Wiyaegü 24:7 - Tupanaarü Ore

⁷ ¡Rü piwãxnagü, Pa Nũxcümaü̃xü̃ i Ĩã̱xgüx! ¡Rü pengeenügü nax yaxücuxü̃ca̱x ya yimá guxãarü Ãẽ̱xgacü ya üünecü ya poracü!

Wiyaegü 24:7 Referans Kwoze

Ichaía 26:2

¡Rü peyawãxna̱x i ngẽma norü ĩã̱xgü ya daa ĩane nax nachocuxü̃ca̱x i ngẽma duü̃xü̃gü i Tupanape̱xewa mexü̃ rü aixcüma naga ĩnüexü̃!

Yema Cuáü̃ nüxü̃ dauxü̃ i yixcüra tá ngupetüxü̃chiga 4:11

Rü ñanagürügü: “Pa Torü Cori, Pa Torü Tupanax, cuxü̃ nixĩ i namexü̃ nax ticua̱xüü̃güxü̃ rü cuxü̃ tataxẽẽgüxü̃, yerü cuma nixĩ ga cunaxüxü̃ ga guxü̃ma, rü curü ngúchaü̃gagu nixĩ i ñu̱xma nangẽxmagüxü̃ i ngẽma cuxüxü̃”, ñanagürügü.

1 Corintios 2:8

Natürü yema Tupana nagu rüxĩnüxü̃, rü taxuxü̃ma ga ñoma ga naanecüã̱x ga ãẽ̱xgacügü nüxü̃ nacua̱x. Yerü yexguma chi aixcüma nüxü̃ nacua̱xgügu ga yema Tupana nagu rüxĩnüxü̃ rü taxũchima curuchawa nayapotagü ga tórü Cori ya Cristu.

Wiyaegü 97:6

Rü guxü̃ma i ngẽma dauxü̃wa nüxü̃ idauxü̃ rü tüxü̃ nüxü̃ nacua̱xẽxẽ nax nüma ya Tupana rü ãẽ̱xgacü ya mecü yixĩxü̃. Rü guxü̃ma i duü̃xü̃gü i ñoma i naanecüã̱x rü nüxü̃ nadaugü nax naxüünexü̃ i nümax.

Maraquía 3:1

Nüma ya Cori ya Guxãétüwa Ngẽxmacü rü ñanagürü pexü̃: —Choma rü chaugüpe̱xe tá chayamu i chorü orearü ngeruxü̃ nax yoxni chauxü̃pa nügü íyamexẽẽgüxü̃ca̱x i chomaxü̃. Rü yimá Cori ya naxca̱x peda̱u̱xcü rü ngürüãchi tá napata ya taxü̃negu naxücu. Rü ngẽmaãcü tá ínangu ya yimá perü maxẽxẽẽruxü̃ ga Tupana nüxü̃ ixucü ga yexguma perü o̱xigümaxã inaxunetagu —ñanagürü.

Nüxíraxü̃xü̃ ga popera ga ãẽ̱xgacügüchiga 8:11

Rü nagagu ga yema caixanexü̃ rü nüma ga yema chacherdótegü rü taxuacüma yexma narücho nax Tupanaxü̃ yacua̱xüü̃güxü̃ca̱x, yerü Cori ya Tupanaarü üünemaxã nanapa ga guma Tupanapata ga taxü̃ne.

Nüxíraxü̃xü̃ ga popera ga Pedru ümatüxü̃ 3:22

Rü nüma ga Ngechuchu ya Cristu, rü daxũguxü̃ i naanewa naxũ, rü ñu̱xma rü Tupanaarü tügünecüwawa nangẽxma. Rü ñu̱xma rü naxme̱xwa nangẽxmagü i guxü̃ma i Tupanaarü orearü ngeruü̃gü i daxũcüã̱x, rü guxü̃ma i ngẽma naãxẽgü i ãẽ̱xgacügü ixĩgüxü̃, rü guxü̃ma i ngẽma naãxẽgü i poraexü̃.

2 Chamué 6:17

Rü yéma ne nanangegü ga yema baú ga Cori ya Tupanaarü mugü nawa yexmaxü̃. Rü ñu̱xũchi nayaxǘcuchigü nagu ga guma ĩpata ga naxchirunaxca̱x ga Dabí woetama naxca̱x üxü̃ne. Rü yexgumatama ga Dabí rü Cori ya Tupanana ãmare naxã. Rü nanadai ga naxü̃nagü rü ínanagu nax yemaacü namexẽẽãxü̃ca̱x ga norü guxchaxü̃gü ga Cori ya Tupanape̱xewa naxügüxü̃.

Norü taxre ga popera ga Pedru ümatüxü̃ 3:18

Rü ngẽmaca̱x, Pa Chauenexẽgüx, penaxwa̱xe nax pegü peporaexẽẽxü̃ nax wüxichigü i ngunexü̃ yexeraãcü tórü Cori ya Ngechuchu ya Cristu ya tórü Maxẽxẽẽruü̃xü̃ pecuáxü̃ca̱x rü yexeraãcü nüxü̃ picuáetanüxü̃ca̱x nax aixcüma pexü̃ nangechaü̃xü̃. ¡Rü ngẽmaca̱x name i ñu̱xma rü guxü̃gutáma nüxü̃ ticua̱xüxü̃gü! Rü ngẽmaãcü yixĩ.

Ore i mexü̃ ga Márcu ümatüxü̃ 16:19

Rü nüma ga Cori ga Ngechuchu rü yexguma norü ngúexü̃gümaxã yadexaxguwena, rü Tupana rü daxũguxü̃ ga naanewa nanaga. Rü Tupanaarü tügünecüwawa nayarüto.

Aguéu 2:9

Rü ñu̱xma nax wena namexẽẽxü̃ ya daa chopata ya taxü̃ne rü yexguma noxri naxü̱xguarü yexera tá namexẽchi. Rü ngẽxguma rü tá ichayanaxoxẽxẽ i guxü̃ma i nu i ñaa nachicawa, rü nua tá petaãẽgü. Rü choma ya Cori ya Tupana ya Guxãétüwa Ngẽxmacü nixĩ i nüxü̃ chixuxü̃ i ngẽma —ñanagürü.

Wiyaegü 132:8

¡Rü inachi, Pa Cori Pa Tupanax, rü cupatagu naxücu naxü̃tawa i curü mugüchixü̃ i curü poraarü cua̱xruxü̃ ixĩxü̃ nax ngéma cupatawa cungexmaxü̃ca̱x!

Popera ga Chantiágu ümatüxü̃ 2:1

Pa Chauenexẽgüx, pema rü nüxü̃́ peyaxõgü ya tórü Cori ya Ngechuchu ya Cristu ya üünecü. Rü ngẽmaca̱x tama name nax chixri penayaxuxü̃ i wüxi i duü̃xü̃ rü mea penayaxuxü̃ i to.

Nüxíraxü̃xü̃ ga popera ga ãẽ̱xgacügüchiga 8:6

Rü yemawena ga yema chacherdótegü rü Tupanapata ga taxü̃nearü aixepegu nanangecuchigü ga yema baú. Rü yema nachiã ga üünexü̃chixü̃gu nayaxǘgü natüxü̃gu ga guma naxpe̱xatügü ga yema taxre ga Tupanaarü orearü ngeruü̃güchicüna̱xãgü. Rü guma naxpe̱xatügü rü nayadüxü ga yema Tupanaarü mugüchixü̃ wüxigu namaxã ga naxpawerugü.

Wiyaegü 21:1

Pa Cori Pa Tupanax, curü poragagu, rü nataãẽxü̃chi ya yimá ãẽ̱xgacü. Rü aixcüma nataãxẽ erü cuma rü norü uanügüxü̃ cunaporamaexẽxẽ.

Wiyaegü 21:5

Rü cuma rü norü uanügüxü̃ cunaporamaexẽxẽ, rü ngẽmaca̱x natachiga ya yimá ãẽ̱xgacü. Rü cuma rü nüxü̃ curüngü̃xẽxẽ rü ngẽmaca̱x namaxã nataãẽgü i duü̃xü̃gü.

Ichaía 62:10

¡Pa Yerucharéü̃cüa̱xgüx, ĩanearü ĩã̱xgüwa ípechoxü̃ rü penamexẽxẽ i ngẽma nama naxca̱x i petanüxü̃ i woeguxü̃! ¡Rü mea uãẽãcü penaxü̱x rü ípenawogü ya nutagü! ¡Rü penawãĩxnagü i wüxi i wonera nax nüxü̃ nadaugüxü̃ca̱x i ngẽma togü i nachixü̃anegü!

Miquéa 4:8

Rü cumax, Pa Yerucharéü̃ i Iraétanüxü̃arü Poxü̃chicaxü̃ Ixĩxẽ i Ma̱xpǘne ya Chióü̃wa, rü wena táxarü guxü̃ i togü i Iraéanearü ĩanegüétüwa cungexma. Rü cuwa tá nixĩ i nangẽxmaxü̃ i ñaa nachixü̃anearü ãẽ̱xgacü —ñanagürü ya Tupana.