Wiyaegü 22:10 - Tupanaarü Ore

¹⁰ Rü yexguma tauta chabuxgucürüwa choxna cudau. Rü yexguma noxri chabuxgumama rü chorü Tupana quixĩ.

Wiyaegü 22:10 Referans Kwoze

Gálatas 1:15

Natürü yexguma taxũta chabuxgu, rü woetama Tupana choxü̃ naxuneta nax choxü̃ namuxü̃ca̱x nax chanaxüxü̃ca̱x i norü puracü. Rü nüma rü cha̱u̱xca̱x naca nax noxrü chixĩxü̃ca̱x, yerü poraãcü choxü̃ nangechaü̃. Rü yexguma Tupana naxwa̱xegu, rü choxü̃ nüxü̃ nacua̱xẽxẽ ga Nane ya Cristu. Rü yemaacü nanaxü nax ngẽma duü̃xü̃gü i tama Yudíugü ixĩgüxü̃maxã nüxü̃ chixuxü̃ca̱x nax Ngechuchugagu tüxü̃́ nangẽxmaxü̃ i maxü̃ i taguma gúxü̃. Rü yexguma yemaacü Tupana choxü̃ nüxü̃ cua̱xẽẽgu ga Nane, rü taxúenama chayaca.

Yeremía 1:5

—Yexguma taxũta cuxü̃ chango̱xẽẽgu rü woetama marü choma cuxü̃ chaxuneta. Rü naxü̃pa nax cubuxü̃ rü choma rü marü cuxü̃ chayaxu rü nachixü̃anegüarü orearü uruxü̃ cuxü̃ chixĩxẽxẽ —ñanagürü.

Ichaía 49:1

Pema i nachixü̃anegü i márpechinüwa ngẽxmagüxü̃ rü pema i nachixü̃anegü i yáxü̃wa ngẽxmagüxü̃, ¡rü choxü̃́ iperüxĩnüe! Nüma ya Cori ya Tupana choxü̃ naxuneta naxü̃pa nax chabuxü̃. Rü nüxü̃ nixu i chauéga ga yexguma chaueanüwatama chayexmagu.

Ore i mexü̃ ga Cuáü̃ ümatüxü̃ 20:17

Rü Ngechuchu rü ñanagürü ngĩxü̃: —¡Taxṹ i choxü̃ quingõgüxü̃, erü tauta Chaunatüxü̃tawa chaxũ! ¡Natürü ngéma chauenexẽgütanüwa naxũ rü namaxã nüxü̃ yarüxu nax choma rü tá Chaunatü ya Tupana ya Penatü ya Tupanaxü̃tawa chaxũxü̃! —ñanagürü.

Ore i mexü̃ ga Luca ümatüxü̃ 2:40

Rü gumá bucü rü niyachigü, rü yexeraãcü niporachigü, rü yexeraãcü nüxü̃ nicuáchigü. Rü Tupana rü namaxã nataãxẽ rü nüxü̃ narüngü̃xẽxẽ.

Ore i mexü̃ ga Luca ümatüxü̃ 2:52

Rü niyachigü ga Ngechuchu, rü yexeraãcü nüxü̃ nicuáchigü. Rü Tupana rü namaxã nataãxẽ, rü guxü̃ma ga duü̃xü̃gü rü ta namaxã nataãẽgü.