Wiyaegü 20:5 - Tupanaarü Ore

⁵ Rü toma rü tá tanaxüchiga, Pa Ãẽ̱xgacüx, i ngẽxguma curü uanügüxü̃ curüporamaegu. Rü Tupanaégagu tá tórü woneragümaxã taxunagügü. ¡Rü Tupana yanguxẽxẽ i guxü̃ma i ngẽma nüxna naxca̱x cuca̱a̱xü̃!

Wiyaegü 20:5 Referans Kwoze

Ínachoxü̃xü̃chiga 17:15

Rü nüma ga Moiché rü yexma nanaxü ga wüxi ga ãmarearü guruxü̃ rü “Cori ya Tupana rü chorü cua̱xruxü̃ nixĩ”, ñaxü̃gu nanaxüéga.

Wiyaegü 60:4

Rü ñu̱xma i toma nax cuga taxĩnüexü̃ ¡rü toxca̱x inaxü i wüxi i cua̱xruxü̃ nax ngẽmawa nüxü̃ tacuáxü̃ca̱x nax aixcüma tá toxü̃ ícupoxü̃xü̃ nüxna i torü uanügüarü naxnegü!

1 Chamué 1:17

Rü yexguma ga Erí rü ngĩxü̃ nangãxü̃ rü ñanagürü: —¡Ẽcü taãẽãcü nataegu! ¡Rü nüma ya Iraéanecüã̱xgüarü Tupana rü cuxna naxã i ngẽma nüxna naxca̱x cucaxü̃! —ñanagürü.

Ichaía 61:10

Choma rü Tupanamaxã chataãxẽ. Rü aixcüma poraãcü namaxã chataãxẽ i chorü Tupana erü nüma choxü̃ ínanguxuchixẽxẽ rü pora choxna naxã nax nüxü̃ charüporamaexü̃ca̱x i chorü uanügü. Rü ñoma wüxi i ãxma̱xchaü̃xü̃rüxü̃ chamexchiruxüchi rü ñoma wüxi i ãtechaü̃xü̃rüxü̃ chaugü changa̱xãẽ.

Ichaía 25:9

Rü ngẽma ngunexü̃gu i ngẽma duü̃xü̃gü rü ñanagürügü tá: —Daa nixĩ ya tórü Tupana ya nagu yaxõgücü rü tüxü̃ ínguxü̃xẽẽcü. ¡Ngĩxã tá taãẽgü rü nüxü̃ ticua̱xüü̃gü erü nüma tüxü̃ ínanguxü̃xẽxẽ! —ñanagürügü tá.

Ore i mexü̃ ga Luca ümatüxü̃ 1:47

Rü chorü Cori ya chorü Maxẽxẽruü̃maxã chataãẽxü̃chi.

Wiyaegü 118:15

Rü ngẽma Tupanaarü duü̃xü̃gü rü napatagüwa taãẽãcüma nawiyaegü i ngẽxguma nüxü̃ naxĩnüegu nax Tupana nüxü̃ naporamaegüxẽẽxü̃ i ngẽma namaxã rüxuanüã̱xgüxü̃. Rü ñanagürügü: —Nüma ya Cori ya Tupana rü norü poramaxã tüxü̃ ínapoxü̃ nüxna i ngẽma tamaxã rüxuanüã̱xgüxü̃.

Wiyaegü 35:9

Natürü i chomax rü Cori ya Tupanamaxã tá chataãxẽ erü choxü̃ tá ínapoxü̃.

Wiyaegü 13:5

Rü choma rü chayaxõ nax aixcüma choxü̃ cungechaü̃xü̃, rü chataãxẽ erü cuma rü choxü̃ cumaxẽxẽ.

Wiyaegü 9:14

Rü ngẽxguma choxü̃ ícunguxuchixẽẽgu rü choma rü tá Yerucharéü̃arü ĩã̱xgüwa cuxü̃ chixuchiga rü cuxü̃ chicua̱xüxü̃ nape̱xewa i guxü̃ma i duü̃xü̃gü. Rü namaxã tá nüxü̃ chixu nax chataãẽxü̃ erü ngẽma yuwa choxü̃ ícunguxuchixẽxẽ.

Miquéa 4:5

Rü ngẽma togü i nachixü̃anecüã̱x i duü̃xü̃gü rü noxrütama tupanagüga naxĩnüe, natürü i yixema rü guxü̃gutáma naga taxĩnüe ya yimá tórü Cori ya Tupana.

Ichaía 11:10

Rü ngẽxguma yimá Dabítaxa ingucuchigu nax ãẽ̱xgacü yixĩxü̃ca̱x rü tá wüxi i cua̱xruxü̃ nixĩ naxca̱x i guxü̃ma i duü̃xü̃gü. Rü guxü̃ i nachixü̃anegücüã̱x rü tá naxca̱x nayadaugü rü naxca̱x nangutaque̱xegü. Rü ngẽma nachica i nawa nangẽxmaxü̃ rü tá naxüüne.

Wiyaegü 21:1

Pa Cori Pa Tupanax, curü poragagu, rü nataãẽxü̃chi ya yimá ãẽ̱xgacü. Rü aixcüma nataãxẽ erü cuma rü norü uanügüxü̃ cunaporamaexẽxẽ.

1 Chamué 17:45

Rü nüma ga Dabí nanangãxü̃ rü ñanagürü: —Cuma rü cha̱u̱xca̱x quixũ taramaxã rü wocaemaxã. Natürü i chomax rü cuxca̱x chixũ naégagu ya yimá Tupana ya Guxü̃étüwa Ngẽxmacü ya Iraéanecüã̱x i churaragüarü Tupana ya cuma norü churaragüxü̃ cuxãũxũnecü.

Wiyaegü 21:3

Rü cuma rü mea cunayaxu rü poraãcü nüxü̃ curüngü̃xẽxẽ. Rü úirunaxca̱x i nga̱xcueruxü̃ naeruwa quinga̱xcuchi.