Wiyaegü 21:9 - Tupanaarü Ore

⁹ Pa Tupanax, ngẽxguma núma cuxũxgu rü ñoma wüxi i guruü̃wa yaguxü̃rüxü̃ tá ícunagu i curü uanügü. Rü curü numaxã tá üxüwa cuyawocu nax ngẽxma yanaxogüxü̃ca̱x i ngẽma curü uanügü.

Wiyaegü 21:9 Referans Kwoze

Maraquía 4:1

Rü nüma ya Cori ya Tupana ya Guxãétüwa Ngẽxmacü rü ñanagürü: —Rü ningaica i ngẽma ngunexü̃ i ãũcümaxü̃ i nagu tá chanapoxcuexü̃ i ngẽma chixexü̃ ügüxü̃ ñoma üxüemawa yaxaexü̃rüxü̃. Rü guxü̃ma i ngẽma duü̃xü̃gü i nügü írütagüxü̃ rü chixexü̃ ügüxü̃ rü ñoma maxẽ i pacü i üxüxétüwa yata̱xcuchichapa̱xacürüxü̃ tá nixĩgü. Rü ngẽma ngunexü̃gu rü guxü̃táma nixae rü taxuxü̃táma ínayaxügü.

Wiyaegü 50:3

Rü nüma ya tórü Tupana rü nua naxũ. Natürü tama bexma ínangu erü nape̱xewa nangẽxma i wüxi i üxüema i guxü̃xü̃ma ixaxẽẽxü̃, rü nacüwawa nangẽxma ya buanecü ya taxüchicü.

Wiyaegü 18:8

Rü naxmaraü̃wa rü caxixü̃ ínaxũxũ. Rü naã̱xwa ínaxũxũ ga üxüema ga ñoma ga naane ixaxẽẽxü̃, rü ínaxũxũ ga ã́xwe ga inaicü.

2 Tesalonicenses 1:8

Rü núma tá naxũ i nüma ya tórü Cori ya Ngechuchu nax napoxcueãxü̃ca̱x i ngẽma duü̃xü̃gü i tama Tupanaxü̃ cua̱xgüchaü̃xü̃ rü tama naga ĩnüexü̃ i ngẽma ore i mexü̃ i tórü Cori ya Ngechuchu ya Cristuchiga.

Auxexü̃chiga 2:2

Rü Cori ya Tupana rü noxtacüma guxü̃nema ga Acóbutanüxü̃patagü rü nayachixexẽxẽ, rü taxúnema ínayaxüxẽxẽ. Rü norü numaxã nagu napogüe ga norü poxeguxü̃ ga guma Yudáanearü ĩanegü ga imexẽchine. Rü guma ĩanegüarü ãẽ̱xgacügüxü̃ naxãneexẽxẽ namaxã ga norü ngü̃xẽẽruü̃gü.

Naúü̃ 1:6

¿Rü texé tá yáxna namaxã taxĩnü ega tümamaxã nanuxgu ya Tupana? ¿Rü texé tá namaxã tapora i ngẽma norü nu? Erü ngẽma norü nu rü ñoma üxüemaarü naiemaxü̃rüxü̃ nixĩ. Rü nape̱xewa rü narüngǘxtegü ya yimá nutagü ya taxüchicü.

Ichaía 26:11

Rü cumax, Pa Corix, rü marü naxca̱x icunamexẽxẽ i ngẽma norü poxcu, natürü i nümagü rü tama nüxü̃ nacua̱xgüéga. Natürü ngẽxguma nüxü̃ nadaugügu i ngẽma curü ngechaü̃ i taxü̃ naxca̱x i curü duü̃xü̃gü i mea maxẽxü̃, rü tá naxãnee. ¡Chierüx cuma rü curü nuarü üxüemamaxã cunadaixgu i ngẽma curü uanügü!

Wiyaegü 2:5

Rü ñu̱xũchi norü numaxã ínanaba̱i̱xgü rü nugaãcü nayangagü rü ñanagürü nüxü̃:

Wenaxarü naxümatü ga Tupanaarü mugü 32:22

Rü ngẽma chorü nu rü ñoma üxüxemarüxü̃ niyaura. Rü ngẽma üxüema rü woo naanearü aixepewa nangu nax yayauraxü̃. Rü tá nixa i ñoma i naane rü guxü̃ma i nanetüarü o i nawa ngẽxmagüxü̃. Rü woo yima ma̱xpü̃́negü rü tá niyaurapǘnegü.

Yema Cuáü̃ nüxü̃ dauxü̃ i yixcüra tá ngupetüxü̃chiga 20:14

Rü yemawena rü yema yu rü yema yuexü̃chica rü guma naxtaxa ga üxümaxã iya̱u̱xrachiünewa nawoü̃. Rü ngẽma nixĩ i poxcu i taguma iyacuáxü̃ naxca̱x i ngẽma duü̃xü̃gü i tama Tupanaga ĩnüexü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 19:15

Rü naã̱xwa ínaxũxũ ga wüxi ga tara ga guxü̃cüwawa téxü̃ nax yemamaxã nüxü̃ naporamaexü̃ca̱x i guxü̃ma i nachixü̃anegü. Rü nüma rü poraãcü tá namaxã inacua̱x. Rü ñoma úbagü i norü ma̱i̱xruü̃wa ima̱i̱xtüü̃xü̃rüxü̃ tá nixĩ nax napoxcueãxü̃ namaxã i ngẽma poxcu ya Tupana ya Guxü̃étüwa Ngẽxmacü norü numaxã mexẽẽxü̃.

1 Tesalonicenses 2:16

Rü ngẽxguma ngẽma duü̃xü̃gü i tama Yudíugü ixĩgüxü̃maxã nüxü̃ tixuxchaü̃gu i Tupanaarü ore nax nümagü rü ta nüxü̃́ nangẽxmagüxü̃ca̱x i maxü̃, rü ngẽma Yudíugü rü toxna nanachu̱xu. Rü ngẽmaãcü i ngẽma Yudíugü rü poraãcüxüchima chixexü̃ naxügü. Rü ngẽmaca̱x i ñu̱xma rü düxwa marü nüxna nangu i ngẽma Tupanaarü poxcu i ãũcümaxü̃chixü̃.

Ore i mexü̃ ga Matéu ümatüxü̃ 25:46

Rü ngẽma duü̃xü̃gü rü tá poxcu i taguma gúxü̃wa naxĩ. Natürü ngẽma duü̃xü̃gü i aixcüma mea Tupanaca̱x maxẽxü̃ rü tá nanayauxgü i maxü̃ i taguma gúxü̃ —ñanagürü ga Ngechuchu.

Ore i mexü̃ ga Matéu ümatüxü̃ 25:41

Rü ñu̱xũchi i Ãẽ̱xgacü, rü ñanagürü tá nüxü̃ i ngẽma to̱xwewa ngẽxmagüxü̃: “¡Choxna pixĩgachi i pema i perü chixexü̃ca̱x poxcuexe! ¡Rü ngéma pexĩ nawa ya yimá üxü ya taguma ixoxü̃ne ya Tupana ímexẽẽ́ne naxca̱x i ngo̱xo i Chataná rü norü duü̃xü̃gü!

Ore i mexü̃ ga Matéu ümatüxü̃ 22:7

Rü yexguma ga gumá ãẽ̱xgacü rü poraãcü nanu. Rü norü churaragüxü̃ yéma namugü nax yadaiãxü̃ca̱x ga yema duü̃xü̃gü ga máetagüxü̃, rü nax yagugüãxü̃ca̱x ga gumá norü ĩane.

Ore i mexü̃ ga Matéu ümatüxü̃ 13:42

Rü tá üxüxétüwa nayawocu. Rü ngéma tá naxauxe rü tá nixü̃́xchapütagü.

Ore i mexü̃ ga Matéu ümatüxü̃ 3:12

Rü nüma rü marü ínamemare nax ñoma i naanewa yadexechiãxü̃ca̱x i norü duü̃xü̃gü ñoma wüxi i yatü trigu naatüna idexechixü̃rüxü̃. Rü ngẽmaãcü tá nayadexechi i ngẽma noxrü ixĩgüxü̃ nax naxü̃tawa nangẽxmagüxü̃ca̱x, natürü ngẽma tama noxrü ixĩgüxü̃ rü tá ínanagu nawa ya yimá üxü ya taguma ixoxü̃ne”, ñanagürü ga Cuáü̃.

Ore i mexü̃ ga Matéu ümatüxü̃ 3:10

Rü Tupanaarü yuema rü marü íimemare nax naxchúma̱xãgu nadaxü̃xü̃ca̱x i ngẽma nanetügü i tama mexü̃. Rü guxü̃ma i nanetügü i chixearü oóxü̃ rü tá nadaxü̃, rü ñu̱xũchi tá üxüwa niwocu.

Wiyaegü 106:17

Rü yemaca̱x Tupana nanapoxcue. Rü naxca̱x nayange̱xẽxẽ ga naane rü yemagu nayicu ga Datáü̃ rü Abiráü̃ namaxã ga namücügü.

Édra 6:12

Rü yimá Tupana ya nügüca̱x nüxü̃ unetacü ya yima ĩane ya Yerucharéü̃ rü tá nayanaxoxẽxẽ i ngexü̃rüüxü̃mare i ãẽ̱xgacü rüe̱xna nachixü̃ane i tama yanguxẽẽxü̃ i ñaa chorü mu rü naguxchaxẽẽxü̃ ya yima Tupanapata ya taxü̃ne ya Yerucharéü̃wa ngẽxmane. Rü choma i Daríu nixĩ i chanaxunagüxü̃ i ñaa mu. Rü ngẽmaca̱x chanaxwa̱xe i aixcüma mea naga pexĩnüe —ñanagürü ga norü poperawa.

Wiyaegü 18:38

Rü chanapíexẽxẽ rü ngẽmamaxã taguma ínarüdagü. Rü nagu chapúgüe.