Wiyaegü 24:1 - Tupanaarü Ore

¹ Cori ya Tupanaarü nixĩ i guxü̃ma i ñaa naane rü guxü̃ma i nawa ngẽxmagüxü̃ rü guxü̃ma i nawa maxẽxü̃.

Wiyaegü 24:1 Referans Kwoze

Wiyaegü 89:11

Rü ngẽma daxũguxü̃ i naane rü ñoma i naane rü cuxrügü nixĩ erü cumatama nixĩ i cunaxüxü̃ rü cunango̱xẽẽxü̃ namaxã i guxü̃ma i ngẽma nawa ngẽxmagüxü̃.

1 Corintios 10:26

Erü ñoma i naane rü guxü̃ma i nawa ngẽxmaxü̃, rü tórü Cori ya Tupanaarü nixĩ.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 29:11

Rü cumax, Pa Corix, rü guxü̃étüwa cungexma, rü cuxicatama cupora rü cuxüüne, rü namaxã icucua̱x i guxü̃ma, rü guxü̃ma i ãẽ̱xgacügüétüwa cungexma. Erü guxü̃ma i daxũguxü̃ i naanewa rü ñoma i naanewa ngẽxmagüxü̃ rü cuxrü nixĩgü. Rü cuxrügü ta nixĩ i guxü̃ma i naanegü, erü guxü̃étüwa cungexma.

Yox 41:11

¿Rü yíxema naxca̱x ixũamáxe, ẽ̱xna tamaxü̃xü̃ yixĩxü̃? Rü taxúema i ñoma i naanewa tapora nax namaxã tügü tadaixü̃.

Wenaxarü naxümatü ga Tupanaarü mugü 10:14

¡Rü dücax, nagu perüxĩnüe nax Cori ya perü Tupana yixĩxü̃ i norü yora i ngẽma dauxü̃wa nüxü̃ idauxü̃ rü ngẽma yexerawa ngẽxmagüxü̃, rü ñu̱xũchi ñoma i naane rü guxü̃ma i nawa ngẽxmagüxü̃!

Ínachoxü̃xü̃chiga 9:29

Rü yexguma nüma ga Moiché rü nanangãxü̃ rü ñanagürü: —Ñu̱xma tátama daa ĩanewa íchaxũxũgu rü tá chaxunagüchacüxü rü Tupanamaxã tá chidexa. Rü ngẽxguma rü tá ínayachaxãchi ya ãẽmacügü rü ngẽma gáuxü̃pütagü. Rü ngẽmawa tá nüxü̃ cucua̱x nax ñoma i naane rü Tupanaarü yixĩxü̃.

Ínachoxü̃xü̃chiga 19:5

Rü ngẽxguma aixcüma guxü̃wama chauga pexĩnüegu rü peyanguxẽẽ̱xgu i ngẽma pemaxã ichaxügaxü̃, rü guxü̃ma i nachixü̃anegütanüwa rü tá pexü̃ nixĩ icharüngü̃xẽẽxü̃, erü guxü̃ma i ñoma i naane rü choxrü nixĩ.

Naúü̃ 1:5

Rü yima ma̱xpǘnegü rü na̱xcha̱xwa nidu̱xrugü rü nape̱xewa inagü. Rü guxü̃ma i ñoma i naane rü guxü̃ma i duü̃xü̃gü i nawa maxẽxü̃ rü nape̱xewa niyoyogü norü muü̃maxã.

Wiyaegü 50:12

Rü ngẽxguma chi chataiyaxgu i choma rü taxũchima pemaxã nüxü̃ chixu erü choxrü nixĩ i ñoma i naane rü guxü̃ma i ta̱xacü i nawa ngẽxmagüxü̃.

Danié 4:25

Erü cumax, Pa Ãẽ̱xgacüx, rü taxũtáma duü̃xü̃gütanüwa cungexma, rü naxü̃nagütanüwa tá cumaxü̃ rü wocagürüxü̃ tá maxẽ cunangõ̱x, rü cherena rü tá cuxü̃ niwaixẽxẽ. Rü ngẽmaãcü tá cumaxü̃ i 7 ya taunecü ñu̱xmatáta naxca̱x íquicuáx nax texé yixĩxü̃ ya yimá namaxã icuácü i guxü̃ma i ãẽ̱xgacügü i ñoma i naanewa ngẽxmagüxü̃. Erü nüma nixĩ i tüxü̃ yamucuchixü̃ ya yíxema nüma natümawa̱xéxe nax ãẽ̱xgacü tixĩxü̃ca̱x.

Wiyaegü 98:7

Rü name nixĩ nax norü taãẽmaxã naxãũgaxü̃ i ngẽma már rü guxü̃ma i nawa ngẽxmagüxü̃. Rü ngẽxgumarüxü̃ ta i ñoma i naane rü guxü̃ma i duü̃xü̃gü i nawa maxẽxü̃ rü name nixĩ nax nataãẽgüxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 29:16

Pa Corix, Pa Torü Tupanax, cuxrügü nixĩ i guxü̃ma i ñaa ngẽmaxü̃gü i tanutaque̱xexü̃ rü cuxme̱xwa nixĩ i ne naxĩxü̃ nax naxügüã̱xü̃ca̱x ya yima cupata ya taxü̃ne ya cuxca̱x taxüxü̃ne, Pa Tupana ya Üünecüx.

Norü taxre ga to ga popera ga ãẽ̱xgacügüchiga ümatüxü̃ 25:9

Rü nüma ga Amachía rü yema Tupanaarü orearü uruxü̃na naca rü ñanagürü: —Natürü, ¿ta̱xacü tá nangupetü namaxã i ngẽma 3,300 quíru nagúxü̃ i diẽrumü i ngẽma Iraéanearü churarana chaxãxü̃? —ñanagürü. Rü yema Tupanaarü orearü uruxü̃ nanangãxü̃ rü ñanagürü: —Nüma ya Cori ya Tupana rü nüxü̃́ nangẽxma i pora nax ngẽma diẽrumüarü yexera cuxna naxãxü̃ —ñanagürü.

Yox 34:13

Rü nüma ya Tupana rü taxúexü̃tawama nanayaxu ga pora nax guxü̃ma i ñoma i naanemaxã inacuáxü̃ca̱x.

Yox 41:3

¿Rü cuma nagu curüxĩnügu rü ngẽma yewaxe rü ngechaü̃ãcü tá cuxna nayaca nax cuxü̃́ nangechaxü̃tümüxü̃xü̃ca̱x?

Wiyaegü 50:10

Erü choxrü nixĩ i guxü̃ma i naeü̃gü i naixnecüwa ngẽxmagüxü̃, rü guxü̃ma i ngẽma wocagü i 1,000 i ma̱xpǘnegüwa ngẽxmagüxü̃.

Wiyaegü 89:12

Rü cuma nixĩ i cunango̱xẽẽxü̃ i nórte rü súr. Rü yima ma̱xpǘnegü ya Tabóx rü Ermóü̃ rü ngẽma cuéga taãẽãcü nagu nicagüxü̃.

Miquéa 4:13

¡Inachi rü nadai, Pa Ĩane ya Chióü̃x! Erü choma ya Cori ya Tupana rü ñachagürü: —Choma rü tá cuxna chanaxã i pora nax ñoma wüxi i woca i yatüxü̃ i fierumaxã ãxchata̱xcurexü̃ rü bróũchemaxã ixãpatüxü̃rüxü̃ cunada̱i̱xü̃ca̱x i muxü̃ma i duü̃xü̃gü. Cuma rü tá nüxna cunapuxü̃ i ngẽma norü ngẽmaxü̃gü i chixexü̃wa nayauxgüxü̃, rü ñu̱xũchi tá choxna cunana i choma nax guxü̃ i naanemaxã ichacuáxü̃ —ñachagürü i choma ya Cori ya Tupana.