Wiyaegü 23:2 - Tupanaarü Ore

² Mecü ya maxẽgu choxü̃ narüngü̃xẽxẽ rü mechiüxü̃ i natüwa choxü̃ naga.

Wiyaegü 23:2 Referans Kwoze

Yema Cuáü̃ nüxü̃ dauxü̃ i yixcüra tá ngupetüxü̃chiga 7:17

Erü yimá Carnéruxacü i ngẽma tochicaxü̃wa ngẽxmacü, rü tá mea tüxna nadau ñoma carnérugüna idauxü̃rüxü̃. Rü nawa tá tüxü̃ nagagü i ngẽma dexáarü chuxchuxü̃gü i maxẽẽruxü̃. Rü Tupana tá tüxü̃́ ínanapi i guxü̃ma i tümagüxü̃etü”, ñanagürü.

Yema Cuáü̃ nüxü̃ dauxü̃ i yixcüra tá ngupetüxü̃chiga 22:1

Rü ñu̱xũchi ga yema orearü ngeruxü̃ rü choxü̃ nüxü̃ nadauxẽxẽ ga wüxi ga natü ga ñoma bídriurüxü̃ ichipetüchiüxü̃ ga dexá ga maxẽẽruxü̃ nawa yexmaxü̃. Rü yema natü rü Tupanaarü tochicaxü̃wa rü yimá Carnéruxacüarü tochicaxü̃wa nixĩ ga ne nadaxü̃.

Wiyaegü 46:4

Rü nangẽxma i wüxi i natü i norü poraxü̃chíüxü̃maxã nataãẽxẽẽxü̃ ya yima Tupanaarü ĩane ya Yerucharéü̃. Rü yima ĩanewa nangẽxma ya napata ya üünene ya Tupana ya Guxãétüwa Ngẽxmacü.

Yema Cuáü̃ nüxü̃ dauxü̃ i yixcüra tá ngupetüxü̃chiga 21:6

Rü yemawena rü ñanagürü choxü̃: “Ñu̱xma rü marü ningu i guxü̃ma. Choma nixĩ i norü ügü i guxü̃ma, rü chowa nixĩ i yacuáxü̃ erü nataxuma i ta̱xacü i choweama üxü̃. Rü yíxema ita̱xawaxe, rü choma rü tá ngetanüãcüma tüxü̃ chaxaxexẽxẽ nawa i ngẽma dexáarü chuxchuxü̃arü dexá i maxẽẽruxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 22:17

Rü Tupanaãxẽ ya Üünecü rü guxü̃ma i yaxõgüxü̃, rü Ngechuchuxü̃ ñanagürügü: “¡Nua naxũ!” ñanagürügü. Rü yíxema nüxü̃ ĩnüxe i ñaa ore, rü: “¡Nua naxũ!” ñatagügü. Rü yíxema ita̱xawaxe rü tüxü̃́ nachi̱xégaxe, rü name nixĩ i nua taxũ rü tüxü̃́ nangetanüãcüma nawa taxaxe i ngẽma dexá i maxẽẽruxü̃.

Ichaía 30:23

Rü nüma ya Cori ya Tupana rü tá pucü ínanguxẽxẽ naxca̱x i naxchire i cuanegu cutogüxü̃. Rü ngẽma cuanewa rü muxü̃tama i trigu i baxcaxü̃ tá nawa narüxügü. Rü ngẽma curü wocagü rü ngẽma ngunexü̃gu rü taanexü̃wa tá nachibüe

Yox 34:29

Rü ngẽxguma chi Tupana rüchianegu ¿rü texé tá nüxü̃ tixu nax chixexü̃ taxüxü̃? Rü ngẽxguma duü̃xü̃gücha̱xwa nügü yacu̱xgu ¿rü texé tá nüxü̃ tadauama? Rü nüma nixĩ i nüxna nadauxü̃ ya ĩanegü rü duü̃xü̃gü nax tama namaxã inacua̱xgüxü̃ca̱x i ngẽma ãẽ̱xgacügü i chixexü̃ i duü̃xü̃güxü̃ womüxẽẽxü̃.

Ichaía 8:6

—Choma rü ngẽma dexá i meamare puchu i Chiloéwa ne yáxü̃rüxü̃ nüxü̃ charüngü̃xẽẽchaü̃ i ngẽma Yudáanecüã̱xgü, natürü choxü̃ naxoe erü ãẽ̱xgacügü ga Rechíü̃xü̃ rü Remaría nane ga Pécaxü̃ namuü̃e.

Ínachoxü̃xü̃chiga 15:27

Rü yemawena rü wüxi ga nachica ga Eríü̃wa nangugü. Rü yéma nayexma ga 12 ga puchu rü 70 ga moru. Rü yexma dexáxü̃tagu napegü.