Wiyaegü 20:8 - Tupanaarü Ore

⁸ Rü ngẽma tama Cori ya Tupanaxaxü̃́ yaxõgüxü̃ rü tá nayuemare, natürü yíxema i yaxõgüxe rü tá nüxü̃ tarüporamae i ngẽma uanügü.

Wiyaegü 20:8 Referans Kwoze

Wiyaegü 125:1

Ngẽma Cori ya Tupanaaxü̃́ yaxõgüxü̃ rü yima ma̱xpǘne ya Chióü̃ ya taxúema ixũgachixẽẽnerüxü̃ nixĩgü. Rü guxü̃guma nangẽxmagüecha.

Miquéa 7:8

Pa Chorü Uanüx ¡taxṹ i cutaãxẽxü̃ nax guxchaxü̃ choxü̃ ngupetüxü̃! Erü woo ichayanguxgu, natürü wena táxarü ícharüdaama. Rü woo ẽanexü̃wa changexmagu i ñu̱xmax, rü nümatama ya Cori ya Tupana rü chorü omü nixĩ.

Ãẽ̱xgacügü ga guxchaxü̃güarü mexẽxẽruü̃gü 5:31

Pa torü Tupanax, tanaxwa̱xe nax ngẽmaãcü nayuexü̃ i guxü̃ma i curü uanügü. Natürü ngẽma cuxü̃ ngechaü̃güxü̃ rü tanaxwa̱xe nax naporaexü̃ ñoma üa̱xcü i poraemaxüchixü̃rüxü̃ —ñanagürügü. Rü yemawena rü 40 ga taunecü nataxuma ga dai ga yema naanewa.

Yochué 11:4

Rü guxü̃ma ga yema ãẽ̱xgacügü rü inaxĩãchi namaxã ga norü churaragü, rü norü cowarugü, rü naweü̃gü ga daiwa namaxã naxĩxü̃ne. Rü yema churaragü rü namuxũchi ñoma naxnücüte̱xe i márcutüwa ngẽxmacürüxü̃.

1 Chamué 17:45

Rü nüma ga Dabí nanangãxü̃ rü ñanagürü: —Cuma rü cha̱u̱xca̱x quixũ taramaxã rü wocaemaxã. Natürü i chomax rü cuxca̱x chixũ naégagu ya yimá Tupana ya Guxü̃étüwa Ngẽxmacü ya Iraéanecüã̱x i churaragüarü Tupana ya cuma norü churaragüxü̃ cuxãũxũnecü.

Norü taxre ga popera ga ãẽ̱xgacügüchiga 19:23

Rü ngẽma curü orearü ngeruü̃güwa rü chomaxã cuguxchiga rü ñacurügü: ‘Choma rü muxü̃nema ya chorü carugü ya daiwexü̃gümaxã ma̱xpǘnegüétügu chaxĩnagü ñu̱xmata yima pinunecüane ya ma̱xpǘne ya Líbanuwa ngẽxmagünewa changu. Rü chayaye ya yima ocayiwagü ya rümáchanemaegüne rü pinugü rümemaegüne. Rü Líbanuarü ma̱xpǘnegü ya rümáchanemaegünewa changu i norü naixnecü i ñoma putüraanecürüxü̃ ixĩxü̃wa.

Norü taxre ga to ga popera ga ãẽ̱xgacügüchiga ümatüxü̃ 14:10

Rü yexguma nüma ga Achá rü inaxũachi namaxã ga norü churaragü. Rü Marecháarü ngaicamawa yexmaxü̃ ga Chepátaarü doxonexü̃wa nangugü. Rü yexma nügü ininu nax yexma nügü nada̱i̱xü̃ca̱x.

Norü taxre ga to ga popera ga ãẽ̱xgacügüchiga ümatüxü̃ 14:11

Rü naxü̃pa ga nax nügü nada̱i̱xü̃ rü nüma ga Achá rü nayumüxẽ rü Tupanamaxã nidexa rü ñanagürü: —Pa torü Tupanax, namaxã tá togü tadai i ñaa muxũchixü̃ i churaragü i torü uanü ixĩgüxü̃. Rü ngẽmaca̱x curü ngü̃xẽẽca̱x ítaca erü cuxü̃́ tayaxõgü. Rü nataxuma i to i cuxrüxü̃ nüxü̃ rüngü̃xẽẽxü̃ i ngẽma rüturamaexü̃ nax ngẽma rüporamaexü̃me̱xẽwa ínanguxuchixü̃ca̱x. Rü cuma nixĩ i torü Tupana quixĩxü̃. Rü nüxü̃ tacua̱x nax taxúema cuxü̃ rüporamaexü̃ —ñanagürü ga Achá.

Édra 8:22

Yerü chorü ãne nixĩ ga ãẽ̱xgacüxü̃tawa naxca̱x íchaca̱xaxü̃ ga churaragü ga cowarugu ĩxü̃ nax torü uanügüna toxü̃ ínapoxü̃xü̃ca̱x ga namawa, yerü yexguma taxũta itaxĩãchigu rü marü ãẽ̱xgacümaxã nüxü̃ tixugü nax Tupana tüxü̃ rüngü̃xẽẽxü̃ ya yíxema naxca̱x daugüxe, natürü tüxü̃ napoxcu ya guxãma ya tama naga ĩnüexe.

Wiyaegü 33:16

Rü taxucüma ya ãẽ̱xgacü ya woo muarü churaraã́cü rü tá nügü ínapoxü̃ ega tama Tupana nüxü̃ rüngü̃xẽẽgu. Rü bai ya wüxi ya yatü ya poraxüchicü rü tá norü poramaxã nügü ínapoxü̃ ega tama Tupana naxü̃tawa ngẽxmagu.

Wiyaegü 33:17

Rü woo cowarugü i poraxüchixü̃ rü taxuacüma norü yoraxü̃ ínapoxü̃ ega tama Tupana nüxü̃ rüngü̃xẽẽgu.

Wiyaegü 124:8

Rü yimá Tupana ya daxũguxü̃ i naanearü üruxü̃ rü ñoma i naanearü üruxü̃, rü yimá nixĩ ya tüxü̃ rüngü̃xẽẽcü.

Ucu̱xẽgüchiga 21:31

Ngẽma churara rü nanamexẽxẽ i norü cowaru nax daiwa naxũxü̃ca̱x. Natürü Tupana nixĩ ya yimá pora nüxna ãcü nax norü uanügüxü̃ naporamaexü̃ca̱x.

Ochéa 14:4

Rü ñanagürü ya Cori ya Tupana: —Ngẽma duü̃xü̃gü i tama chauga ĩnüexü̃ rü tá chaugümaxã ichanangüxmüexẽxẽ. Rü tá nüxü̃ changechaü̃ama woo tamachire̱x ngẽma nixĩ i norü natanü. Erü marü choxü̃ nangupetü nax namaxã chanuxü̃.