Wiyaegü 20:3 - Tupanaarü Ore

³ ¡Rü nüma ya Cori ya Tupana cuxü̃́ nanayaxu i guxü̃ma i curü ãmaregü i nüxna cuxãxü̃, rü cuxü̃́ nanayaxu i ngẽma ãmaregü i naxca̱x ícuguxü̃!

Wiyaegü 20:3 Referans Kwoze

Wiyaegü 51:19

Rü ngẽxguma i cuma rü tá namaxã cutaãxẽ i ngẽma ãmaregü i wocagü i tá cuxca̱x daixü̃ rü cuxca̱x íguxü̃. Rü ñu̱xũchi curü ãmarearü guruü̃wa tá cuxca̱x nayagugü i wocaxacügü.

Ngechuchuarü ngúexü̃gü ga yamugüxü̃arü puracüchiga 10:4

Rü nüma ga Cornériu rü meama nüxü̃ nadawenü, rü poraãcü namuü̃ãcüma nüxna naca, rü ñanagürü: —¿Ta̱xacü cunaxwa̱xe, Pa Corix? —ñanagürü. Rü nanangãxü̃ ga yema orearü ngeruxü̃ ga daxũcüã̱x, rü ñanagürü: —Curü yumüxẽgü rü Tupana marü cuxü̃́ nüxü̃ naxĩnü, rü cumaxã nataãxẽ nax nüxü̃ curüngü̃xẽẽxü̃ i duü̃xü̃gü i ngearü diẽruã̱xgüxü̃.

Norü taxre ga to ga popera ga ãẽ̱xgacügüchiga ümatüxü̃ 7:1

Rü yexguma Charomóü̃ nüxü̃ rüchauxgu nax nayumüxẽxü̃ rü daxũguxü̃ ga naanewa narüngu ga üxüema rü yema ãmaregü ga Tupanaca̱x yéma nanaxü̃ rü yema naxü̃nagü ga Tupanaca̱x nada̱i̱xü̃étügu nangu rü nixae. Rü yema Tupanaarü üüne rü guma Tupanapata ga taxü̃ne namaxã nanapa rü yemaca̱x ga yema chacherdótegü rü taxucürüwama nagu nachocu.

Naanearü ügüchiga 4:4

Rü yexgumarüxü̃ ta ga Abé rü Tupanana nayaxã ga nüxíraxü̃xü̃ ga norü carnéruxacü ga rümemaexü̃ rü yemamaxã Tupanaxü̃ nayarücua̱xüxü̃. Rü nüma ga Cori ya Tupana rü Abémaxã rü norü ãmaremaxã nataãxẽ.

Nüxíraxü̃xü̃ ga popera ga Pedru ümatüxü̃ 2:5

Rü ngẽxgumarüxü̃ ta i pemax, rü Tupana pexü̃ nade nax napataarü nutagü ya maxẽcü pixĩgüxü̃. Rü pema nixĩ i Tupanaarü ngü̃xẽẽruü̃gü i üünexü̃ ya Ngechuchu ya Cristuégagu Tupanana ãmare pexãgüxü̃. Rü ngẽma ãmare i nüxna pexãgüxü̃ i namaxã nataãẽxü̃ rü ngẽma nixĩ i perü maxü̃.

Efesios 5:2

Rü name i pegü pengechaü̃gü yema Cristu tüxü̃ ngechaü̃xü̃rüxü̃. Rü nüma rü taxca̱x nügü inaxã rü taxca̱x nayu nax yemaacü Tupanaca̱x wüxi i ãmare i chi̱xemaxü̃ yixĩxü̃ca̱x.

Ichaía 60:7

Rü ngẽma Quedáxanecüã̱xarü carnérugü rü pexrü tá nixĩgü. Rü ngẽma Nebaióxanearü carnérugü rü pexme̱xwa tá nangẽxmagü nax ãmare i namaxã chataãẽxü̃ cha̱u̱xca̱x piguxü̃ca̱x i chorü ãmarearü guruü̃wa. Rü choma rü tá yexera chanamexẽxẽ ya chopata ya taxü̃ne.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 21:26

Rü yexma Tupanaaxü̃́ nanaxü ga ãmarearü guruxü̃ rü yéma ínanagu ga ãmaregü ga norü chixexü̃arü ütanüruxü̃ nax Tupanaxü̃ nangüxmüxẽẽxü̃ca̱x. Rü ñu̱xũchi Cori ya Tupanamaxã nidexa rü nüxü̃ naca̱a̱xü̃. Rü nüma ga Cori ya Tupana rü nanangãxü̃ rü daxũguxü̃ ga naanewa üxüema narünguxẽxẽ, rü yema ãmarearü guruxü̃étügu nangu.

Lebítanüxü̃arü puracüchiga 9:24

Rü nawa ínaxũxũ ga üxüema ga yaguxü̃ ga yema naxü̃na ga yagugüchaü̃xü̃ rü yema chíxü̃ ga ãmarearü guruü̃étügu nuxü̃. Rü yexguma yemaxü̃ nadaugügu ga Iraétanüxü̃, rü norü taãẽmaxã tagaãcü aita naxüe, rü ñu̱xũchi waixü̃müanegu nanangücuchitanü.

Wiyaegü 128:5

¡Rü Cori ya Tupana ya Chióü̃gu ãpatacü cuxü̃ rüngü̃xẽxẽ! ¡Rü Tupana cuxü̃ rüngü̃xẽxẽ nax guxü̃ma i curü maxü̃gu nüxü̃ cudauxü̃ nax ñuxãcü nüma ya Tupana Yerucharéü̃xü̃ nangü̃xẽxẽxü̃!

Wiyaegü 134:3

¡Rü nüma ya Cori ya Tupana ya daxũguxü̃ i naane rü ñoma i naanearü üruxü̃, rü yima ma̱xpǘne ya Chióü̃wa cuxca̱x ne nanamu i norü ngü̃xẽxẽ!