Wiyaegü 22:8 - Tupanaarü Ore

⁸ Rü ñanagürügü: —Ñaa nixĩ i ngẽma yatü i Cori ya Tupanaaxü̃́ yaxõxü̃. ¡Rü ẽcü ínanguxuchixẽẽã rü namaxẽẽã ega aixcüma nüxü̃ nangechaü̃gu! —ñanagürügü.

Wiyaegü 22:8 Referans Kwoze

Wiyaegü 91:14

Erü nüma ya Cori ya Tupana rü ñanagürü: —Rü yíxema choxü̃ ngechaxü̃xe rü choma rü tá tüxü̃ íchapoxü̃ rü tá tüxü̃ chatachigaxẽxẽ erü choxü̃́ tayaxõ.

Wiyaegü 18:19

Rü nüma ga Cori ya Tupana rü wüxi taxü̃ i nachicawa choxü̃ naga, rü chorü uanüme̱xẽwa choxü̃ ínanguxuchixẽxẽ rü choxü̃ nayapu erü choxü̃ nangechaü̃.

Ore i mexü̃ ga Matéu ümatüxü̃ 17:5

Rü yexguma íyadexayane ga Pedru rü wüxi ga caixanexü̃ ga nangóonexẽẽxü̃ rü natanügu nayanga̱i̱xema. Rü yema caixanexü̃wa inanaxũ ga wüxi ga naga ga ñaxü̃: —Daa nixĩ ya Chaune ya nüxü̃ changechaü̃xü̃chicü rü namaxã chataãẽxü̃chicü. ¡Rü naga pexĩnüe! —ñanagürü.

Ore i mexü̃ ga Matéu ümatüxü̃ 3:17

Rü daxũwa inanaxũ ga wüxi ga naga ga ñaxü̃: “Daa nixĩ ya Chaune ya nüxü̃ changechaü̃xü̃chicü, rü poraãcü namaxã chataãẽxü̃chicü”, ñaxü̃.

Ichaía 42:1

Nüma ya Cori ya Tupana rü ñanagürü: —Daa nixĩ ya yimá chorü duü̃ ya chaporaxẽẽcü rü nüxü̃ chaxunetacü rü namaxã chataãẽcü. Rü nüxna nixĩ i chanamuxü̃ i Chauãxẽ i Üünexü̃ nax ngẽmaãcü guxü̃ i nachixü̃anegümaxã mea inacuáxü̃ca̱x.

Ucu̱xẽgüchiga 16:3

Ngẽma cuxüxchaü̃xü̃ ¡rü Cori ya Tupaname̱xẽgu naxǘ! Rü ngẽmaãcü i ngẽma nagu curüxĩnüxü̃ rü tá mea cuxü̃́ ínanguxuchi.

Wiyaegü 55:22

¡Cori ya Tupanamaxã nüxü̃ ixu i curü guxchaxü̃gü! Rü nüma rü tá cuxü̃ naporaxẽxẽ. Rü taguma nanaxwa̱xe nax chixexü̃gu tayixü̃ rü ngẽxma tarüchoxü̃ ya yíxema mexü̃ ügüxe.

Wiyaegü 37:5

¡Rü Cori ya Tupaname̱xẽgu naxǘ i curü maxü̃! ¡Rü nüxü̃́ yaxõ! Rü nüma rü tá cuxü̃ narüngü̃xẽxẽ.

Ore i mexü̃ ga Luca ümatüxü̃ 23:35

Rü yema duü̃xü̃gü rü yéma inarüdaunü. Natürü yema Yudíugüarü ãẽ̱xgacügü rü Ngechuchuxü̃ nacugüe, rü ñanagürügü: —Nüma rü togüxü̃ namaxẽxẽxẽ. ¡Ẽcü, ñu̱xma rü nügütama namaxẽxẽ ega aixcüma Cristu ya Tupana nüxü̃ unetacü yixĩxgu! —ñanagürügü.

Ore i mexü̃ ga Matéu ümatüxü̃ 12:18

“Daa nixĩ ya chorü duü̃ ya chomatama nüxü̃ chaxunetacü rü nüxü̃ changechaü̃cü rü namaxã chataãẽxü̃chicü. Rü nüxna tá chanamu i Chauãxẽ i Üünexü̃. Rü nüma rü ngẽma duü̃xü̃gü i tama Yudíugü ixĩgüxü̃maxã tá nüxü̃ nixu i ore i mexü̃ i aixcüma ixĩxü̃.

Wiyaegü 71:11

Rü ñanagürügü: —¡Nawe pingẽxü̃tanü rü peyayauxgü, erü ya Tupana rü marü nüxna nixũgachi rü taxúetama ítanapoxü̃! —ñanagürügü.

Wiyaegü 42:10

Rü woo ya chauxchina̱xãgü rü ta nangúe nagagu i ngẽma chorü uanügü i guxü̃guma choxü̃ cugüexü̃ rü ñagüxü̃: —¿Ngexcü nixĩ ya curü Tupana? —ñagüxü̃.

Yox 16:4

Rü ngẽxguma chi pexü̃ nangupetügu i ngẽma ñu̱xma choxü̃ ngupetüxü̃, rü choma rü chi pema pidexagüxü̃rüxü̃ chidexa rü pexü̃ chacugüãcüma chanexáeru rü muxũchixü̃ma i oremaxã chidexa.

Wiyaegü 109:25

Rü duü̃xü̃güarü cugüruxü̃ chixĩ. Rü ngẽxguma choxü̃ nadaunügu rü nanexáerugü rü choxü̃ nacugüe.