Wiyaegü 22:1 - Tupanaarü Ore

¹ Pa Chorü Tupanax, Pa Chorü Tupanax ¿tü̱xcüü̃ choxna quixũgachi? ¿Rü tü̱xcüü̃ choxna cuyáxü̃gu rü tama choxü̃ curüngü̃xẽxẽ rü tama nüxü̃ cuxĩnü i chorü axu?

Wiyaegü 22:1 Referans Kwoze

Ore i mexü̃ ga Márcu ümatüxü̃ 15:34

Rü yematama oragu rü tagaãcü aita naxü ga Ngechuchu, rü ñanagürü: —Erí, Erí, ¿damá chabátani? —ñanagürü. Rü ngẽma rü ñaxü̃chiga nixĩ: “Pa Chorü Tupanax, Pa Chorü Tupanax ¿tü̱xcüü̃ choxna quixũgachixü̃?” ñaxü̃chiga nixĩ.

Ore i mexü̃ ga Matéu ümatüxü̃ 27:46

Rü yema tomaepü̱xarü oragu rü Ngechuchu rü tagaãcü aita naxü, rü ñanagürü: —Erí, Erí, ¿damá chabátani? —ñanagürü. Rü ngẽma rü ñaxü̃chiga nixĩ: “Pa Chorü Tupanax, Pa Chorü Tupanax, ¿tü̱xcüü̃ choxna quixũgachixü̃?” ñaxü̃chiga nixĩ.

Popera ga Yudíugü ga yaxõgüxü̃ca̱x ümatüxü̃ 5:7

Rü yexguma Cristu ñoma ga naanewa maxü̃gu, rü poraãcü nayumüxẽ rü tagaãcü rü naxauxãcü Tupanana naca nax nüxü̃ nangü̃xẽẽxü̃ca̱x nax naga naxĩnüxü̃ca̱x, yerü Tupana rü naporachire̱x nax nawa ínanguxuchixẽẽãxü̃ca̱x ga yema yu. Rü Tupana rü Cristuxü̃ naxĩnü yerü Tupanaga naxĩnü.

Wiyaegü 22:16

Rü ñoma airugü i düraexü̃rüxü̃ choxü̃ ínachomaeguãchi i chorü uanügü. Rü cha̱u̱xme̱xwa rü chaucutüwa choxü̃ ínipotagü.

Yox 3:24

Rü ngẽma choxü̃́ nax nangúxü̃gagu rü tama chataiya rü ngẽma nax chaxaxuxü̃ rü chauxgüxü̃etü rü ñoma dexárüxü̃ nichuru.

Ore i mexü̃ ga Luca ümatüxü̃ 24:44

Rü ñu̱xũchi ñanagürü nüxü̃: —Rü yema choxü̃ ngupetüxü̃ rü yema nixĩ ga pemaxã nüxü̃ chixuxü̃ ga yexguma tauta chayu̱xgu rü petanüwa chayexmagu. Yerü yexguma rü pemaxã nüxü̃ chixu rü ñacharügü: “Aixcüma tá ningu i guxü̃ma i Tupanaarü ore i chauchiga ümatüxü̃ i wiyaegüarü poperawa, rü Moiché ümatüxü̃ i mugüwa, rü ore i nũxcümaü̃güxü̃ ga Tupanaarü orearü uruü̃gü ümatüxü̃wa” —ñacharügüchire̱x pexü̃.

Wiyaegü 10:1

Pa Cori Pa Tupanax ¿Tü̱xcüü̃ choxna cuyáxü̃gu? ¿Rü tü̱xcüü̃ iquicu̱x ega guxchaxü̃wa changexmagu?

Popera ga Yudíugü ga yaxõgüxü̃ca̱x ümatüxü̃ 13:5

Rü tama name nax diẽruguama perüxĩnüexü̃. Rü name nixĩ i namaxã petaãẽgü i ngẽma marü pexü̃́ ngẽxmaxü̃. Yerü Tupana rü ñanagürü: “Tagutáma cuxna chixũ, rü tagutáma cuxü̃ íchata̱x”, ñanagürü.

1 Chamué 12:22

Rü nümatama ya Cori ya Tupana rü marü pexü̃ nade yerü nanaxwa̱xe nax norü duü̃xü̃gü pixĩgüxü̃. Rü ngẽmaca̱x tagutáma pexü̃ ínawogü erü tama nanaxwa̱xe i texé nüxü̃ tixu nax tama yangu̱xẽẽãxü̃ i norü ore.

Wiyaegü 22:11

¡Rü ñu̱xma nax ãũcümaxü̃wa changexmaxü̃ rü taxṹ i choxna quixũgachixü̃! Erü tataxuma nax texé choxü̃ rüngü̃xẽẽxü̃.

Wiyaegü 71:11

Rü ñanagürügü: —¡Nawe pingẽxü̃tanü rü peyayauxgü, erü ya Tupana rü marü nüxna nixũgachi rü taxúetama ítanapoxü̃! —ñanagürügü.

Wiyaegü 38:8

Rü chatura rü changearü poraã̱x. Rü chixãĩnecüü erü chorü maxü̃newa poraãcü ngúxü̃ chinge.

Wiyaegü 37:28

Erü nüma ya Cori ya Tupana rü nüxü̃ nangechaü̃ i ngẽma maxü̃ i we̱xguxü̃, rü taguma tüxü̃ ínawogü ya yíxema aixcüma nawe rüxĩxe. Rü guxü̃gutáma tüxna nadau. Natürü ngẽma chixexü̃gu maxẽxü̃, rü Tupana tá inayanaxoxẽxẽ i nanegü rü nataagü.

Wiyaegü 16:1

¡Choxna nadau, Pa Tupanax! Erü cuxü̃́ nixĩ i chayaxõxü̃ nax choxü̃ ícupoxü̃xü̃ca̱x.

Ore i mexü̃ ga Luca ümatüxü̃ 22:44

Rü yema nax poraãcü nanaxĩ̱xãchiãẽxü̃ ga Ngechuchu, rü yemaca̱x yexeraãcü nayumüxẽ, rü nanaxaiyaãchi. Rü ñoma nagü waixü̃müanewa ichuruxü̃rüxü̃ nixĩ ga norü aiyacü.

Ichaía 59:11

Rü guxãma i yixema rü ñoma osu i düraxü̃rüxü̃ tingi̱netanücüxü rü muxtucurüxü̃ tangechaxü̃gagü. Rü ítanangu̱xẽxẽ nax tórü uanügüme̱xẽwa ínguxü̃xü̃ natürü ya Tupana rü tama paxa tüxü̃ narüngü̃xẽxẽ. Rü tanaxwa̱xe nax ngẽma uanügüme̱xẽwa ínguxü̃xü̃ natürü naxme̱xwa tangexmagüama.

Wiyaegü 26:9

Rü tama chanaxwa̱xe i choxü̃ quima̱x wüxigu namaxã i ngẽma pecaduã̱xgüxü̃. Rü tama chanaxwa̱xe i ngẽma máetagüxü̃rüxü̃ chomaxã quixĩ.

Lebítanüxü̃arü puracüchiga 2:6

Rü íxraxü̃gu tá icunawícu rü ñu̱xũchi chíxü̃maxã tá cunamaxcutanü. Erü ngẽma rü wüxi i ãmare i trigute̱xe nixĩ.