̃ pingógüxü̃ i ngẽma chope̱xewa ãũãchixü̃! Rü choma rü tá pexü̃ chayaxu.

Wiyaegü 119:63

Rü yíxema cuxü̃ ngechaü̃güxe rü cuga ĩnüexe rü chauenexẽ tixĩgü.

1 Corintios 15:33

¡Natürü taxũtáma nawe perüxĩ i ngẽma duü̃xü̃gü i ngẽmaãcü chixri idexagüxü̃! Erü aixcüma nixĩ i ngẽma ore i ñaxü̃: “Rü texé ya chixexü̃ i duü̃xü̃maxã ãmücüxe, rü tüxü̃́ inayanaxoxẽxẽ i tümacümagü i mexü̃”, ñaxü̃.

Ucu̱xẽgüchiga 12:11

Yíxema tümaanewa puracüxe rü taguma tangebü, natürü ngẽma taxuwama mexü̃gu rüxĩnüxü̃, rü tama naãẽxü̃ nacua̱x.

Ucu̱xẽgüchiga 9:6

¡Nüxü̃ perüxoe nax chixexü̃gu pemaxẽxü̃, rü ngẽxguma tá pexü̃́ nangẽxma i maxü̃! ¡Rü duü̃xü̃gü i naãxẽxü̃ icuáxü̃ãcü pemaxẽ! —ñanagürü.

Yox 31:5

Rü aixcüma nüxü̃ chixu rü taguma chixexü̃gu charüxĩnüãcüma ta̱xacü chaxü, rü bai nagu charüxĩnü ga texéxü̃ nax chawomüxẽẽxü̃.

Wiyaegü 101:4

Rü tá nüxü̃ chaxo i ngẽma ĩnügü i chixexü̃ i chauãẽwa íngugüxü̃. Erü taxuxü̃ma i ta̱xacürü chixexü̃ chaxüxchaü̃.