Wiyaegü 26:10 - Tupanaarü Ore

¹⁰ Erü nümagü rü taxü̃ i chixexü̃ naxügü rü diẽruca̱x chixri duü̃xü̃gümaxã inacua̱xgü.

Wiyaegü 26:10 Referans Kwoze

Wenaxarü naxümatü ga Tupanaarü mugü 16:19

Rü pemax, Pa Ãẽ̱xgacügü i Guxchaxü̃güarü Mexẽẽruü̃güx, ¡rü taxṹ i peyatoxẽxẽxü̃ i ngẽma guxchaxü̃arü mexẽxẽ! Rü ngẽxguma penamexẽẽgu i ngẽma duü̃xü̃güarü guxchaxü̃gü rü name nax guxãxü̃ma mea penamexẽẽxü̃ i tümarü guxchaxü̃gü. ¡Rü taxũtáma penayaxu ega texé pexü̃́ naxütanüchaü̃gu nax nawaama pexüxü̃ca̱x! Erü ngẽma diẽru rü ñoma yangexetüxü̃rüxü̃ nayaxĩgüxẽxẽ i ngẽma nüxü̃ cua̱xüchixü̃ rü ínayatoxẽxẽ i ngẽma aixcümaxü̃ ixugüxü̃arü dexa.

Wiyaegü 52:2

Rü yimá curü conü rü naxãũcüma ñoma wüxi i cüxchi i te̱xechixü̃rüxü̃. Erü yimá curü conü rü nidorata̱x rü chixexü̃ i orexü̃ nixu.

1 Chamué 8:3

Natürü tama nanatürüxü̃ nixĩgü, yerü norü yemaxü̃güguama narüxĩnüe. Rü yexguma ta̱xacürü guxchaxü̃ namexẽẽgügu rü nanayauxtanügü, rü tama nawüxigu i norü ngü̃xẽxẽ i guxãmaxã.

Ínachoxü̃xü̃chiga 23:8

Rü cuma nax ãẽ̱xgacü quixĩxü̃, rü tama name i wüxiaxü̃́ cunayauxtanü, nax naétüwaama cuxüxü̃ca̱x ega ta̱xacürü guxchaxü̃ cuxü̃tawa yamexẽẽgügu. Erü ngẽma ãẽ̱xgacü i nayauxtanüxü̃, rü inayacu̱x i ngẽma aixcüma ixĩxü̃, nax tama nüxü̃ nacuáxü̃ca̱x i duü̃xü̃gü, rü ngẽmaãcü ya yíxema duü̃xẽ ya taxuxü̃ma i chixexü̃ üchiréxe, rü nitümaguãchi i ngẽma chixexü̃.

Ngechuchuarü ngúexü̃gü ga yamugüxü̃arü puracüchiga 23:12

Rü moxü̃ãcü, rü ñuxre ga Yudíugü rü nügümaxã inaxunetagü nax taxũtáma nachibüexü̃ rü naxaxegüxü̃ ñu̱xmatáta Pauruxü̃ yama̱xgü. Rü ñanagürügü: —Tachixexü̃gugü tá ega ta̱xacü ingõ̱xgügu naxü̃pa nax yamáxü̃ i Pauru —ñanagürügü.

Miquéa 7:3

Rü nümagü rü nüxü̃ nicua̱xüchi nax naxügüãxü̃ i guxchaxü̃gü. Rü ngẽma ãẽ̱xgacügü rü naxca̱x ínacagü nax nüxü̃́ naxütanügüãxü̃. Rü ãẽ̱xgacügü i guxchaxü̃arü mexẽẽruü̃gü rü ngẽma nüxü̃́ naxütanüxü̃étüwaama naxü. Rü ngẽma diẽruã̱xü̃chixü̃ rü nanaxügü i ngẽma nagu naxĩnüexü̃ rü ngẽmaãcü nanachixexẽxẽ ya ĩane.

Amúx 5:12

Choma nüxü̃ chacua̱x nax nataxü̃ i perü chixexü̃gü, Pa Ãẽ̱xgacügüx. Rü ngẽma perü pecadugü rü tama inayacua̱x. Rü ngẽxguma duü̃xü̃gü pepe̱xewa norü guxchaxü̃gü yamexẽẽgüchaü̃gu, rü yíxema aixcümaxü̃ ixuxe rü tama tüxü̃́ ipexĩnüe. Natürü nüxü̃́ ipexĩnüe i ngẽma diẽrumaxã pexü̃́ naxütanüxü̃ nax naétüwaama pechogüxü̃ca̱x. Rü ngẽmaãcü i pemax, Pa Ãẽ̱xgacügüx, rü ngẽxma tüxü̃́ ipeyanaxoxẽxẽ i ngẽma guxchaxü̃ i pexü̃tawa naxca̱x taxũxü̃ ya yíxema ngearü diẽruã́xẽ.

Ichaía 33:15

Rü yíxema aixcüma mea maxü̃́xẽ, rü yíxema aixcümaxü̃ ixúxe, rü yíxema tama womüxẽẽãcü tügü muarü ngẽmaxü̃ã́xẽ, rü yíxema tama nayauxtanüxẽ i guxchaxü̃arü mexẽxẽ, rü yíxema tama naga ĩnüxe i ngẽma tümamaxã máetagüchaü̃xü̃, rü yíxema chixexü̃cha̱xwa ixũgachixe, rü yíxema tá tixĩ ya aixcüma maxü̃́xẽ rü tüxü̃́ nangẽxmaxẽ i tümaarü cu̱xchicaxü̃ i nutanaxca̱x, rü guxü̃gutáma taxãwemü rü tagutáma nataxu i tümaarü dexá.

Ucu̱xẽgüchiga 4:16

Erü ngẽma duü̃xü̃gü rü tama nataãẽgü ega tama chixexü̃ naxügügu, rü tama napee ega taxúexü̃ma chixexü̃gu nangu̱xẽẽgügu.

Ucu̱xẽgüchiga 1:16

Erü nümagü rü nañu̱xãẽgü nax chixexü̃ naxügüxü̃ca̱x rü napaxaãẽgü nax namáetagüxü̃ca̱x.

Wiyaegü 36:4

Rü ngẽxguma norü pechicaxü̃gu nacaxgu rü ngéma nagu narüxĩnü nax chixexü̃ naxüxü̃. Rü ngẽma nax poraãcü nüxü̃́ nangúchaü̃ i ngẽma chixexü̃ i naxüxü̃ rü ngẽmaca̱x tama ínanangéxchaü̃.

Wiyaegü 11:2

¡Rü dücax i ngẽma chixexü̃ ügüxü̃ i duü̃xü̃gü! Rü nanape̱xecunüxẽxẽ ya norü würa nax yacu̱xgüãcüma naxnegümaxã tüxü̃ nama̱xgüxü̃ca̱x ya yíxema duẽxẽgü i mea maxẽxe.

Wiyaegü 10:14

Pa Corix, cumatama marü nüxü̃ cudau i ngẽma taxü̃ i chixexü̃ i naxügüxü̃, rü name i cunapoxcu naxca̱x i ngẽma ngúxü̃ nax duü̃xẽgüxü̃ yangexẽẽgüxü̃. Rü yíxema turaexe rü curü ngü̃xẽẽca̱x nixĩ i tadaugüxü̃, erü cuma nixĩ i tümaarü poxü̃ruxü̃ quixĩxü̃. Rü cuma nixĩ i tüxü̃ curüngü̃xẽẽxü̃ ya yíxema taxcutagü.