Wiyaegü 23:3 - Tupanaarü Ore

³ Rü ngẽxguma chaturagu, choxü̃ naporaxẽxẽ rü mexü̃ i namawa choxü̃ naga. Rü ngẽmaãcü choxü̃ nanawe̱x nax namecümaxü̃ rü choxü̃ nangechaü̃xü̃.

Wiyaegü 23:3 Referans Kwoze

Ichaía 42:16

Rü ngẽma ngexetügüxü̃ rü tá chanagagü nawa i namagü i taguma nüxü̃ nacua̱xgüxü̃ rü taguma nagu naxĩxü̃. Rü ngẽma waanexü̃ i nawa namaxẽ rü tá ngóonexü̃xü̃ chayaxĩxẽxẽ. Rü ngẽma naane i chixri i weanexü̃ rü tá mea ichanawe̱xãchianexẽxẽ. Rü guxü̃ma i ngẽma rü tá chanaxü erü tama nüxna chixũgachi i chorü duü̃xü̃gü i Iraétanüxü̃.

Wiyaegü 31:3

Rü cuma nixĩ i chorü poxü̃ruxü̃ rü chorü cu̱xchicaxü̃. ¡Rü cuégaxü̃ cungechaü̃gagu choxna nadau rü chomaxã inacua̱x!

Wiyaegü 19:7

Rü Cori ya Tupanaarü ore rü aixcüma nawe̱xgu rü ngexwaca̱xü̃xü̃ i pora tüxna naxã. Rü Cori ya Tupanaarü mugü rü aixcümaxü̃ nixu rü cua̱xwa nananguxẽxẽ ya yimá yatü ya ímemarecü nax nayauxãxü̃ i ucu̱xẽgü.

Wiyaegü 51:10

Pa Tupanax ¡chowa nangẽxmaxẽxẽ i wüxi i chauãxẽ i aixcüma mexü̃! ¡Rü nangexwaca̱xü̃xẽxẽ i chauãxẽ nax cupe̱xewa wüxi i naãxẽ i aixcüma mexü̃ yixĩxü̃ca̱x!

Wiyaegü 5:8

Pa Corix ¡choxna nadau naxcha̱xwa i ngẽma chorü uanügü! ¡Rü curü namawaama choxü̃ naxũxẽxẽ!

Wiyaegü 51:12

¡Ẽcü wena cha̱u̱xca̱x natáeguxẽxẽ i ngẽma taãxẽ ga noxri choxü̃́ yexmaxü̃ ga yexguma chixexü̃wa choxü̃ ícunguxuchixẽxẽgu! ¡Rü choxü̃ naporaxẽxẽ nax cuga chaxĩnüxü̃ca̱x! ¡Rü ngẽxguma i choma rü tá chanangúexẽxẽ i ngẽma tama cuga ĩnüexü̃ nax nümagü rü ta cuga naxĩnüexü̃ca̱x rü aixcüma cuxü̃́ yaxõgüãxü̃ca̱x!

Ucu̱xẽgüchiga 8:20

Choma i cua̱x rü nagu chixũ i nama i mea iwéxü̃, rü nacümagü i aixcüma mexü̃wa tüxü̃ gaxü̃gu chixũ.

Yema Cuáü̃ nüxü̃ dauxü̃ i yixcüra tá ngupetüxü̃chiga 3:19

Choma rü tüxü̃ chaxucu̱xẽ rü tüxü̃ ichayarüwe̱xãchixẽxẽ ya guxãma ya yíxema tüxü̃ changechaü̃xẽ. Rü ngẽmaca̱x name nixĩ i nüxü̃ curüxo i cucüma i chixexü̃ rü Tupanaca̱x cutaegu.

Wiyaegü 79:9

Pa Tupana ya Torü Maxẽxẽxẽruxü̃x ¡rü curü üünegagu rü toxü̃ rüngü̃xẽxẽ, rü toxü̃ ínanguxü̃xẽxẽ, rü toxü̃́ nüxü̃ irüngüma i torü chixexü̃!

Wiyaegü 85:13

Rü ngẽxguma tatanüwa nangẽxmagu ya Cori ya Tupana, rü tá aixcüma mea naxca̱x tamaxẽ. Rü nüma rü tá tüxü̃ narüngü̃xẽxẽ nax nacümagu ixĩxü̃.

Ucu̱xẽgüchiga 4:11

Choma rü ngẽma nacüma i cua̱x nawa ngẽxmaxü̃wa tá cuxü̃ chaga, rü nagu tá cuxü̃ chixũxẽxẽ i ngẽma nacüma i mexü̃ i ngextá taxuxü̃ma cuxü̃ íchixexẽẽxü̃wa, rü taxuguma ícurüpucutüxü̃wa ega woo poraãcü icuñaãchigu.

Wiyaegü 119:176

Choma rü ñoma wüxi i carnéru i rütaxuxü̃rüxü̃ chixĩ. ¡Rü nua naxũ nax cha̱u̱xca̱x cuyadauxü̃ca̱x, erü tama nüxü̃ charüngüma i curü mugü!

Echequié 20:14

Natürü chaugünatama chachogü nax tama chanachixexẽẽxü̃ca̱x i chauéga, rü tama chixri chauchiga yadexagüxü̃ca̱x ga yema togü ga nachixü̃anegü ga nüxü̃ daugüxü̃ nax ñuxãcü Equítuanewa íchanagaxü̃xü̃ ga yema Iraétanüxü̃.

Yeremía 31:8

Rü tá pexü̃ chawoeguxẽxẽ nüxna i ngẽma nachixü̃ane i nórtewa ngẽxmaxü̃ rü nüxna i ngẽma togü i nachixü̃anegü i guxü̃ i naanewa ngẽxmagüxü̃. Rü ngẽma woeguxü̃tanügu tá naxãgü i ngẽma ngexetüxü̃, rü ngẽma ichixeparaxü̃, rü ngẽma ngexü̃gü i tapütüwegüxü̃, rü ngẽma ngexü̃gü i marü ixíraxacügüxü̃. Rü ngẽmaãcü tá muxü̃tama i duü̃xü̃gü nawoegu naxca̱x i norü naane.

Efesios 1:6

Rü yemaacü nanaxü ga Tupana nax guxü̃guma nüxü̃ icua̱xüü̃güxü̃ca̱x naxca̱x i norü ngechaü̃ rü norü mecüma ga yexguma taxca̱x núma namuãxgu ga Nane ya nüxü̃ nangechaü̃xü̃chicü.

Wiyaegü 34:3

¡Rü ngĩxã wüxigu Tupanaxü̃ ticua̱xüü̃gü rü wüxigu tanatachigaxẽxẽ i naéga!

Wiyaegü 31:4

¡Rü choxü̃ ínanguxuchixẽxẽ nawa ya yima yüta ya cha̱u̱xca̱x inaxügüne! Erü cuma nixĩ i chorü poxü̃ruxü̃ quixĩxü̃.

Wiyaegü 106:8

Natürü nüma ga Tupana rü Equítuanecüã̱xarü ãẽ̱xgacüme̱xẽwa ínananguxü̃xẽẽama yerü taxucürüwama inayanaxoxẽxẽ ga norü uneta ga marü Abraáü̃maxã nüxü̃ yaxuxü̃.

Wiyaegü 109:21

Natürü cumax, Pa Corix rü chanaxwa̱xe i choxü̃ curüngü̃xẽxẽ rü mea choxna cudau nax ngẽmaãcü natachigaxü̃ca̱x i cuéga. ¡Rü curü mecümagagu choxü̃ ínanguxuchixẽxẽ nawa i ngẽma chixexü̃gü!

Yeremía 31:25

Rü choma ya Cori ya Tupana rü mea tá chanachibüexẽxẽ rü chayaxaxegüxẽxẽ i guxü̃ma i ngẽma ipaexü̃ rü turaexü̃ —ñanagürü.