Wiyaegü 21:7 - Tupanaarü Ore

⁷ Rü nüma ya ãẽ̱xgacüx, rü Cori ya Tupanaaxü̃́ nayaxõ. Rü yimá Guxãmaxã Icuácü rü poraãcü yima ãẽ̱xgacüxü̃ nangechaü̃, rü ngẽmaca̱x tagutáma chixexü̃gu nangu.

Wiyaegü 21:7 Referans Kwoze

Wiyaegü 16:8

Rü guxü̃guma nachauxü̃tagu ya Cori. Rü chorü tügünecüwawa nangẽxma rü ngẽmaca̱x taxuxü̃táma i ta̱xacü chixexü̃gu choxü̃ nanguxẽxẽ.

Wiyaegü 91:2

Rü choma rü ñachagürü cuxü̃: —Pa Corix, cuxicatama nixĩ i chorü cu̱xchicaxü̃ quixĩxü̃, rü chorü poxü̃ruxü̃ quixĩxü̃ rü chorü Tupana ya cuxü̃́ chayaxõcü quixĩxü̃ —ñachagürü cuxü̃.

Wiyaegü 26:1

Pa Cori Pa Tupanax ¡choxü̃ nadau nax taxuxü̃ma i pecadu chaxüxü̃! Rü chorü maxü̃wa rü nataxuma i chixexü̃. Rü aixcüma cuxü̃́ chayaxõ, Pa Cori Pa Tupanax.

Wiyaegü 18:2

Rü cuma nixĩ ya nuta ya taxüchicü ya chorü poxü̃ruxü̃ quixĩxü̃. Rü cuma nixĩ i chorü dauruxü̃ quixĩxü̃. Rü cuma nixĩ i choxü̃ cunapuxü̃ nüxna i chorü uanügü. Rü cuma nixĩ i chorü tüpe̱xeruxü̃ quixĩxü̃. Rü cuma nixĩ i curü poramaxã choxü̃ cumaxẽẽxü̃. Rü cuma nixĩ i chorü cu̱xchicaxü̃ i ma̱xpǘnewa nagu changaxixü̃ quixĩxü̃.

Wiyaegü 9:2

Pa Cori ya Tupana ya Guxãétüwa Ngẽxmacüx, rü chorü taãẽmaxã tá poraãcü cuxü̃ chicua̱xüxü̃. Rü chorü wiyaemaxã tá cuxü̃ chatachigaxẽxẽ.

Popera ga Yudíugü ga yaxõgüxü̃ca̱x ümatüxü̃ 2:13

Rü tóxnamana i Tupanaarü ore i ümatüxü̃wa rü ñanagürü ta ga Nane: “Pa Chaunatüx, cuxü̃́ chayaxõ, erü nüxü̃ chacua̱x rü tá choxü̃ curüngü̃xẽxẽ”, ñanagürü. Rü ñanagürü ta: “Daxe chixĩ, Pa Chaunatüx, namaxã i cuxacügü i choxna cumugüxü̃”, ñanagürü.

Danié 7:14

Rü nüma ga guma Ãẽ̱xgacü rü namaxã nataãxẽ rü pora nüxna naxã nax ñoma i naanemaxã inacuáxü̃ca̱x. Rü guxü̃ma i ñoma i naanecüã̱x i duü̃xü̃gü i to i nagawa idexagüchigüxü̃ rü tá nüxü̃ nicua̱xü̃gü. Rü nüma rü guxü̃guma Ãẽ̱xgacü nixĩ rü tagutáma inayacua̱x nax Ãẽ̱xgacü yixĩxü̃.

1 Chamué 30:6

Rü nüma ga Dabí rü naxoegaãẽ yerü ga yema norü duü̃xü̃gü rü nagu narüxĩnüe nax Dabíxü̃ nutamaxã ínamuxũchigüxü̃ yerü poraãcüma naxacügüca̱x nanue. Natürü nüma ga Dabí rü Cori ya Tupanana narüyoe rü nayaxõ nax Tupana tá nüxü̃ rüngü̃xẽẽxü̃.

Ore i mexü̃ ga Matéu ümatüxü̃ 27:43

Rü nüma ya Ngechuchu nagu naxĩnügu rü Tupana tá nüxü̃ narüngü̃xẽxẽ. Ẽcü, ñu̱xma rü Tupana nüxü̃ rüngü̃xẽxẽ ega aixcüma nüxü̃ nangü̃xẽẽchaü̃gu. ¿Tama ẽ̱xna nümatama tamaxã nüxü̃ yaxuxü̃ nax Tupana Nane yixĩxü̃? —ñanagürügü.

Wiyaegü 61:4

Rü chanaxwa̱xe nax guxü̃gutáma cupatawa changexmaxü̃ nax ngéma cuxpe̱xatütüü̃gu chicúxü̃ca̱x.

Wiyaegü 13:5

Rü choma rü chayaxõ nax aixcüma choxü̃ cungechaü̃xü̃, rü chataãxẽ erü cuma rü choxü̃ cumaxẽxẽ.

Wiyaegü 45:3

Pa Poracüx ¡ẽcü cugücüwawa yanga̱xcuchi i ngẽma curü tara! Rü ngẽma nixĩ i curü poraarü cua̱xruxü̃ ixĩxü̃.

Wiyaegü 72:17

Rü chanaxwa̱xe i duü̃xü̃gü guxü̃guma nüxna nacua̱xãchie i naéga ya ãẽ̱xgacü. Rü name nixĩ i duü̃xü̃gü guxü̃guma mea nachiga yadexagüxü̃ ñoma üa̱xcü guxü̃guma ibáxixü̃rüxü̃. Rü name nixĩ nax guxü̃ma i duxü̃xü̃gü mexü̃ namaxã uegugüxü̃ rü ngẽmaãcü guxü̃ma i nachixü̃anecüã̱xgü nüxü̃ icua̱xüü̃güxü̃.