Wiyaegü 2:2 - Tupanaarü Ore

² Rü ñoma i naanecüã̱x i nachixü̃anegüarü ãẽ̱xgacügü rü Tupanamaxã rü yimá ãẽ̱xgacü ya nüma yangucuchixẽẽcümaxã nanue, rü wüxigu nagu narüxĩnüe nax ñuxãcü yimáxü̃ ínata̱xüchigüxü̃.

Wiyaegü 2:2 Referans Kwoze

Ore i mexü̃ ga Matéu ümatüxü̃ 26:59

Rü yema chacherdótegüarü ãẽ̱xgacügü rü guxü̃ma ga Yudíugüarü ãẽ̱xgacügü rü naxca̱x nadaugü ga wüxi ga ore ga doramare ixĩxü̃ nax yemamaxã Ngechuchuxü̃ ínaxuaxü̃güxü̃ca̱x nax yama̱xgüãxü̃ca̱x.

Ore i mexü̃ ga Matéu ümatüxü̃ 27:1

Rü yexguma yangunegu rü guxü̃ma ga chacherdótegüarü ãẽ̱xgacügü rü Yudíugüarü ãẽ̱xgacügü, rü nügümaxã nanamexẽẽgü nax ñuxãcü Ngechuchuxü̃ yama̱xgüxü̃.

Wiyaegü 45:7

Rü cumax, Pa Ãẽ̱xgacüx, namaxã cutaãxẽ i ngẽma mexü̃ ixĩxü̃, natürü naxchi cuxai i ngẽma chixexü̃. Rü yemaca̱x nixĩ ga Tupana chixü̃ ga paacaxü̃maxã cuxü̃ nabaeruxü̃ rü cuxü̃ naxunetaxü̃ nax cumücügüarü yexera taãxẽ cuxü̃́ ngẽxmaxü̃ca̱x.

Ngechuchuarü ngúexü̃gü ga yamugüxü̃arü puracüchiga 10:38

Rü pema nüxü̃ pecua̱x nax Tupana naporaxẽẽxü̃ ga Ngechuchu ya Nacharétucüã̱x rü nüxna namuaxü̃ ga Naãxẽ ya Üünecü. Rü nüma ga Ngechuchu rü mexü̃ naxü ga yema íyaxũgüxü̃wa, rü nanameexẽxẽ ga guxü̃ma ga yema ngo̱xome̱xẽwa yexmagüxü̃, yerü Tupana nüxü̃ narüngü̃xẽxẽ.

Ucu̱xẽgüchiga 21:30

Tupanape̱xewa rü nataxuma i duü̃xü̃arü cua̱x i mexü̃, rü tataxuma ya texé ya nüxü̃ cuáxe, rü nataxuma i ĩnü i aixcüma mexü̃.

Ore i mexü̃ ga Cuáü̃ ümatüxü̃ 1:41

Rü yexgumatama ga André, rü naenexẽ ga Chimóü̃ca̱x nayadau. Rü ñanagürü nüxü̃: —Rü marü nüxü̃ itayangau ya yimá nũxcüma Tupana nüxü̃ unetacü ga Cristu —ñanagürü.

Wiyaegü 74:23

¡Rü taxṹ i cunangexrüxü̃ i norü guchigagü i ngẽma curü uanügü! Erü wüxichigü i ngunexü̃gu rü niyexerachigü i ngẽma norü dexa i chixexü̃.

Wiyaegü 48:4

Rü ñoma i naanecüã̱x i nachixü̃anegüarü ãẽ̱xgacügü rü nügümaxã nangutaque̱xegü rü wüxigu yima ĩaneca̱x ínayachoõchi.

Wiyaegü 2:10

Rü ngẽmaca̱x i pemax, Pa Nachixü̃anegüarü Ãẽ̱xgacügüx, rü pemax Pa Ãẽ̱xgacügü i Ñoma i Naanewa Duü̃xü̃gümaxã Ipecua̱xgüxü̃x ¡rü iperüxĩnüe i ñaa ucu̱xẽ rü naga pexĩnüe i ñaa pemaxã nüxü̃ chixuxü̃!

Ore i mexü̃ ga Cuáü̃ ümatüxü̃ 3:34

Rü yimá Tupana núma namucü, rü Tupanaarü orexü̃ nixu. Erü Tupana rü nüxna nanamu i Naãxẽ ya Üünexü̃ nax guxü̃guma naxü̃tawa nangẽxmaxü̃ca̱x.

Wiyaegü 89:20

Rü nüma nixĩ ya yimá chorü duü̃ ya Dabí. Rü yexguma chorü chíxü̃ i üünexü̃maxã chanabaerugu, rü nüxü̃ chaxuneta nax chorü duü̃xü̃güarü ãẽ̱xgacü yixĩxü̃ca̱x.

Wiyaegü 74:18

Pa Corix ¡taxṹ i nüxü̃ icurüngümaxü̃ i ñuxãcü ngẽma curü uanüã̱xgü cumaxã chixexü̃ yaxugüexü̃! ¡Rü dücax i ngẽma duü̃xü̃gü i tama naãẽxü̃ cua̱xgüxü̃ rü ñuxãcü chixri cuchiga nidexagü!

Ínachoxü̃xü̃chiga 16:7

Rü moxü̃ pa̱xmama tá nüxü̃ pedau i Cori ya Tupanaarü pora i tá pexü̃ nawéxü̃, erü nüma rü nüxü̃ naxĩnü nax chixri nüxü̃ pixugüechaü̃. ¿Ta̱xacüca̱x tomaxã chixri pidexagü? Erü tomagü rü taxuxü̃ma tixĩgü —ñanagürügü.

Popera ga Yudíugü ga yaxõgüxü̃ca̱x ümatüxü̃ 1:9

Rü cuma rü nüxü̃ cungechaü̃ i ngẽma mexü̃, rü naxchi cuxai i ngẽma chixexü̃. Rü ngẽmaca̱x i choma nax Cunatü ya Tupana chixĩxü̃ rü guxãétüwa cuxü̃ changexmaxẽxẽ rü guxü̃ i cumücügüarü yexera cuxü̃ chataãẽxẽxẽ”, ñanagürü.

Ore i mexü̃ ga Cuáü̃ ümatüxü̃ 15:23

Rü guxü̃ma i chauxchi aiexü̃ rü Chaunatüchi rü ta naxaie.

Ore i mexü̃ ga Luca ümatüxü̃ 13:31

Rü yematama ngunexü̃gu rü Ngechuchuxü̃tawa nangugü ga ñuxre ga Parichéugü. Rü ñanagürügü Ngechuchuxü̃: —¡Íixũ i nua! Erü ãẽ̱xgacü ya Eróde rü cuxü̃ nimáchaü̃ —ñanagürügü.

Ore i mexü̃ ga Matéu ümatüxü̃ 2:16

Rü yexguma ãẽ̱xgacü ga Eróde nüxü̃ cua̱xgu ga to ga namagu nax nawoeguxü̃ ga yema yatügü ga nüxü̃ cua̱xüchigüxü̃ ga éstewa ne ĩxü̃, rü poraãcü nanu. Rü Beréü̃wa nanamugü ga norü churaragü nax guxü̃ ga yema naanewa tüxü̃ nada̱i̱xü̃ca̱x ga guxãma ga guxema buxegü ga iyatüxe ga yexwaca̱x buexe rü ñu̱xmata taxre ga taunecü tüxü̃́ yexmagüxewa nangu. Yerü yema yatügü ga éstewa ne ĩxü̃ rü marü nüxü̃ nixugügü rü taxre ga taunecü nixĩ ga noxri nax nangóxü̃ ga gumá woramacuri.

Ichaía 61:1

Tupanaãxẽ i Üünexü̃ rü chowa nangẽxma, erü Tupana rü choxü̃ naxuneta rü choxü̃ inamuãchi nax yíxema ngearü diẽruã̱xgüxemaxã nüxü̃ chixuxü̃ca̱x i mexü̃ i ore rü tüxü̃ chataãẽxẽẽgüxü̃ca̱x ya yíxema naxĩ̱xãchiãẽgüxe. Rü choxü̃ naxuneta nax yíxema to i nachixü̃anewa gagüxemaxã nüxü̃ chixuxü̃ca̱x nax paxa tá ítanguxü̃xü̃ rü yíxema poxcupataxü̃wa ngẽxmagüxe rü tá ta ítanguxü̃xü̃

Wiyaegü 110:5

Rü nüma ya Tupana rü curü tügünecüwawa nangẽxma nax cuxü̃ ínapoxü̃xü̃ca̱x. Rü ngẽma ngunexü̃ i nagu nanuxü̃gu rü tá nanadai i muxü̃ma i ãẽ̱xgacügü.

Ngechuchuarü ngúexü̃gü ga yamugüxü̃arü puracüchiga 9:4

Rü ñaxtüanegu nayangu ga Chauru, rü nüxü̃ naxĩnü ga wüxi ga naga ga nüxna cagüxü̃ ga ñaxü̃: —Pa Chaurux, Pa Chaurux, ¿tü̱xcüü̃ chowe quingẽchigü? —ñaxü̃.

Ore i mexü̃ ga Matéu ümatüxü̃ 26:3

Rü yema ngunexü̃gügu rü chacherdótegüarü ãẽ̱xgacü ga Caipápatawa nangutaque̱xegü ga norü ngü̃xẽẽruü̃gü ga chacherdótegü, rü yema ngúexẽẽruü̃gü ga mugüwa ngu̱xẽẽtaegüxü̃, rü Yudíugüarü ãẽ̱xgacügü.

Wiyaegü 48:5

Natürü yexguma yima ĩanexü̃ nadaugügu rü nañu̱xãẽgü rü nibuxmü.

Wiyaegü 83:6

Rü ngẽmaãcü toxca̱x ínayaxüãchichaü̃ i ngẽma Edóü̃anecüã̱xgü, rü Ismaétanüxü̃ ga Agátaagü, rü Moátanüxü̃, rü Guebátanüxü̃, rü Amóü̃tanüxü̃ rü Amaréxtanüxü̃ rü Firitéucüã̱xgü, rü Tírucüã̱xgü.