Wiyaegü 2:1 - Tupanaarü Ore

¹ ¿Ta̱xacüca̱x nügümaxã nanue i ñoma i naanecüã̱x i duü̃xü̃gü i tama Tupanaxü̃ cua̱xgüxü̃? ¿Rü tü̱xcüü̃ i nügümaxã nagu narüxĩnüe i ta̱xacü i taxuwama mexü̃?

Wiyaegü 2:1 Referans Kwoze

Yema Cuáü̃ nüxü̃ dauxü̃ i yixcüra tá ngupetüxü̃chiga 17:14

Rü ñu̱xũchi i ngẽma ãẽ̱xgacügü rü ngẽma ngo̱xo rü tá nügü nadai namaxã ya yimá Carnéruxacü. Natürü ya yimá Carnéruxacü rü tá nüxü̃ narüyexera, erü nüma rü guxü̃ i corigüarü Cori nixĩ, rü guxü̃ i nachixü̃anegüarü ãẽ̱xgacügüarü Ãẽ̱xgacü nixĩ. Rü yíxema namücügü ixĩgüxe, rü yíxemagü tixĩgü ya Tupana tümaca̱x caxe rü tüxü̃ nadexe rü naga ĩnüexe”, ñanagürü choxü̃.

Wiyaegü 46:6

Rü ngẽma nachixü̃anegü rü nügümaxã nanue rü nügü naxãxũnegü. Natürü ngẽxguma Tupana idexagu rü ngẽma ãẽ̱xgacügü rü nidu̱xrue rü ngẽma waixü̃mü rü inachaxichi.

Wiyaegü 21:11

Erü ngẽma curü uanügü rü nagu narüxĩnüe nax chixexü̃gu cuxü̃ nagu̱xẽẽgüxü̃ca̱x, natürü taxũtáma mea nüxü̃́ ínanguxuchi i ngẽma nagu naxĩnüexü̃.

Ore i mexü̃ ga Matéu ümatüxü̃ 21:38

Natürü yexguma yema cori nanexü̃ nadaugügu ga yema puracütanüxü̃, rü nügümaxã ñanagürügü: “Ngẽmaarü tá nixĩ i ñaa naane i yixcama. ¡Rü ngĩxã tayama̱xgü nax tóxrü yixĩxü̃ca̱x!” ñanagürügü.

Ichaía 8:9

¡Pa Nachixü̃anegü i Yáxü̃wa Ngẽxmagüxü̃, iperüxĩnüe i ñaa ore! Rü woo aixta pexüegu nax daiwa pexĩxü̃ca̱x, rü tá pexchama pedai. Rü woo pegü pemexẽẽgügu nax daiwa pexĩxü̃ca̱x, rü tá pexchama peyue. Rü woo pegü pemexẽẽgügu nax daiwa pexĩxü̃ca̱x, rü tá pexchama íxraxü̃gu pepoü̃gü.

Wiyaegü 18:42

Rü chanapuxãchixẽẽgü rü ñu̱xmata ñoma ãte̱xeanexü̃ i buanecü cuexü̃rüxü̃ yixĩgü. Rü nagu chipúgügü ñoma namaarü ãcharaxü̃gu ipugüxü̃rüxü̃.

Ngechuchuarü ngúexü̃gü ga yamugüxü̃arü puracüchiga 5:33

Rü yexguma yemaxü̃ naxĩnüegu ga yema ãẽ̱xgacügü, rü poraãcüxüchima nanue, rü nanadaixchaü̃.

Ore i mexü̃ ga Luca ümatüxü̃ 18:32

Rü Yerucharéü̃cüã̱x rü to i nachixü̃anecüã̱x i duü̃xü̃güna tá nanamugü. Rü ngẽma duü̃xü̃gü rü tá nagu nidauxcüraxü̃gü, rü tá namaxã naguxchigagü, rü tá nachiwewa nacua̱i̱xgü.

Ngechuchuarü ngúexü̃gü ga yamugüxü̃arü puracüchiga 16:22

Rü yexguma ga yema ĩanecüã̱x rü nanue, rü Pauruna rü Chírana nayu̱xgu. Rü yema ãẽ̱xgacügü nanamu nax ínacuxü̃ãxü̃ca̱x rü naixmena̱xãmaxã yacua̱i̱xgüãxü̃ca̱x.

Ore i mexü̃ ga Luca ümatüxü̃ 22:5

Rü nümagü ga yema ãẽ̱xgacügü rü nataãẽgü. Rü diẽru Yúdana ngĩxü̃ naxuaxü̃gü.

Wiyaegü 46:7

Rü nüma ya Cori ya Tupana ya Guxãétüwa Ngẽxmacü rü tatanüwa nangẽxma. Rü yimá Acóbuarü Tupana nixĩ ya tórü poxü̃ruxü̃ ixĩcü.

Wiyaegü 57:9

Pa Cori Pa Tupanax, chautanüxü̃pe̱xewa tá cuxü̃ chicua̱xüxü̃. Rü chorü wiyaegümaxã tá cuxü̃ chicua̱xüxü̃ natanüwa i ngẽma togü i nachixü̃anecüã̱x i duü̃xü̃gü.

Wiyaegü 74:23

¡Rü taxṹ i cunangexrüxü̃ i norü guchigagü i ngẽma curü uanügü! Erü wüxichigü i ngunexü̃gu rü niyexerachigü i ngẽma norü dexa i chixexü̃.

Wiyaegü 83:3

Rü nüma rü meama nanangugügü rü naxca̱x nadaugü nax ñuxãcü tá curü duü̃xü̃gü i cumatama ícupoxü̃xü̃xü̃ naporamaegüxü̃.