Wiyaegü 21:11 - Tupanaarü Ore

¹¹ Erü ngẽma curü uanügü rü nagu narüxĩnüe nax chixexü̃gu cuxü̃ nagu̱xẽẽgüxü̃ca̱x, natürü taxũtáma mea nüxü̃́ ínanguxuchi i ngẽma nagu naxĩnüexü̃.

Wiyaegü 21:11 Referans Kwoze

Wiyaegü 10:2

Erü ngẽma chixexü̃gu maxü̃xü̃ rü nügü írütaxü̃ rü norü numaxã tüxü̃ nachixewe ya yíxema taxucürüwa tügü ípoxü̃xẽ. Natürü nüma i ngẽma chixexü̃gu maxü̃xü̃ tátama nagu nangu ya yima yüta ya toguxeca̱x naxüxü̃ne.

Wiyaegü 2:1

¿Ta̱xacüca̱x nügümaxã nanue i ñoma i naanecüã̱x i duü̃xü̃gü i tama Tupanaxü̃ cua̱xgüxü̃? ¿Rü tü̱xcüü̃ i nügümaxã nagu narüxĩnüe i ta̱xacü i taxuwama mexü̃?

Ore i mexü̃ ga Matéu ümatüxü̃ 2:16

Rü yexguma ãẽ̱xgacü ga Eróde nüxü̃ cua̱xgu ga to ga namagu nax nawoeguxü̃ ga yema yatügü ga nüxü̃ cua̱xüchigüxü̃ ga éstewa ne ĩxü̃, rü poraãcü nanu. Rü Beréü̃wa nanamugü ga norü churaragü nax guxü̃ ga yema naanewa tüxü̃ nada̱i̱xü̃ca̱x ga guxãma ga guxema buxegü ga iyatüxe ga yexwaca̱x buexe rü ñu̱xmata taxre ga taunecü tüxü̃́ yexmagüxewa nangu. Yerü yema yatügü ga éstewa ne ĩxü̃ rü marü nüxü̃ nixugügü rü taxre ga taunecü nixĩ ga noxri nax nangóxü̃ ga gumá woramacuri.

Wiyaegü 31:13

Rü duü̃xü̃gü rü chixexü̃maxã bexma choxü̃ nixugüechamare. Rü guxü̃wama nangẽxma i ãũcümaxü̃ rü poraãcü chamuü̃. Rü duü̃xü̃gü rü wüxigu nagu narüxĩnüe nax ñuxãcü choxü̃ yama̱xgüchaü̃xü̃.

Ore i mexü̃ ga Matéu ümatüxü̃ 2:8

Rü ñu̱xũchi ga Eróde rü Beréü̃wa nanamugü ga yema yatügü ga éstewa ne ĩxü̃. Rü ñanagürü nüxü̃: —¡Ngéma pexĩ rü mea naxca̱x peyada̱u̱x i ngẽma buxü̃! ¡Rü ngẽxguma nüxü̃ ipeyangauxgu, rü chomaxã nüxü̃ pixu nax choma rü ta ngéma chaxũxü̃ca̱x, nax nüxü̃ chayarücua̱xüxü̃xü̃ca̱x i ngẽma buxü̃! —ñanagürü.

Wiyaegü 83:4

Rü nagu narüxĩnüe nax ñuxãcü nua toxü̃tawa naxĩxü̃ nax toxü̃ nada̱i̱xü̃ca̱x nax ngẽmaãcü itayarüxoxochixü̃ca̱x rü taxúema nüxü̃ cuáxü̃ca̱x i ngẽma tochixü̃aneéga i Iraé.

Wiyaegü 35:20

Rü nümagü rü tama ngüxmüeca̱x nadaugü. Natürü ngẽma naxca̱x nadaugüxü̃ nixĩ nax tümaechitawa̱xegüxü̃ ya yíxema ñaa nachixü̃anewa mexü̃gu rüxĩnüexe.

Ore i mexü̃ ga Matéu ümatüxü̃ 21:46

Rü yexguma ga yema ãẽ̱xgacügü rü Ngechuchuxü̃ niyauxgüchaü̃. Natürü taxucürüwama nayayauxgü yerü duü̃xü̃güxü̃ namuü̃e, yerü ga duü̃xü̃gü rü nayaxõgü ga aixcüma Tupanaarü orearü uruxü̃ nax yixĩxü̃ ga Ngechuchu.

Echequié 11:2

Rü yexguma ga nüma ga Cori ya Tupana rü choxü̃ ñanagürü: —Pa Yatüx, ñaagü nixĩ i ngẽma yatügü i máetagu rüxĩnüexü̃ rü chixexü̃maxã duü̃xü̃güxü̃ ixucu̱xẽgüxü̃ i daa ĩanewa.

Wiyaegü 109:13

¡Rü noxtacüma guxü̃ yue i nataagü nax ngẽmaãcü yanaxoxochixü̃ca̱x i nape̱xeégagü!