Wiyaegü 23:5 - Tupanaarü Ore

⁵ Rü mexü̃ i õna cha̱u̱xca̱x cumexẽxẽ nape̱xewa i chorü uanügü, rü pumaramaxã choxü̃ cubaeru. Rü ngẽma chorü taãxẽ i choxna cuxãxü̃ rü ñoma copa i ããcuxüchixü̃rüxü̃ nixĩ.

Wiyaegü 23:5 Referans Kwoze

Efesios 3:20

Rü ñu̱xma rü name nax nüxü̃ icua̱xüü̃güxü̃ ya Tupana. Erü nüma rü nüxü̃́ nangẽxma i pora nax tüxna naxããxü̃ i ngẽma naxca̱x íicaxü̃arü yexeraxüchi rü ngẽma nagu rüxĩnüexü̃arü yexeraxüchi. Rü ngẽma norü pora i tawa ngẽxmaxü̃maxã nixĩ i naxüaxü̃ i guxü̃ma i ngẽma.

Wiyaegü 92:10

Rü cuma rü yexeraãcü choxü̃ quiporaxẽẽchigü ñoma wüxi i woca i yatüxü̃rüxü̃. Rü pumaramaxã choxü̃ cubaeru.

Wiyaegü 45:7

Rü cumax, Pa Ãẽ̱xgacüx, namaxã cutaãxẽ i ngẽma mexü̃ ixĩxü̃, natürü naxchi cuxai i ngẽma chixexü̃. Rü yemaca̱x nixĩ ga Tupana chixü̃ ga paacaxü̃maxã cuxü̃ nabaeruxü̃ rü cuxü̃ naxunetaxü̃ nax cumücügüarü yexera taãxẽ cuxü̃́ ngẽxmaxü̃ca̱x.

Wiyaegü 16:5

Pa Corix, cuma nixĩ i ñoma i õnarüxü̃ choxü̃ cuporaxẽẽxü̃. Rü ñoma chorü copa i mexü̃rüxü̃ quixĩ. Rü cuxme̱xwa nangẽxma i chorü maxü̃.

Yox 36:16

Rü cuma rü ta, Pa Yox, rü curü ĩ̱xãchiãẽwa cuxü̃ ínanguxuchixẽxẽ. Rü muxü̃ma ga curü yemaxü̃gü cuxna naxã. Rü nanapá ga curü mecha namaxã ga õna ga chi̱xichixü̃.

Nüxíraxü̃xü̃ ga popera ga Cuáü̃ ümatüxü̃ 2:20

Natürü guxãma i pema rü Cristu ya Üünecü marü pexna nanamu i Naãxẽ ya Üünexü̃, rü ngẽmaca̱x meama nüxü̃ pecua̱x i Tupanaarü ore i aixcüma ixĩxü̃.

Nüxíraxü̃xü̃ ga popera ga Cuáü̃ ümatüxü̃ 2:27

Natürü Cristu rü marü pexna nanamu i Naãxẽ ya Üünexü̃, rü nüma rü pewa namaxü̃. Rü ngẽmaca̱x tama penaxwa̱xe i to i perü ngúexẽẽruxü̃, erü nümatama i Naãxẽ ya Üünexü̃ rü pexü̃ nangúexẽxẽ i guxü̃ma. Rü norü ngu̱xẽẽtae rü aixcüma nixĩ rü tama dora nixĩ. Rü ngẽmaca̱x name nixĩ nax guxü̃guma Cristuaxü̃́ peyaxõgüxü̃, ngẽma Naãxẽ ya Üünexü̃ pexü̃ ngúexẽẽxü̃rüxü̃.

2 Corintios 1:21

Rü Tupana nixĩ ya toxü̃ poraexẽẽcü rü pexü̃ poraexẽẽcü nax tama Cristuna ixĩgachixü̃ca̱x. Rü nümatama nixĩ ga nügüxü̃́ tüxü̃ nadexü̃ nax noxrü ixĩgüxü̃ca̱x.

1 Corintios 10:16

Rü ngẽxguma õna i üünexü̃ca̱x ingutaque̱xegügu, rü yaxaxgügu ya yimá bínu ya üünecü rü moxẽ naxca̱x ixãgügu, rü ngẽmaãcü yigü tawe̱x nax Cristu ya nagü taxca̱x ibacüwe rüxĩxü̃. Rü ngẽxguma nangõ̱xgügu i ngẽma paũ i ibücuxü̃, rü ngẽmaãcü yigü tawe̱x nax nawe rüxĩxü̃ ya Cristu ya naxü̃ne taxca̱x ixãcü.

Ore i mexü̃ ga Cuáü̃ ümatüxü̃ 16:22

Rü ngẽxgumarüxü̃ tá pexü̃ nangupetü i pemax, erü ñu̱xma rü penaxĩ̱xãchiãẽgü. Natürü wena táxarü chataegu nax pexü̃ íchayadauxü̃ca̱x. Rü ngẽxguma rü tá pexü̃́ nangẽxma i wüxi i taãxẽ i taxucürüwama texé pexna yaxuxü̃.

Wiyaegü 104:15

Rü ngẽmaãcü duü̃xü̃güna cunaxã i norü poraxẽẽruxü̃ i paũ rü norü taãẽxẽẽruxü̃ i bínu rü norü mexẽẽruxü̃ i chíxü̃.

Ichaía 25:6

Rü nüma ya Cori ya Tupana rü ma̱xpǘne ya Chióü̃wa tá guxü̃ma i duü̃xü̃gü i ñoma i naanewa maxẽxü̃ca̱x nanaxü i wüxi i õna i taxü̃. Rü ngẽma õna rü maixcuraxü̃ i chi̱xichixü̃ rü bínu ya marü ñuxgumama ixügücü rü namachi i chíxü̃ rü bínu ya rümemaegücümaxã naxca̱x nanamexẽxẽ.

Wiyaegü 116:13

Rü nape̱xewa tá chanange i chorü ãmare i bínuchíü rü tá nüxü̃ chicua̱xüxü̃ yerü yuwa choxü̃ ínapoxü̃.

Wiyaegü 22:26

Rü pema i ngearü diẽruã̱xgüxex ¡nua pexĩ rü meama pechibüe rü ñu̱xmata mea pexü̃́ yangu! Rü pema i Tupanaca̱x daugüxe ¡rü nüxü̃ picua̱xüü̃gü rü guxü̃gutáma petaãẽgü!

Wiyaegü 78:19

Rü chixri Tupanachiga nidexagü rü ñanagürügü: —¿Ẽ̱xna Tupanaaxü̃́ natauxchaxü̃ nax tüxna naxããxü̃ i õna i mexü̃ i nua chianexü̃wa?

Ore i mexü̃ ga Luca ümatüxü̃ 7:46

Cuma rü tama pumaramaxã choxü̃ cuchaeru, natürü ngĩma i ñaa ngecü rü chaucutügu inaba i pumara.

Amúx 6:6

Rü taxü̃ i pexpáxü̃wa peyaxaxgü ya bínu. Rü pumara i yixichixü̃maxã pegü peyixemagü. Natürü tama nagu perüxĩnüe i ngẽma pechixü̃ane nax chixexü̃gu nanguxü̃.

Wiyaegü 22:29

Rü guxãma i pema ya diẽruã̱xgüxe rü Cori ya Tupanape̱xegu tá pecaxã́pü̱xügü nax nüxü̃ picua̱xüü̃güxü̃ca̱x. Rü guxãma i pema i ñoma i naanewa maxẽxe rü wena tá waixü̃müxü̃ pixĩgü, erü pewa rü nataxuma i maxü̃.

Ore i mexü̃ ga Matéu ümatüxü̃ 6:17

Natürü ngẽxguma cuma rü tama cuchibüãcüma cuyumüxẽgu rü name i mea cugü cuyauxchiwe rü mea cugü curüxĩxẽeru.

Wiyaegü 92:11

Rü tá choxü̃ nüxü̃ cudauxẽxẽ nax poxcu namaxã cuxueguxü̃ i chorü uanügü. Rü choma rü tá nüxü̃ chaxĩnü i norü axu i ngẽma chixri maxẽxü̃.