Wiyaegü 19:8 - Tupanaarü Ore

⁸ Rü Cori ya Tupanaarü ucu̱xẽgü rü aixcüma niwe̱x, rü taãxẽ tüxna naxã. Rü Cori ya Tupanaarü mugü rü taxuwama nachixe, rü cua̱x tüxna naxã.

Wiyaegü 19:8 Referans Kwoze

Wiyaegü 12:6

Rü ngẽma Cori ya Tupanaarü ore rü aixcüma nixĩ. Rü norü unetagü rü ñoma diẽrumü i 7 e̱xpü̱xcüna ornuwa iguxü̃rüxü̃ nixĩ nax nataxuxü̃ma i norü ãũãchixü̃.

Wiyaegü 119:105

Rü ngẽma curü ore rü cha̱u̱xca̱x rü ñoma wüxi i omürüxü̃ nixĩ rü choxü̃ nibáixmaxü̃.

Yeremía 15:16

Rü yexguma chomaxã quidexagu rü choma rü chanayaxu ga curü ore. Rü yema curü ore nixĩ ga choxü̃ poraxẽẽxü̃ rü choxü̃ taãẽxẽẽxü̃ erü curü duü̃xü̃ chixĩ, Pa Corix, Pa Tupana ya Guxü̃étüwa Ngẽxmacüx.

Ucu̱xẽgüchiga 30:5

Nüma ya Cori ya Tupana rü tüxü̃ ínapoxü̃ ya yíxema nüxü̃́ yaxõgüxe. Rü guxü̃ma i norü unetagü rü aixcüma nixĩ, rü name nax nüxna rüyoexü̃.

Wiyaegü 119:128

Rü ngẽmaca̱x nixĩ i mea naga chaxĩnüxü̃ i curü mugü rü nüxü̃ chaxo i guxü̃ma i nacüma i chixexü̃gü. -17-

Ucu̱xẽgüchiga 2:6

Erü nüma ya Cori ya Tupana nixĩ i cua̱x tüxna ãcü, rü naã̱xwa nixĩ i íyachoxü̃tanücüüxü̃ i guxü̃ma i cua̱x.

Wiyaegü 119:92

Rü ngẽxguma chi ngẽma curü mugü taxũchima taãxẽ choxna ãxgu, rü chi chorü ngechaü̃maxã chayu.

Wiyaegü 119:80

¡Rü choxü̃ rüngü̃xẽxẽ nax mea chayanguxẽẽxü̃ca̱x i curü mugü nax taxuca̱xma chaxãnexü̃ca̱x! -11-

Ucu̱xẽgüchiga 6:23

Ngẽma mugü rü ngu̱xẽẽtaegü rü ñoma wüxi i omü i naixü̃rüxü̃ tá cuxca̱x nanangóonexẽxẽ. Rü ngẽma ucu̱xẽgü rü tá cuxü̃ inayarüwe̱xãchixẽxẽ nax nawe̱xguxü̃ca̱x i curü maxü̃.

Romanos 7:22

Choma rü chauãẽwa rü chorü me nixĩ i Tupanaarü mugü, rü naga chaxĩnüchaü̃.

Gálatas 2:19

Yerü yexguma yema mugüwa changu̱xgu, rü düxwa nüxü̃ chicua̱xãchi nax tama yanguxü̃ ga yema mugü nax choxü̃ namexẽẽxü̃ Tupanape̱xewa. Rü ngẽmaca̱x i ñu̱xma rü Cristuaxü̃́ chayaxõ nax Tupanape̱xewa chamexü̃ca̱x rü naxca̱xicatama chamaxü̃xü̃ca̱x. Rü Cristu rü curuchagu nayu nax iyanaxoxü̃ca̱x ga nũxcümaü̃xü̃ ga chorü maxü̃ ga choxü̃́ yexmaxü̃ ga yexguma yema mugügu chixũxgu.

Romanos 3:20

Rü ñu̱xma nax taxúema aixcüma naga ĩnüexü̃ i ngẽma mugü, rü ngẽmaca̱x taxucürüwama texé tügü tixu nax ngẽma mugü taxaurexü̃gagu Tupanape̱xewa tamexü̃. Erü ngẽma mugü tüxü̃ nüxü̃ cua̱xẽẽxü̃ nixĩ nax ipecaduã̱xgüxü̃.

Romanos 7:7

¿Rü ñuxũ ñagüxü̃ tá i ñu̱xmax? ¿Rü pexca̱x rü pecadu yixĩxü̃ i ngẽma mugü? Dücax, tama pecadu nixĩ. Natürü yexguma chi yema mugü taxũchima choxü̃ nüxü̃ cua̱xẽẽgu nax ta̱xacü yixĩxü̃ i pecadu, rü taxũchima nüxü̃ chacua̱x i pecadu. Rü yexguma chi yema mugü rü taxũchima choxü̃ nüxü̃ cua̱xẽẽgu nax wüxi i pecadu yixĩxü̃ nax toguã̱xarü ngẽmaxü̃ choxü̃́ ngúchaü̃xü̃, rü taxũchima nüxü̃ chacua̱x nax pecadu yixĩxü̃ i ngẽma.

Wiyaegü 119:16

Rü curü mugümaxã tá chataãxẽ, rü tagutáma nüxü̃ icharüngüma i curü ore. -3-

Wiyaegü 119:14

Rü muxü̃ma i ngẽmaxü̃güarü yexera rü curü mugümaxã chataãxẽ.

Echequié 36:27

Rü pewa tá chanamaxẽxẽ ya Chauãxẽ ya Üünecü nax ngẽmaãcü mea peyanguxẽẽxü̃ca̱x i chorü mugü.

Wiyaegü 119:171

¡Rü choxü̃́ natauxchaxẽxẽ nax cuxü̃ chicua̱xüxü̃! Erü cumatama nixĩ i choxü̃ cungu̱xẽẽxü̃ i ngẽma curü mugü.

Wiyaegü 119:143

Rü yexguma taxü̃ ga guxchaxü̃wa chayexmagu, rü curü mugü choxü̃ nataãẽxẽxẽ.

Wiyaegü 119:130

Rü ngẽxguma texé curü orexü̃ ixuxgu rü nango̱xẽẽgu rü yíxema nüxü̃ ĩnüexe rü tümaãẽxü̃ tüxü̃ nacua̱xẽxẽ woo taxuxü̃ma cuáxe tixĩgügu.

Wiyaegü 119:121

Rü taguma nüxü̃ icharüchau nax chanaxüxü̃ i ngẽma cupe̱xewa aixcüma mexü̃. Rü ngẽmaca̱x tama chanaxwa̱xe i choxü̃ ícuta̱x nax naxme̱xgu changuxü̃ca̱x i ngẽma choxü̃ chixexẽẽgüchaü̃xü̃.

Wiyaegü 119:40

Rü ngẽmaca̱x choxü̃́ nangúchaü̃. ¡Rü choxü̃ namaxẽxẽ! Erü cuma rü quixaixcümaxü̃chi. -6-

Wiyaegü 119:12

Cumexẽchi i cumax, Pa Cori Pa Tupanax. ¡Rü choxü̃ nangu̱xẽxẽ i curü mugü!

Wiyaegü 105:45

Rü yemaacü Tupana nüxü̃ narüngü̃xẽxẽ ga yema duü̃xü̃gü yerü nanaxwa̱xe nax nagu namaxẽxü̃ ga norü mugü rü nagu naxĩxü̃ ga norü ngu̱xẽẽtae ga nüma namaxã nüxü̃ yaxuxü̃. Rü name i Cori ya Tupanaxü̃ ticua̱xüü̃gü.

Wiyaegü 40:8

Rü chomax, Pa Chorü Tupanax, rü namaxã chataãxẽ nax curü ngúchaü̃ chaxüxü̃. Rü chauãẽgu namaxã changuxü̃ i ngẽma curü ngu̱xẽẽtae.

Wiyaegü 13:3

Pa Cori Pa Chorü Tupanax ¡choxü̃ nadawenü rü choxü̃ nangãxü̃ rü cua̱x choxna naxã! Erü tama chanaxwa̱xe nax nagu changuxü̃ i ngẽma yu.

Gálatas 3:21

¿Rü ñuxũ ñapegüxü̃ i ñu̱xmax? ¿Pexca̱x ẽ̱xna rü yema Moiché ümatüxü̃ ga mugü rü inayanaxoxẽxẽ i Tupanaarü unetagü? Rü dücax, tama ngẽmaãcü nixĩ. Yerü yexguma chi naporagu ga yema mugü nax tüxna naxããxü̃ i maxü̃ i taguma gúxü̃, rü chi Tupanape̱xewa time i ngẽxguma meama yanguxẽẽgu i ngẽma mugü.

Ichaía 64:5

Rü cuma rü tüxü̃ cuyaxu ya yíxema tümaarü taãẽmaxã mexü̃ üxe rü nüxna cua̱xãchixe nax tanaxüxü̃ i ngẽma cuma cunaxwa̱xexü̃. Natürü i ñu̱xma rü tomaxã cunu erü cupe̱xewa chixexü̃ taxügü rü nũxcümacürüwatama tama cuga taxĩnüe.

Wiyaegü 119:54

Rü ñoma i naanewa nax paxaãchi chamaxü̃xü̃gu, rü ngẽma curü mugü nixĩ i chorü wiyae ixĩxü̃, erü choxü̃ nataãẽxẽxẽ.

Wiyaegü 119:24

Erü ngẽma curü mugü rü chorü taãẽxẽẽruxü̃ nixĩgü. Rü chorü ucu̱xẽruxü̃ nixĩgü. -4-

Neemía 9:13

Yemawena rü ma̱xpǘne ga Chinaígu ícurüxĩ, rü yéma daxũguxü̃ ga naanewa namaxã quidexa, rü yéma cunana ga mugü ga aixcüma mexü̃, rü ngu̱xẽẽtaegü ga aixcüma ixĩxü̃ rü ucu̱xẽgü ga mexü̃.

Neemía 8:12

Rü yexguma ga nüma ga guxü̃ma ga duü̃xü̃gü rü chibüwa rü axewa naxĩ rü namücügümaxã nangaugü ga norü õnagü. Rü yemaacü nanaxüchigagü ga yema ngunexü̃, yerü nüxü̃ nicua̱xãchitanü ga yema Édra nangúexẽẽxü̃.

Wenaxarü naxümatü ga Tupanaarü mugü 16:14

Rü ngẽma petagu rü tá petaãẽgü namaxã i pexacügü, rü perü mugüruü̃gü, rü Lebítanüxü̃, rü ngẽma duü̃xü̃gü i to i nachixü̃anecüã̱xgü, rü taxcutagü rü yutegüxe i perü ĩanegüwa ngẽxmagüxe.

Wenaxarü naxümatü ga Tupanaarü mugü 16:11

Rü Tupanape̱xewa tá penaxü i ngẽma peta nawa i ngẽma nachica ya Tupana nüxü̃ unetaxü̃ nax nawa nangẽxmaxü̃. Rü ngẽma petawa rü name nax ngéma penagagüxü̃ i guxü̃ma i pexacügü rü perü mugüruü̃gü. Rü ngẽxgumarüxü̃ ta name nax nüxna pexuxü̃ i ngẽma Lebítanüxü̃ rü ngẽma to i nachixü̃anecüã̱x i petanüwa ngẽxmagüxü̃. Rü ñu̱xũchi name nax tüxna pexuxü̃ ya yíxema taxcutagü rü yutegüxe i perü ĩanewa ngẽxmagüxe.

Norü taxre ga popera ga ãẽ̱xgacügüchiga 17:37

¡Rü ngẽxgumarüxü̃ ta mea peyanguxẽẽ̱x i ngẽma mugü rü ucu̱xẽgü rü ngu̱xẽẽtaegü ga pexca̱x chaxümatüxü̃! Rü tama name i ta̱xacürü tupananetagüca̱x pengutaque̱xegü nax nüxü̃ picua̱xüü̃güxü̃ca̱x.

Wiyaegü 93:5

Pa Corix, ngẽma curü mugü rü taguma naxüchicüü rü taguma inarüxo. Rü ngẽma curü üüne rü guxü̃guma yima cupata namaxã nanga̱xãẽ.

Wiyaegü 111:7

Rü guxü̃ma i ngẽma nüma naxüxü̃ rü name rü aixcüma niwe̱x i norü mugü. Rü ngẽmaca̱x name nax nagu yaxõxü̃.