Wiyaegü 24:3 - Tupanaarü Ore

³ ¿Rü texé tame nax nawa tanguxü̃ ya yima ma̱xpǘne ya üünene ya Tupana nawa ngẽxmane? ¿Rü texé tame nax napata ya üünenewa tangexmaxü̃?

Wiyaegü 24:3 Referans Kwoze

Wiyaegü 15:1

Pa Corix ¿texé tá tixĩ ya yíxema cupata ya üünenewa ngẽxmaxe? ¿Rü texé tá tixĩ ya yimá curü ma̱xpǘne ya üünenegu ãchiü̃xẽ?

Popera ga Yudíugü ga yaxõgüxü̃ca̱x ümatüxü̃ 12:28

Rü ñu̱xma nax guxü̃guca̱x tórü ãẽ̱xgacü yixĩxü̃ ya Tupana, rü name nax nüxna moxẽ ixãgüxü̃, rü nüxü̃ ingechaü̃güãcüma rü nüxü̃ imuü̃eãcüma nüxü̃ icua̱xüü̃güxü̃, ngẽma nüma nanaxwa̱xexü̃rüxü̃.

Wiyaegü 65:4

Rü nataãxẽ i ngẽma duü̃xü̃ i cuma cuyaxuxü̃ nax yima cupata ya Chióü̃wa ngẽxmanewa cumaxẽẽxü̃ca̱x. Rü wüxi i taãxẽ tá nixĩ nax natanüwa tangexmagüxü̃ i ngẽma mexü̃gü i cupata ya üünenewa ngẽxmagüxü̃.

Maraquía 3:1

Nüma ya Cori ya Guxãétüwa Ngẽxmacü rü ñanagürü pexü̃: —Choma rü chaugüpe̱xe tá chayamu i chorü orearü ngeruxü̃ nax yoxni chauxü̃pa nügü íyamexẽẽgüxü̃ca̱x i chomaxü̃. Rü yimá Cori ya naxca̱x peda̱u̱xcü rü ngürüãchi tá napata ya taxü̃negu naxücu. Rü ngẽmaãcü tá ínangu ya yimá perü maxẽxẽẽruxü̃ ga Tupana nüxü̃ ixucü ga yexguma perü o̱xigümaxã inaxunetagu —ñanagürü.

Wiyaegü 2:6

—Choma rü marü nüxü̃ chaxuneta ya yimá ãẽ̱xgacü ya choma chanaxwa̱xecü nax yima ma̱xpǘne ya üünene ya Chióü̃wa ãẽ̱xgacü yixĩxü̃ca̱x —ñanagürü.

Wiyaegü 68:18

Pa Tupanax, yexguma Chióü̃ ya ma̱xpǘnegu cuxĩnagügu rü cugüwe cuyagagü i ngẽma ícuyauxü̃xü̃ i curü uanügü. Rü duü̃xü̃gütanüwa cunayaxu i ãmaregü. Rü woo i ngẽma tama cuga ĩnüechaü̃xü̃ rü natanüwa cunayaxu i ãmaregü nax ngéma Chióü̃wa cuxãpataxü̃ca̱x.

Lebítanüxü̃arü puracüchiga 10:3

Rü nüma ga Moiché rü Aróü̃xü̃ ñanagürü: —Ñaachiga nixĩ ga yema Cori ya Tupana nüxü̃ ixuxü̃ ga yexguma ñaxgux: “Rü yíxema choxna ngaicamachaü̃xe rü choma rü tá tüxü̃ chanawe̱x nax aixcüma chaxüünexü̃. Rü guxü̃ma i Iraétanüxü̃pe̱xewa tá ichanawe̱x i chorü pora”, ñaxgu —ñanagürü ga Moiché. Rü nüma ga Aróü̃ rü yéma nangea̱xmare.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 15:1

Rü nüma ga Dabí rü duü̃xü̃güxü̃ namu nax guma Dabíarü Ĩanegu naxügüã̱xü̃ca̱x ga napata. Rü yexgumarüxü̃ ta nanamu nax naxügüã̱xü̃ca̱x ga wüxi ga yexwaca̱xü̃ne ga ĩpata ga naxchirunaxca̱x nax yéma nayexmaxü̃ca̱x ga yema baú ga Tupanaarü mugüchixü̃.

Ore i mexü̃ ga Cuáü̃ ümatüxü̃ 20:17

Rü Ngechuchu rü ñanagürü ngĩxü̃: —¡Taxṹ i choxü̃ quingõgüxü̃, erü tauta Chaunatüxü̃tawa chaxũ! ¡Natürü ngéma chauenexẽgütanüwa naxũ rü namaxã nüxü̃ yarüxu nax choma rü tá Chaunatü ya Tupana ya Penatü ya Tupanaxü̃tawa chaxũxü̃! —ñanagürü.

Ore i mexü̃ ga Cuáü̃ ümatüxü̃ 13:36

Rü Chimóü̃ ga Pedru rü Ngechuchuna naca, rü ñanagürü: —Pa Corix ¿ngextá tá cuxũ? —ñanagürü. Rü Ngechuchu nanangãxü̃, rü ñanagürü: —Ngéma íchaxũxü̃wa rü taxucürüwa chowe curüxũ i ñu̱xmax. Natürü yixcama rü ngẽmáacü tá chowe curüxũ —ñanagürü.

Echequié 44:5

Rü yexguma ga nüma ga Cori ya Tupana rü chomaxã nidexa rü ñanagürü: —Cuma, Pa Yatüx, ¡mea idauchixetü, rü mea irüxĩnü i guxü̃ma i ngẽma chopataarü mugü i tá cumaxã nüxü̃ chixuxü̃! ¡Rü dücax, mea irüxĩnü nax texégü tá tixĩgüxü̃ ya yíxema chopatagu chocuxe rü ñu̱xũchi texégü tá tixĩgüxü̃ ya yíxema taxucürüwa nagu chocuxe!

Echequié 44:9

Rü ngẽmaca̱x i choma i Cori ya Tupana rü ñachagürü: Rü taxuxü̃táma to i nachixü̃anecüã̱x i duü̃xü̃ i tama íwiecha̱xmüü̃pe̱xechiraü̃xü̃ rü tama chorü mugügu maxü̃xü̃ tá chopatagu naxücu, woo Iraétanügu naxãpatagu.