Wiyaegü 20:7 - Tupanaarü Ore

⁷ Rü nümaxü̃ i uanügü rü norü carugümaxã nügü ínarüporae. Rü togü rü norü cowarugümaxã nügü ínarüporae. Natürü i yixema rü yimá tórü Cori ya Tupanamaxã yigü ítarüporae.

Wiyaegü 20:7 Referans Kwoze

Yeremía 17:5

Rü nüma ya Cori ya Tupana rü ñanagürü: —Choma rü poxcu tümamaxã chaxuegu ya yíxema choxna ixũgachixe rü tümarüxü̃ duü̃xü̃güna rüyoexe rü ngẽmaarü ngü̃xẽẽca̱x dauxe.

Ichaía 31:1

Wüxi i taxü̃ i ngechaü̃ nixĩ naxca̱x i ngẽma Iraétanüxü̃ i Equítuanegu ngü̃xẽẽca̱x yadaugüxü̃. Nümagü rü nagu nayaxõgü ya yima muxũchine ya Equítuanearü carugü rü muxũchixü̃ i churaragü i cowaruétügu ĩxü̃. Natürü tama naga naxĩnüechaü̃ ya yimá norü Tupana ya üünecü, rü tama norü ucu̱xẽca̱x nadaugü.

Ucu̱xẽgüchiga 21:31

Ngẽma churara rü nanamexẽxẽ i norü cowaru nax daiwa naxũxü̃ca̱x. Natürü Tupana nixĩ ya yimá pora nüxna ãcü nax norü uanügüxü̃ naporamaexü̃ca̱x.

Norü taxre ga to ga popera ga ãẽ̱xgacügüchiga ümatüxü̃ 32:8

Rü nüma i Achíriaanearü ãẽ̱xgacü rü norü churaragüna narüyoe, natürü i yixema rü taxü̃tawa nangẽxma ya Tupana. Rü nüma tá nixĩ i tüxü̃ nangü̃xẽẽxü̃ i ngẽxguma namaxã yigü idaixgu —ñanagürü ga Yudáanearü ãẽ̱xgacü ga Echequía. Rü yexguma yemaxü̃ naxĩnüegu ga duü̃xü̃gü rü nayaporaãchitanü.

Norü taxre ga to ga popera ga ãẽ̱xgacügüchiga ümatüxü̃ 14:11

Rü naxü̃pa ga nax nügü nada̱i̱xü̃ rü nüma ga Achá rü nayumüxẽ rü Tupanamaxã nidexa rü ñanagürü: —Pa torü Tupanax, namaxã tá togü tadai i ñaa muxũchixü̃ i churaragü i torü uanü ixĩgüxü̃. Rü ngẽmaca̱x curü ngü̃xẽẽca̱x ítaca erü cuxü̃́ tayaxõgü. Rü nataxuma i to i cuxrüxü̃ nüxü̃ rüngü̃xẽẽxü̃ i ngẽma rüturamaexü̃ nax ngẽma rüporamaexü̃me̱xẽwa ínanguxuchixü̃ca̱x. Rü cuma nixĩ i torü Tupana quixĩxü̃. Rü nüxü̃ tacua̱x nax taxúema cuxü̃ rüporamaexü̃ —ñanagürü ga Achá.

Wiyaegü 45:17

Rü choma rü tá nüxü̃ nüxü̃ chacua̱xẽxẽ i cuéga nax ngẽmaãcü guxü̃ma i ngẽma ngexwaca ingóetanüxü̃ i duü̃xü̃gü rü nüxü̃ nacua̱xgüxü̃ca̱x i cuéga. Rü ñu̱xũchi guxü̃ma i nachixü̃anecüã̱xgü rü guxü̃gutáma cuxna nacua̱xãchie rü cuxü̃ natachigagü.

Norü taxre ga to ga popera ga ãẽ̱xgacügüchiga ümatüxü̃ 13:16

Rü yemaacü ga yema Iraéanecüã̱xgü rü Yudáanearü churaragücha̱xwa nibuxmü, yerü ga Tupana rü Yudáanecüã̱xme̱xẽgu nanayixẽxẽ.

1 Chamué 13:5

Rü nüma ga Firitéugü rü nügü nanutaque̱xe nax nügü nada̱i̱xü̃ca̱x namaxã ga Iraéanearü churaragü. Rü nüxü̃́ nayexma ga 30,000 ga daixwexü̃ ga carugü ga cowaru itúgüne, rü 6,000 ga churaragü ga cowarugu ĩxü̃, rü ñu̱xũchi muxũchixü̃ ga churaragü ga nacutügumare ĩxü̃. Rü norü mu ga yema churaragü rü ñoma márpechinüwa ngẽxmacü ya naxnücüte̱xerüxü̃ nixĩ i norü mu. Rü guxü̃ma ga yemagü rü Mixmáwa naxĩ rü yexma napegü ga Bex-abéü̃arü éstewaama.

2 Chamué 10:18

Natürü yema Chíriaanecüã̱xgü rü Iraéanearü churaragücha̱xwa nibuxmü. Rü Dabí nanadai ga 40,000 ga churaragü ga cowaruétügu ĩxü̃, rü 700 ga churaragü ga carugümaxã icua̱xgüxü̃. Rü yexgumarüxü̃ ta Dabí nayama̱x ga Chobáx ga Chíriaanecüã̱xgüarü churaragüeru, rü yexma nayu.

2 Chamué 8:4

Rü yema daiwa rü nüma ga Dabí rü ínanayauxü̃ ga 1,700 ya churaragü ga cowarugu ĩxü̃, rü 20,000 ga churaragü ga ixĩmarexü̃. Rü nanawíü̃arü tarumametüxüã̱x ga guxü̃ma ga yema cowarugü ga caru ga dairuxü̃ itúgüxü̃. Rü guma 100 ga carue̱xpü̱xicatama ga cowarugü ínayaxüxẽxẽ.

1 Chamué 2:10

Rü nüma ya Cori ya Tupana rü tá nanadai i norü uanügü. Rü daxũguxü̃ i naanewa tá naxca̱x ne nanamu ya tagaxü̃ ga duruanexü̃. Rü nüma ya Cori ya Tupana rü tá nüxna naca i norü maxü̃chiga i guxü̃ma i duü̃xü̃gü i ñoma i naanewa maxẽxü̃. Rü tá pora nüxna naxã ya yimá ãẽ̱xgacü ya nüma nüxü̃ naxunetacü, rü tá yexeraãcü nayaporachigüxẽxẽ —ngĩgürügü.

Yox 39:11

¿Rü cuma nagu curüxĩnügu rü ngẽma nax naporaxüchixü̃ca̱x rü nüma tá yixĩxü̃ i cuxü̃́ naxüaxü̃ i ngẽma curü puracü?

Wiyaegü 28:8

Rü nüma ya Cori ya Tupana nixĩ i norü duü̃xü̃güxü̃ naporaexẽẽxü̃. Rü nüma nixĩ i nüxü̃ nangü̃xẽẽxü̃ rü ínapoxü̃ãxü̃ ya yimá ãẽ̱xgacü ya nümatama nüxü̃ naxunetacü.