Wiyaegü 22:5 - Tupanaarü Ore

⁵ Rü curü ngü̃xẽẽca̱x cuxna nacagüe rü cuma rü nüxü̃ curüngü̃xẽxẽ. Rü cuxü̃́ nayaxõgü rü norü uanügüme̱xẽwa ícunanguxü̃xẽxẽ rü tama cunawomüxẽxẽ.

Wiyaegü 22:5 Referans Kwoze

Romanos 10:11

Rü Tupanaarü ore i ümatüxü̃wa rü ñanagürü: “Yíxema Ngechuchuaxü̃́ yaxṍxe rü taxũtáma ãne tinge”, ñanagürü.

Ichaía 49:23

Rü ngẽma togü i nachixü̃anegüarü ãẽ̱xgacügü rü tá penatürücügü nixĩgü, rü ngẽma naxma̱xgü rü tá peerücügü nixĩgü. Rü pepe̱xegu tá nacaxã́pü̱xügü rü tá nanade̱xexgü i perü mairaxü̃chipatügü. Rü tá nüxü̃ picua̱xãchitanü nax chaxicatama Tupana chixĩxü̃ rü ngẽma choxü̃́ yaxõgüxü̃ rü tagutáma naxãneexü̃ —ñanagürü.

Romanos 9:33

Rü ngẽmachiga nixĩ i Tupanaarü ore i ümatüxü̃ i ñaxü̃: “Choma rü Chióü̃gu chanaxǘ ya wüxi ya nuta ya Yudíugüarü guxcharuxü̃ ixĩcü. Rü ngẽma duü̃xü̃gü i nüxü̃́ yaxõgüxü̃, rü aixcüma tá namaxẽ”, ñanagürü.

Nüxíraxü̃xü̃ ga popera ga Pedru ümatüxü̃ 2:6

Rü Tupana rü norü ore i ümatüxü̃wa rü ñanagürü: “Choma rü Chióü̃gu chanaxǘ ya wüxi ya nuta, rü yimá nixĩ ya nuta ya mexẽchicü ya chomatama chanayaxucü nax chopata namaxã ichaxügüxü̃ca̱x. Rü yíxema nüxü̃́ yaxṍxe, rü taxũtáma tüxü̃ chawomüxẽxẽ rü aixcüma tá tanayaxu i maxü̃ i taguma gúxü̃ i tümamaxã ichaxunetaxü̃”, ñanagürü.

Ichaía 45:17

Natürü i Iraétanüxü̃ rü Tupana ínananguxü̃xẽxẽ nax tagutáma togüme̱xẽwa nangẽxmagüxü̃ca̱x. Rü tagutáma naxãnee rü tagutáma narümaachitanü —ñanagürü.

Wiyaegü 106:44

Natürü yexguma Tupana nüxü̃ ĩnügu ga norü axu rü nüxü̃ nada̱u̱xgu nax taxü̃ ga guxchaxü̃wa nayexmagüxü̃, rü nüma ga Tupana rü nüxna nacua̱xãchi ga norü uneta ga namaxã nüxü̃ yaxuxü̃. Rü yemaca̱x nüxü̃́ nangechaü̃tümüxü̃ erü nataxüchi i norü ngechaü̃.

Wiyaegü 71:1

Pa Cori Pa Tupanax, cuma nixĩ i chorü poxü̃ruxü̃ quixĩxü̃. ¡Rü choxna nadau nax tama chaxãnexü̃ca̱x!

Wiyaegü 31:1

Pa Corix, Pa Tupanax, cuxü̃tagu nixĩ i chaugü charücúxü̃ nax choxü̃ ícupoxü̃xü̃ca̱x. ¡Rü taxṹ i choxü̃ cuxoxü̃ ega curü ngü̃xẽẽca̱x íchacaxgu! ¡Rü choxü̃ ínanguxuchixẽxẽ naxme̱xwa i chorü uanügü! Erü cuma rü Tupana ya ixaixcümacü quixĩ.

Ãẽ̱xgacügü ga guxchaxü̃güarü mexẽxẽruü̃gü 6:6

Rü yemaacü ga yema Madiáü̃tanüxü̃gagu ga Iraétanüxü̃ rü taxü̃ ga guxchaxü̃wa nayexmagü. Rü düxwa Cori ya Tupanaarü ngü̃xẽẽca̱x ínacagü.

Ãẽ̱xgacügü ga guxchaxü̃güarü mexẽxẽruü̃gü 4:3

Rü nüma ga Yabíü̃ rü nüxü̃́ nayexma ga 900 ga daiwexü̃ ga fierunaxca̱x ga cowaru itúgüne. Rü 20 ga taunecü poraãcü chixri Iraétanüxü̃maxã inacua̱x. Rü yemaca̱x ga yema Iraétanüxü̃ rü düxwa Cori ya Tupanaarü ngü̃xẽẽca̱x ínacagüe.

Yeremía 50:7

Rü yexguma yema Iraétanüxü̃xü̃ iyangaugügu ga yema norü uanügü rü nanadai. Rü ñanagürügü: “Tama tagagu nixĩ nax nada̱i̱xü̃. Nümagü rü Cori ya Tupanape̱xewa chixexü̃ naxügü. Rü nüxna nixĩgachitanü ya norü Tupana ga nüxü̃ rüngü̃xẽẽchirécü rü norü o̱xigüxü̃ rüngü̃xẽẽcü”, ñanagürügü.

Danié 3:28

Rü yexgumatama ga nüma ga Nabucudonochó rü ñanagürü: —¡Ngĩxã nüxü̃ ticua̱xüü̃gü ya norü Tupana i Chadrá rü Mechá rü Abex-negó ya núma namucü i ngẽma dauxü̃cüã̱x nax íyapoxü̃ãxü̃ca̱x i norü duü̃xü̃gü i tama ãẽ̱xgacüga ĩnüechaü̃xü̃! Yerü yema tomaepü̱xca̱x rü narümemae nax nayuexü̃ naxü̃pa nax togümare ga tupanaxü̃ yacua̱xüü̃güxü̃.