Wiyaegü 22:16 - Tupanaarü Ore

¹⁶ Rü ñoma airugü i düraexü̃rüxü̃ choxü̃ ínachomaeguãchi i chorü uanügü. Rü cha̱u̱xme̱xwa rü chaucutüwa choxü̃ ínipotagü.

Wiyaegü 22:16 Referans Kwoze

Ore i mexü̃ ga Cuáü̃ ümatüxü̃ 19:37

Rü tóxnamana i Tupanaarü ore i ümatüxü̃wa rü ñanagürü: “Tá nüxü̃ narüdaunü ya yimá nacanapacütüxü̃güãcü”, ñanagürü.

Ore i mexü̃ ga Matéu ümatüxü̃ 27:35

Rü yexguma marü curuchawa yapotagüãguwena, rü yema churaragü rü nanade ga Ngechuchuchiru. Rü ñu̱xũchi wüxi ga diẽru ngĩxü̃ nañanagügü nax yemawa nüxü̃ nacua̱xgüxü̃ca̱x nax ngexü̃rüüxü̃ ga Ngechuchuchiru tá nayauxgüxü̃ ga wüxichigü.

Chacaría 12:10

Rü ngẽma Dabítaagütanüwa rü Yerucharéü̃cüã̱xgütanüwa tá chanamu i Chauãxẽ i Üünexü̃ nax yamecümaxü̃ca̱x rü nayumüxẽgüwa̱xegüxü̃ca̱x i ngẽma Dabítanüxü̃ rü ngẽma Yerucharéü̃cüã̱xgü. Rü ngẽxguma tá nüxü̃ nadaugügu ya yima nacanapacütüxü̃güãcü rü tá nangechaü̃gü. Rü naxca̱x tá naxauxe ñoma wüxi i nane i nügümaxã wüxicacüca̱x naxauxexü̃rüxü̃. Rü ñoma nüxíraü̃cü ya nane yu̱xguca̱x naxauxegurüxü̃ tá naxca̱x naxauxe.

Ore i mexü̃ ga Cuáü̃ ümatüxü̃ 20:25

Rü yixcama ga yema togü ga ngúexü̃gü rü Tumachimaxã nüxü̃ nixugüe, rü ñanarügügü: —Marü nüxü̃ tadau ya Cori ya Ngechuchu —ñanarügügü. Natürü ga Tumáchi rü nanangãxü̃ rü ñanagürü: —Ngẽxguma tama nüxü̃ chada̱u̱xgu i norü itapuamaxü̃ i naxme̱xwa ngẽxmaxü̃ rü tama nagu chixuxgu i ngẽma itapuamaxü̃ rü ngẽma norü canapacütüxü̃, rü taxũtáma chayaxõ i ngẽma ore i chomaxã nüxü̃ pixuxü̃ —ñanagürü.

Ore i mexü̃ ga Cuáü̃ ümatüxü̃ 19:23

Rü nawena nax curuchawa Ngechuchuxü̃ yapotagüxü̃, rü nüma ga churaragü, rü nanade ga Ngechuchuchiru. Rü yema ãgümücü ga churaragü rü nügümaxã nayatoye ga naxchiru. Rü nanayauxgü ta ga norü gáuxü̃chiru ga máxü̃. Natürü taxuwama narünga̱i̱xte, yerü woetama yemaacü naxü.

Ore i mexü̃ ga Márcu ümatüxü̃ 15:24

Rü yemawena curuchawa nayapotagü. Rü nümagü ga churaragü rü wüxi ga diẽru ngĩxü̃ nañanagügü nax yemaacü nügümaxã yatoyeãxü̃ca̱x ga Ngechuchuchiru, rü nüxü̃ nacua̱xgüxü̃ca̱x nax ta̱xacü tá yangexü̃ ga wüxichigü.

Ore i mexü̃ ga Cuáü̃ ümatüxü̃ 19:34

Natürü wüxi ga churara rü Ngechuchuxü̃ nacanapacütüxü̃. Rü yexgumatama ínayaxüchi ga nagü rü dexá.

Ore i mexü̃ ga Luca ümatüxü̃ 23:33

Rü yexguma nawa nangugügu ga yema nachica ga Duü̃xẽeruchina̱xãgu ãégaxü̃, rü yéma curuchawa Ngechuchuxü̃ nipotagü. Rü yema taxre ga máetagüxü̃ rü ta Ngechuchurüxü̃ curuchawa nipotagü, wüxi ga norü tügünecüwawa rü to ga norü to̱xwecüwawa.

Filipenses 3:2

¡Rü pegüna peda̱u̱x nüxna i ngẽma duü̃xü̃gü i chixexü̃gu maxẽxü̃, rü ngẽma orearü uruü̃güneta, rü ngẽma nüxü̃ ixuxü̃ rü ngẽxguma tama yigü íiwíecha̱xmüxü̃pe̱xechiraü̃gu rü taxucürüwama Tupanape̱xewa time!

Ore i mexü̃ ga Luca ümatüxü̃ 23:23

Natürü nümagü rü yexeraãcü aita naxüeama, rü naxca̱x ínacagü nax curuchawa yapotaãxü̃ca̱x. Rü yema nax nayexeragüamaxü̃ ga nümagü rü düxwa ga Pirátu rü naga naxĩnü.

Ichaía 53:5

Natürü tórü chixexü̃gagu nixĩ ga nacanapacütügüãxü̃. Rü tórü pecadugagu nixĩ ga ngúxü̃ yangexü̃. Natürü yema ngúxü̃ nax yangexü̃gagu nixĩ ga Tupana tamaxã rüngüxmüxü̃. Rü yema norü o̱xrigügagu nixĩ ga taxca̱x yataanegüxü̃.

Wiyaegü 22:20

¡Rü choxü̃ ínapoxü̃ nax tama taramaxã choxü̃ yama̱xgüxü̃ca̱x i ñaa chorü uanügü i ñoma airugürüxü̃ ixĩgüxü̃!

Wiyaegü 22:1

Pa Chorü Tupanax, Pa Chorü Tupanax ¿tü̱xcüü̃ choxna quixũgachi? ¿Rü tü̱xcüü̃ choxna cuyáxü̃gu rü tama choxü̃ curüngü̃xẽxẽ rü tama nüxü̃ cuxĩnü i chorü axu?

Ore i mexü̃ ga Cuáü̃ ümatüxü̃ 20:27

Rü yexguma Tumáchixü̃ ñanagürü ga Ngechuchu: —¡Nagu ixu i ñaa chorü itapuamaxü̃ i cho̱xme̱xwa ngẽxmaxü̃, rü nüxü̃ nadau ya daa cho̱xme̱x! ¡Rü nagu ixu i chorü canapacütüxü̃! ¡Rü tama name nax tama cuyaxõxü̃! ¡Rü yaxõ! —ñanagürü.

Wiyaegü 59:6

Nümagü rü chütacü nanaxĩane rü ĩanemaxü̃güwa naxãũgatanü ñoma airugü i nügü da̱i̱xü̃rüxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 22:15

Natürü taxũtáma yima ĩanewa nichocu i ngẽma chixexü̃gü maxẽxü̃, rü ngẽma iyuüxü̃, rü ngẽma naxü̃nearü ngúchaü̃gu maxẽxü̃, rü ngẽma máetagüxü̃, rü ngẽma tupananetachicüna̱xãgüxü̃ icua̱xüü̃güxü̃, rü ngẽma womüxẽẽwa̱xegüxü̃ rü taxũtáma nawa nichocu ya yima ĩane.

Wiyaegü 86:14

Pa Tupanax, nangẽxma i ñuxre i duü̃xü̃gü i tama cugu rüxĩnüexü̃ rü nügü icua̱xüü̃güxü̃ rü máxwa̱xegüxü̃, rü chauxchi aiexü̃. Rü ngẽma rü choxü̃ nima̱xgüchaü̃.

Ore i mexü̃ ga Matéu ümatüxü̃ 26:57

Rü Caipá ga chacherdótegüarü ãẽ̱xgacüxü̃tawa Ngechuchuxü̃ nagagü ga yema duü̃xü̃gü ga yayauxgüxü̃. Rü yexma nixĩ ga nangutaque̱xegüxü̃ ga ngúexẽẽruü̃gü ga ore ga mugüwa ngu̱xẽẽtaegüxü̃ rü Yudíugüarü ãẽ̱xgacügü.

Ore i mexü̃ ga Matéu ümatüxü̃ 7:6

Rü tama name i Tupanaarü ore i üünexü̃maxã penachixewe i ngẽma duü̃xü̃gü i tama yaxõgüchaü̃xü̃, erü ngürüãchi ngẽmaca̱x tá pexü̃ nadai. Rü tama name i Tupanaarü oremaxã penachixewe i ngẽma duü̃xü̃gü i tama nüxü̃ cua̱xgüchaü̃xü̃, erü tá ínanata̱xgü.

Yeremía 12:6

Rü woo ngẽma cuenexẽgü rü woo cupatacüã̱xgü rü cuechita chixexü̃ cumaxã nixugüe. ¡Rü taxṹ i nüxü̃́ cuyaxõxü̃ ega woo mexü̃ i dexamaxã cumaxã yadexagügu! —ñanagürü ga Cori ya Tupana.

Wiyaegü 59:14

Rü ngẽma duü̃xü̃gü i chixexü̃ rü ngẽxguma chütacü ñoma airugürüxü̃ naxãũgatanü rü ĩanegu ínayachoegu nax nawemüca̱x nadaugüxü̃ca̱x. Rü naxauxe ega tama nüxü̃́ yanguxgu i nawemüxü̃ i inayangaugü.

Wiyaegü 38:11

Rü chomücügü rü woo chautanüxü̃ rü choxna nayáxü̃gugü naxcha̱xwa i ngẽma chorü o̱xrigü.