Wiyaegü 24:4 - Tupanaarü Ore

⁴ Rü yíxema tama chixexü̃ üxe rü tama chixexü̃gu rüxĩnüxe, rü tama tupananetachicüna̱xãgüxü̃ icua̱xüü̃güxe rü tama idoraxe, rü yíxema tixĩ ya mexẽ nax Tupanapatawa tangexmaxü̃.

Wiyaegü 24:4 Referans Kwoze

Ore i mexü̃ ga Matéu ümatüxü̃ 5:8

Tataãẽgü ya yíxema tama chixexü̃gu rüxĩnüexe, erü yíxema tá tixĩgü ya Tupanaxü̃ daugüxe.

Wiyaegü 51:10

Pa Tupanax ¡chowa nangẽxmaxẽxẽ i wüxi i chauãxẽ i aixcüma mexü̃! ¡Rü nangexwaca̱xü̃xẽxẽ i chauãxẽ nax cupe̱xewa wüxi i naãxẽ i aixcüma mexü̃ yixĩxü̃ca̱x!

Popera ga Chantiágu ümatüxü̃ 4:8

¡Tupanana pengaicamagü! Rü nüma rü tá ta pexna nangaicama. Rü pemax, Pa Pecaduã̱xgüxü̃x, ¡nüxü̃ perüxoe i pecüma i chixexü̃! Rü pemax, i Tupanawe rüxĩxchaü̃xẽ natürü ñoma i naanewe rü ta rüxĩxchaü̃xẽ, ¡penamexẽxẽ̱x i perü maxü̃ nax Tupanaca̱xicatama pemaxẽxü̃ca̱x!

Yox 17:9

Natürü yíxema duẽxẽgü i aixcüma mexü̃ ixĩgüxe rü we̱xgu taxĩama. Rü yíxema ngearü chixexü̃ãxẽ rü tiporaetanü.

Wiyaegü 73:1

Tupana rü namaxã namecüma i ngẽma Iraétanüxü̃ i mexü̃gu rüxĩnüexü̃.

2 Corintios 7:1

Pa Chauenexẽgü ya Pexü̃ Changechaü̃güxex, ngẽmagü nixĩ i Tupanaarü unetagü i marü tüxü̃́ ngẽxmagüxü̃. Rü ngẽmaca̱x tanaxwa̱xe nax yigüna idaugüxü̃ nax tama taxünemaxã rü ẽ̱xna taãẽmaxã naxüxü̃ca̱x i ngẽma Tupanape̱xewa tama mexü̃. Rü tanaxwa̱xe i Tupanaxü̃ imuü̃exü̃ rü nüxna yigü ixãgüxü̃ nax naxca̱xicatama imaxẽxü̃ca̱x.

Wiyaegü 26:6

Rü cupe̱xewa chaugü chayauxme̱x, rü chowa rü nataxuxü̃ma i ta̱xacürü pecadu. Rü ngẽmaãcü, Pa Cori Pa Tupanax, curü ãmarearü guruü̃wa changu nax cuxca̱x chawiyaexü̃ca̱x rü cuxü̃ chicua̱xüü̃xü̃ca̱x rü nüxü̃ chixuxü̃ca̱x i ngẽma mexü̃gü i cuxüxü̃.

Nüxíraxü̃xü̃ ga popera ga Timutéuca̱x naxümatüxü̃ ga Pauru 2:8

Rü ñu̱xma chanaxwa̱xe i guxü̃wama nayumüxẽgü i yatügü. Rü chanaxwa̱xe i ngearü pecaduã̱xãcüma naxugüme̱xẽ. Rü tama name i nügümaxã nanueãcüma rüe̱xna nügü nachoxü̃gagüãcüma nayumüxẽgü.

Ngechuchuarü ngúexü̃gü ga yamugüxü̃arü puracüchiga 15:9

Rü Tupanape̱xewa rü yixema i Yudíugü rü namaxã tawüxigu i ngẽma tama Yudíugü ixĩgüxü̃. Yerü nümagü rü ta Tupana nüxü̃́ nüxü̃ narüngüma ga norü pecadugü ga yexguma Ngechuchuaxü̃́ yaxõgüãgu.

Wiyaegü 18:20

Rü nüma ga Cori ya Tupana rü ãmare choxna naxã erü nape̱xewa name i chorü maxü̃. Rü choxü̃́ nanaxütanü naxca̱x ga chorü maxü̃ i ngẽarü chixexü̃ã́xü̃.

Wiyaegü 143:8

¡Rü pa̱xmama choxü̃ nawe̱x nax poraãcü choxü̃ cungechaxü̃xü̃! Erü cuxü̃́ nixĩ i chayaxõxü̃. ¡Rü choxü̃ nüxü̃ nacua̱xẽxẽ nax ñuxãcü cunaxwa̱xexü̃ nax cupe̱xewa chamaxü̃xü̃! Erü cumaxã nixĩ i nüxü̃ chixuxü̃ i ngẽma chorü ngúchaü̃.

Wiyaegü 15:4

rü tama nanaãẽraxü̃xe i ngẽma chixexü̃ üxü̃, rü nüxü̃ ngechaü̃xe i ngẽma duü̃xü̃ i Tupanaxü̃ ngechaü̃xü̃, rü naxüamáxe i ngẽma nagu taxunetaxü̃ woo tüxü̃́ naguxchagu nax tayanguxẽẽxü̃,

Yema Cuáü̃ nüxü̃ dauxü̃ i yixcüra tá ngupetüxü̃chiga 21:27

Natürü tagutáma ngẽxma naxücu i ta̱xacü i Tupanape̱xewa chixexü̃, rü bai ya texé ya chixexü̃ ǘxe rüe̱xna idorata̱xáxe. Rü yíxema Carnéruxacüarü poperawa ngo̱xégagüxexica tá tixĩ ya ngẽxma chocuxe rü nayauxgüxe i maxü̃ i taguma gúxü̃.

Yeremía 4:14

Pa Yerucharéü̃cüã̱xgü, ¡nüxü̃ perüxoe i ngẽma chixexü̃ i nagu pemaxẽxü̃! Rü ngẽxgumaxicatama tá nixĩ i nüxna ípenguxü̃xü̃ i ngẽma ãũcümaxü̃ i pexca̱x ínguxchaü̃xü̃. ¿Rü ñuxguxüra tá ta nixĩ i pegüna peyaxũgachixẽẽxü̃ i ngẽma chixexü̃ i ĩnügü i peãẽwa ngẽxmagüxü̃?

Maraquía 3:5

Rü nüma ya Cori ya Tupana ya Guxãétüwa Ngẽxmacü rü ñanagürü: —Choma rü tá aixcüma pexna chaca i perü chixexü̃ca̱x. Rü chomatátama nüxü̃ chixugüe i ngẽma yuüexü̃, rü ngẽma nai i ngexü̃maxã maxẽxü̃, rü ngẽma doramaxã nügü ípoxü̃xü̃, rü ngẽma norü puracütanüxü̃maxã rü ngẽma yutegüxemaxã, rü ngẽma taxcutagümaxã chixri icua̱xgüxü̃. Rü ngẽxgumarüxü̃ tá ta nüxü̃ chixugüe i ngẽma chixri tümamaxã icua̱xgüxü̃ ya duü̃xẽgü ya to i nachixü̃anecüã̱xgü, rü ngẽma tama chauga ĩnüexü̃ —ñanagürü.

Echequié 18:6

Rü yíxema rü tama natanügu taxã i ngẽxguma togü ma̱xpǘnegüwa taxü̃ i õna naxügügu nax norü tupananetachicüna̱xãgüxü̃ yacua̱xüü̃güxü̃ca̱x. Rü tama nüxü̃́ tayaxõ i ngẽma Iraétanüxü̃arü tupananetagü. Rü yíxema rü tama tümamücüxü̃ tayapu̱xma̱x, rü tama tümama̱xmaxã tamaxü̃ ega ngẽxguma tümaarü da̱xawexü̃newa tangexmagu.

Ucu̱xẽgüchiga 20:9

Taxucürüwa texé tügü tixu rü ñatagürü: —Chorü maxü̃ rü aixcüma name rü changearü pecaduã̱x —ñatagürü.

Wiyaegü 25:1

Pa Cori Pa Tupanax, cuxna nixĩ i chacaxü̃ i chorü yumüxẽwa.

Yox 9:30

Rü woo chi chaũmaxã chaugü chayauxme̱xgu rü chaugü chayauxunegu, natürü cumax, Pa Tupanax, rü ãcharaxü̃gu chi choxü̃ curücu̱x rü woo ngẽma chauxchiru rü chi chowa naxã̱ũ̱ã̱x.

Wenaxarü naxümatü ga Tupanaarü mugü 4:19

Rü ngẽxguma daxũ pedaugügu rü nüxü̃ peda̱u̱xgu ya üa̱xcü, rü tauemacü, rü ẽxtagü, rü guxü̃ma i daxũwa naigüxü̃ rü ¡taxṹ i pexü̃́ nangúchaü̃xü̃ nax nüxü̃ picua̱xüü̃güxü̃ca̱x! Erü nüma ya Cori ya perü Tupana rü guxü̃ma i duü̃xü̃gü i ñoma i naanewa maxẽxü̃ca̱x nixĩ i nango̱xẽẽãxü̃ i ngẽma daxũwa naigüxü̃.

Ngechuchuarü ngúexü̃gü ga yamugüxü̃arü puracüchiga 14:15

—Pa Yatügüx, ¿tü̱xcüü̃ toxca̱x penaxü i ngẽma? Toma rü pexrüxü̃ duü̃xü̃gümare tixĩgü. Rü nua taxĩ nax pemaxã nüxü̃ tayarüxuxü̃ca̱x nax nüxü̃ perüxoexü̃ca̱x i ngẽma pecüma i taxuwama mexü̃ rü nüxü̃́ peyaxõgüxü̃ca̱x ya Tupana ya Maxü̃cü ga naxücü i daxũguxü̃ i naane, rü ñoma i naane, rü ngẽma már rü guxü̃ma i nawa ngẽxmaxü̃.

Naanearü ügüchiga 6:5

Natürü ga Cori ya Tupana rü nüxü̃ nadau nax ñoma ga naanewa poraãcü chixexü̃ naxügüxü̃ ga duü̃xü̃gü rü chixexü̃guxicatama naxĩnüexü̃.

Echequié 18:15

Rü yimá nane rü ngẽxguma chi tama nanatürüxü̃ natanügu naxãxgu i ngẽma ma̱xpǘnegüwa taxü̃ ga õna ügüxü̃ nax ngẽmaãcü norü tupanachicüna̱xãxgüxü̃ icua̱xüü̃güxü̃, rü chi tama nüxü̃́ yaxõõxgu i ngẽma Iraétanüxü̃arü tupanagüneta, rü chi tama toguxexü̃ yapu̱xmaxgu, rü chi taxúemaxã nachixecümagu, rü ngẽxguma chi texé diẽruca̱x nüxna caxgux rü nüma rü tama norü diẽruchicüxü tümaarü ngẽmaxü̃ca̱x ínaca̱xgu, rü chi tama texéaxü̃́ nangĩ̱xgu, rü chi tüxü̃ nachibüxẽẽgu ya yíxema taiyaxe, rü chi tüxü̃ naxüxchirugu ya yíxema ngexchiruxe, rü chi taxúemaxã guxchaxü̃ naxü̱xgu, rü chi ngearü üétüãcüma diẽru ngĩxü̃ inaxãxgu, rü chi chorü mugüga naxĩnügu rü nagu namaxü̃gu, rü nüma rü taxũtáma nanatüarü chixexü̃gagu nayu. Rü aixcüma tá namaxü̃.

Yeremía 5:2

Rü nangẽxmagü i duü̃xü̃gü i chauégagu ixunetagüxü̃, natürü tama nayanguxẽẽgü i norü unetagü —ñanagürü ya Cori ya Tupana.

Wiyaegü 51:12

¡Ẽcü wena cha̱u̱xca̱x natáeguxẽxẽ i ngẽma taãxẽ ga noxri choxü̃́ yexmaxü̃ ga yexguma chixexü̃wa choxü̃ ícunguxuchixẽxẽgu! ¡Rü choxü̃ naporaxẽxẽ nax cuga chaxĩnüxü̃ca̱x! ¡Rü ngẽxguma i choma rü tá chanangúexẽxẽ i ngẽma tama cuga ĩnüexü̃ nax nümagü rü ta cuga naxĩnüexü̃ca̱x rü aixcüma cuxü̃́ yaxõgüãxü̃ca̱x!