Wiyaegü 22:6 - Tupanaarü Ore

⁶ ¿Rü ñu̱xma rü ta̱xacüca̱x tama cunangãxü̃ i chorü yumüxẽ? ¿Ẽ̱xna wüxi i õxmi chixĩ rü tama wüxi i duü̃xü̃ chixĩ? Rü duü̃xü̃gü rü choxü̃ naxoe.

Wiyaegü 22:6 Referans Kwoze

Ichaía 53:3

Rü duü̃xü̃gü rü tama nüxü̃ nacua̱xgüchaü̃, rü nüxü̃ naxoe. Rü nüma rü wüxi ga duü̃ ga poraãcü ngúxü̃ ingecü nixĩ, rü namaxã nixü nax ngúxü̃ yangexü̃. Rü yixema rü tama nüxü̃ tadaugüchaü̃ rü ñoma wüxi i duü̃xü̃ i taxuwama mexü̃rüxü̃ tayaxĩxẽxẽ. Rü yemaacü nüxü̃ taxoe rü tama tanayauxgüchaü̃.

Yox 25:6

Rü yexera i wüxi i duü̃xü̃ rü Tupanape̱xewa rü taxuxü̃ma i mexü̃ nawa nangẽxma. Rü ñoma wüxi i õxmi i taxuwama mexü̃rüxü̃ nixĩ —ñanagürü ga Biridá.

Ichaía 49:7

Rü nüma ya Iraétanüxü̃arü Tupana ya Üünecü ya nüxü̃ rüngü̃xẽẽcü rü ñanagürü ta: —Pa Iraétanüxü̃x, ñu̱xma rü ngẽma togü i nachixü̃anecüã̱xgü rü poraãcü pexü̃ nacugüe, rü pexchi naxaie rü nügüme̱xẽwa penangexmagüxẽxẽ rü norü ãẽ̱xgacügüarü puracütanüxü̃ pixĩgü. Natürü wüxi i ngunexü̃ rü wenatáxarü peporae rü ngẽxguma pexü̃ nadaugügu i ngẽma togü i nachixü̃anegüarü ãẽ̱xgacügü rü pepe̱xegu tá nacaxã́pü̱xügü erü choma ya perü Tupana ya üünecü nax chixĩxü̃ rü pexü̃ chaxuneta nax chorü duü̃xü̃gü pixĩgüxü̃ca̱x. Rü choma rü guxü̃guma chayanguxẽxẽ i ngẽma nüxü̃ chixuxü̃ —ñanagürü.

Ichaía 41:14

Rü choma ya Cori ya Tupana rü aixcüma pemaxã nüxü̃ chixu rü ñachagürü: —Pa Iraétanüxü̃x Pa Acóbutanüxü̃, rü woo nax penoxrexü̃ rü perü uanügüpe̱xewa peturaexü̃, natürü ¡taxṹ i pemuü̃exü̃! Erü choma rü tá pexü̃ charüngü̃xẽxẽxü̃. Rü choma ya perü Tupana ya üünecü nax chixĩxü̃ rü perü nguxü̃xẽẽruxü̃ chixĩ.

Popera ga Yudíugü ga yaxõgüxü̃ca̱x ümatüxü̃ 13:12

Rü yexgumarüxü̃ ta ga Ngechuchu rü ĩanearü ĩxpemawa ngúxü̃ ninge rü nayu nax nagümaxãtama Tupanaca̱x yamexẽẽgüãxü̃ca̱x i duü̃xü̃gü nax nape̱xewa yaxüünexü̃ca̱x.

Ore i mexü̃ ga Matéu ümatüxü̃ 11:19

Rü ñu̱xũchi núma naxũ ya Tupana Nane ya duü̃xü̃xü̃ ixĩcü rü õna nangõ̱x rü bínu nayaxaxü. Rü ngẽxguma i nüma i duü̃xü̃gü rü taanüxü̃chixü̃ rü ngãxwa̱xexü̃ nüxü̃ nawogüe. Rü nüxü̃ nixugüe rü pecaduã̱xgüxü̃maxã naxãmücü, rü namaxã naxãmücü i ngẽma duü̃xü̃gü i Rómaarü ãẽ̱xgacüca̱x diẽru ngĩxü̃ ideetanüxü̃. Natürü Tupanaarü cua̱x rü tümawa nango̱x ya yíxema aixcüma mexü̃ üxe”, ñanagürü ga Ngechuchu.

Wiyaegü 31:11

Rü choma rü norü cugüruxü̃ chixĩ i ngẽma chorü uanügü. Rü ngẽma chorü ngaicamagu ãchiü̃güxü̃ i duü̃xü̃gü rü norü ĩnücaruü̃mare choxü̃ nixĩgüxẽxẽ. Rü ngẽma choxü̃ cua̱xgüxü̃ i duü̃xü̃güca̱x, rü wüxi i ãũãchixü̃ chixĩ. Rü ngẽxguma ĩanearü namawa choxü̃ nadaugügu, rü cha̱u̱xcha̱xwa nibuxmü.

Yema Cuáü̃ nüxü̃ dauxü̃ i yixcüra tá ngupetüxü̃chiga 15:3

Rü nagu tawiyaegü ga Moiché ga Tupanaarü duü̃arü wiyae. Rü yexgumarüxü̃ ta nagu tawiyaegü ga gumá Carnéruxacüarü wiyae ga ñaxü̃: “Pa Torü Cori ya Tupana ya Guxü̃étüwa Ngẽxmacüx, nataxüchi rü namexẽchi i guxü̃ma i ngẽma cuxüxü̃. Rü curü ĩnü rü aixcüma nawe̱xgu rü taguma quidora, Pa Guxü̃ i Nachixü̃anegümaxã Icuácü.

Ore i mexü̃ ga Cuáü̃ ümatüxü̃ 7:15

Rü yema Yudíugüarü ãẽ̱xgacügü, rü naba̱i̱xãchie namaxã ga yema ore ga Ngechuchu nüxü̃ ixuxü̃. Rü ñanagürügü: —¿Ñuxãcü i ngẽmaãcü poraãcü nüxü̃ nacuáxü̃, rü taguma ngextá nangu̱x? —ñanagürügü.

Auxexü̃chiga 3:30

Rü ngẽxguma texé cuxü̃ pechametügu ¡rü taxũtáma cuxütanü! Rü narümemae nixĩ nax Tupanamaxã nüxü̃ quixuxü̃ i ngẽma nax nüma cuxü̃ naxütanüxü̃ca̱x.

Ore i mexü̃ ga Cuáü̃ ümatüxü̃ 8:48

Rü yexguma ga yema Yudíugü rü ñanagürügü nüxü̃: —Aixcüma nixĩ ga yema torü ore ga yexguma ñatagügügu: “Cuma rü wüxi i Chamáriaanecüã̱x quixĩ, rü ngo̱xo cuwa nangẽxma”, ñatagügügu —ñanagürügü.

Ore i mexü̃ ga Cuáü̃ ümatüxü̃ 7:20

Rü yema duü̃xü̃gü nanangãxü̃gü, rü ñanagürügü: —Cuma rü ngo̱xo cuwa nangẽxmamare. ¿Ẽ̱xna texé cuxü̃ tima̱xgüchaü̃? —ñanagürügü.

Ore i mexü̃ ga Matéu ümatüxü̃ 12:24

Natürü yema Parichéugü ga yéma yexmagüxü̃ rü yexguma yemaxü̃ naxĩnüegu, rü ñanagürügü: —Ñaa yatü i Ngechuchu, rü ngo̱xogünatü i Beechebúarü poramaxã nixĩ i ínawoxü̃ãxü̃ i ngo̱xogü —ñanagürügü.

Wiyaegü 88:8

Rü ngẽma chomücügüãẽwa ícunanguxẽxẽ nax choxna naxĩgüxü̃ca̱x. Rü wüxi i norü guxchaxẽẽruxü̃ choxü̃ quixĩxẽxẽ. Rü ñoma wüxi i poxcuxü̃ i taxucürüwama iñaxü̃rüxü̃ chixĩ.

Wiyaegü 31:1

Pa Corix, Pa Tupanax, cuxü̃tagu nixĩ i chaugü charücúxü̃ nax choxü̃ ícupoxü̃xü̃ca̱x. ¡Rü taxṹ i choxü̃ cuxoxü̃ ega curü ngü̃xẽẽca̱x íchacaxgu! ¡Rü choxü̃ ínanguxuchixẽxẽ naxme̱xwa i chorü uanügü! Erü cuma rü Tupana ya ixaixcümacü quixĩ.

Norü taxre ga to ga popera ga ãẽ̱xgacügüchiga ümatüxü̃ 14:11

Rü naxü̃pa ga nax nügü nada̱i̱xü̃ rü nüma ga Achá rü nayumüxẽ rü Tupanamaxã nidexa rü ñanagürü: —Pa torü Tupanax, namaxã tá togü tadai i ñaa muxũchixü̃ i churaragü i torü uanü ixĩgüxü̃. Rü ngẽmaca̱x curü ngü̃xẽẽca̱x ítaca erü cuxü̃́ tayaxõgü. Rü nataxuma i to i cuxrüxü̃ nüxü̃ rüngü̃xẽẽxü̃ i ngẽma rüturamaexü̃ nax ngẽma rüporamaexü̃me̱xẽwa ínanguxuchixü̃ca̱x. Rü cuma nixĩ i torü Tupana quixĩxü̃. Rü nüxü̃ tacua̱x nax taxúema cuxü̃ rüporamaexü̃ —ñanagürü ga Achá.

Wiyaegü 25:3

Rü yíxema cuxü̃́ yaxṍxe rü tagutáma ãne tinge. Natürü ngẽma tama cuga ĩnüexü̃ rü natüca̱xma cumaxã nuexü̃, rü ãne tá ningegü.

Wiyaegü 41:5

Natürü ngẽma chorü uanügü rü ñanagürügü: —Chierüna paxa nayu̱xgu nax ngẽxma yanaxoxü̃ca̱x i naéga —ñanagürügü.