Wiyaegü 24:2 - Tupanaarü Ore

² Yerü nüma nixĩ ga naxüaxü̃ ga ñoma ga naane. Rü nüma nixĩ ga naxüchicaaxü̃ ga márgü rü taxtügü nax yemaacü nangóxü̃ca̱x ga paanexü̃.

Wiyaegü 24:2 Referans Kwoze

Yeremía 5:22

Rü choma ya Cori ya Tupana rü pexna chaca rü ñachagürü: ‘¿Tama ẽ̱xna choxü̃ pemuü̃e? ¿Tama ẽ̱xna chope̱xewa pidu̱xrue?’ Choma rü chanango̱xẽxẽ ya naxnecü nax márxü̃ yatoxyepe̱xexü̃ca̱x. Rü ngẽma toxyepe̱xewa rü taxucürüwama naxüpetü i már. Rü woo poraãcü nayuapegu rü natagagu rü taxucürüwama naxüpetü nawa i ngẽma toxyepe̱xe.

Wiyaegü 136:6

Rü nüma nixĩ ga dexáétüwa nango̱xẽẽãxü̃ ga waixü̃mü. Erü ngẽma norü ngechaü̃ rü taguma inayagu̱x.

Wiyaegü 96:10

¡Rü guxü̃ma i nachixü̃anecüã̱xgümaxã nüxü̃ pixu rü ñapegügü: —Nüma ya Cori ya Tupana nixĩ i ãẽ̱xgacü ya guxãétüwa ngẽxmacü yixĩxü̃ —ñapegügü! Rü nüma rü wüxitama ga namaxü̃gu nayaxũxẽxẽ ga ñoma ga naane nax tama ngẽma namaxü̃na yaxũgachixü̃ca̱x. Rü nüma nixĩ i meama guxü̃ma i nachixü̃anegümaxã inacuáxü̃.

Yox 38:4

¿Rü ngextá cuyexmaxü̃ ga noxrix ñaa naane chango̱xẽẽgu? ¡Chomaxã nüxü̃ ixu ega aixcüma cua̱x cuxü̃́ ngẽxmagu!

Wiyaegü 33:6

Rü nüma ga Cori ya Tupana rü norü dexamaxã nanaxü ga daxũguxü̃ i naane rü norü cue ñaxü̃maxã nanaxü ga guxü̃ma i ẽxtagü i ngéma ngẽxmagüxü̃.

Naanearü ügüchiga 8:22

Rü ñu̱xma i ñaa naane nangẽxmaxü̃ rü tagutáma inarüxo nax natoegüxü̃ i duü̃xü̃gü rü yaxoxü̃ i nanetügü. Rü tá nangẽxma i naianexü̃ rü gáuanexü̃, rü tá nayimá ya mucü rü taunecü, rü ngunexü̃ rü chütaxü̃ —ñanagürü.

Wiyaegü 95:4

Rü naxme̱xwa nangẽxma i guxü̃ma i ngẽma mairaxü̃arü aixepewa ngẽxmagüxü̃ rü yima ma̱xpǘnegü ya máchanexü̃chigüne.

Wiyaegü 93:1

Rü nüma ya Cori ya Tupana rü ãẽ̱xgacü nixĩ. Rü norü üüne nicuxcuchi rü naporaxüchi. Rü nüma rü nachicagu nanaxǘ i ñoma i naane nax tama ngéma yaxũgachixü̃ca̱x.

Wiyaegü 89:12

Rü cuma nixĩ i cunango̱xẽẽxü̃ i nórte rü súr. Rü yima ma̱xpǘnegü ya Tabóx rü Ermóü̃ rü ngẽma cuéga taãẽãcü nagu nicagüxü̃.