Wiyaegü 23:4 - Tupanaarü Ore

⁴ Rü woo ãũcümaxü̃ i namagüwa chaxüpetügu, rü taxuca̱xma chamuü̃ erü cumax, Pa Cori Pa Tupanax, rü chauxü̃tawa cungexma. Rü yima curü naixmena̱xã ya carnéruarü axü̃tanüruxü̃maxã choxü̃ ícupoxü̃ rü choxü̃ cutaãẽxẽxẽ.

Wiyaegü 23:4 Referans Kwoze

Ichaía 41:10

¡Taxṹ i pemuü̃exü̃, Pa Iraétanüxü̃x! Erü choma rü chapexü̃tagu. ¡Rü taxṹ i pemuü̃exü̃! Erü choma rü perü Tupana chixĩ. Choma rü pora pexna chaxã rü pexü̃ charüngü̃xẽẽxü̃. Rü choma rü chorü tügünechacüxümaxã pexü̃ chingĩ rü pexü̃ íchapoxü̃.

Wiyaegü 118:6

Rü nüma ya Cori ya Tupana rü nachauxü̃tagu rü ngẽmaca̱x tama chamuü̃. ¿Rü ñu̱xma rü texé tapora nax ta̱xacürü chixexü̃gu choxü̃ tangu̱xẽẽxü̃?

Wiyaegü 138:7

Rü ngẽxguma ãũcümaxü̃wa changexmagu, rü cuma rü choxü̃ ícupoxü̃ nax tama choxü̃ yama̱xgüxü̃ca̱x. Rü icunawe̱x i curü pora rü choxü̃ ícunguxuchixẽxẽ naxme̱xwa i chorü uanügü i chomaxã nuexü̃.

Wiyaegü 3:6

Rü tama naxca̱x chamuü̃ i ngẽma muxũchixü̃ i chorü uanügü i choxü̃ íchomaeguãchixü̃ nax choxü̃ yama̱xgüxü̃ca̱x.

Miquéa 7:14

¡Pa Cori ya Tupanax, curü naixmena̱xãmaxã nüxna nadau i ngẽma curü duü̃xü̃gü i curü carnérugü ixĩgüxü̃! Ñu̱xma rü nüxicatama naixnecüwa nangẽxmagü i naane i mexü̃wa. ¡Ẽcü ü̃parüxü̃ Bacháü̃anewa rü Garaáxanewa nagagü i ngextá õna íngẽxmaxü̃wa!

Wiyaegü 46:11

Rü Cori ya Tupana ya Guxãétüwa Ngẽxmacü rü tatanüwa nangẽxma. Rü nümatama i Acóbuarü Tupana nixĩ i tórü poxü̃ruxü̃ yixĩxü̃.

Ore i mexü̃ ga Matéu ümatüxü̃ 28:20

¡Rü penangúexẽxẽ nax naga naxĩnüexü̃ca̱x i guxü̃ma i ngẽma pexü̃ chamuxü̃! Rü dücax, guxü̃gutáma pexü̃tawa changexmaecha ñu̱xmatáta nagú i naane —ñanagürü ga Ngechuchu.

Ore i mexü̃ ga Matéu ümatüxü̃ 1:23

“Rü tá tauemacü ngĩxü̃ inayarütaxu i ngẽma nge i taguma yatüxü̃ cua̱xcü. Rü tá nayatü. Rü Emanué tá nixĩ i naéga. Rü ngẽma naéga rü ‘Tupana rü tatanüwa nangẽxma’, ñaxü̃chiga nixĩ”, ñanagürü.

Norü taxre ga popera ga Timutéuca̱x naxümatüxü̃ ga Pauru 4:22

Rü chanaxwa̱xe i tórü Cori ya Ngechuchu ya Cristu cumaxã nangẽxma. ¡Rü Tupana pexü̃ rüngü̃xẽxẽ ya guxãma i pemax!

Yeremía 2:6

Rü nüma ga perü o̱xigü rü marü tama chaugu narüxĩnüe rü nüxü̃ inarüngümae nax choma ya Cori ya Tupana yixĩxü̃ ga Equítuanewa íchanguxü̃xẽẽxü̃. Rü nüxü̃ inarüngümae nax choma yixĩxü̃ ga íchayagagüxü̃ nagu ga yema naane ga chianexü̃ ga taxuxü̃ma i nanetü nawa rüxüxü̃. Rü yema ínamáxpü̱xanexü̃wa ga ínangearü dexáã́xü̃wa chanagagü ga ínaxãũcümaxü̃wa rü taxúema nagu ãchiü̃xü̃wa, rü taxúema ixüpetüxü̃wa.

Wiyaegü 44:19

Natürü i cuma rü dauxchitacüã̱x i airugümaxü̃wa toxü̃ cuwogü. Rü taxü̃ i ẽanexü̃wa toxü̃ cumugü.

Wiyaegü 14:5

Rü ngẽma chixexü̃ ügüxü̃ rü muü̃maxã tá nidu̱xruxe. Natürü Tupana rü tümaxü̃tawa nangẽxma ya yíxema naga ĩnüexe.

Yox 3:5

Rü chierüx wüxi ga waanexü̃ ga pamüemaxü̃ nawaanexẽẽgu, rüe̱xna wüxi ga caixanexü̃ nagu yangaixemagu, rüe̱xna wüxi ga waanexü̃ yadüpechitagu ga üa̱xcü.

Chacaría 11:10

Rü yexguma rü chanayaxu ga chorü naixmena̱xã ya Ngü̃xẽẽgu ãégane. Rü chayabüye. Rü yema rü wüxi ga cua̱xruxü̃ nixĩ nax iyanaxoxü̃ ga yema Tupanaarü uneta ga guxü̃ma ga nachixü̃anegümaxã naxüxü̃.

Wiyaegü 110:2

Rü nüma ya Tupana rü Chióü̃wa cuxü̃ naxuneta nax ãẽ̱xgacü quixĩxü̃ca̱x rü namaxã icucuáxü̃ca̱x i ngẽma curü uanügü.

Yox 24:17

Rü ngẽxguma yangóonegu rü ngẽma duü̃xü̃gü i ngĩ́ta̱xgüxü̃ca̱x rü nachüta erü guxü̃ma i ngẽma duü̃xü̃gü i ngĩta̱xgüxü̃ rü yexera nanaxwa̱xegü i ngẽma chütaxü̃arü waanexü̃ —ñanagürü ga Yox.

Chacaría 8:23

Rü ngẽxguma nawa nanguxgu i ngẽma ngunexü̃gü rü 10 i yatügü i to i nachixü̃anewa ne ĩxü̃ rü tá wüxi i yudiuca̱x nadaugü rü naxchirugu yangĩgüãcü tá nüxü̃ ñanagürügü: “Cuwe tarüxĩxchaü̃ i Yerucharéü̃wa, erü nüxü̃ taxĩnüchiga nax Tupana rü petanüwa nangẽxmaxü̃”, ñanagürügü tá —ñanagürü ga Cori ya Tupana ya Guxãétüwa Ngẽxmacü.

Chacaría 11:14

Rü yemawena chayabüye ga guma nai ga chorü naixmena̱xã ga Wüxiwa Ingexmagüxü̃gu ãégane. Rü yema rü wüxi ga cua̱xruxü̃ nixĩ nax iyanaxoxü̃ ga yema nügü nax nangechaxü̃güxü̃ ga Yudátanüxü̃ namaxã ga yema togü ga Iraétanüxü̃.