Wiyaegü 19:7 - Tupanaarü Ore

⁷ Rü Cori ya Tupanaarü ore rü aixcüma nawe̱xgu rü ngexwaca̱xü̃xü̃ i pora tüxna naxã. Rü Cori ya Tupanaarü mugü rü aixcümaxü̃ nixu rü cua̱xwa nananguxẽxẽ ya yimá yatü ya ímemarecü nax nayauxãxü̃ i ucu̱xẽgü.

Wiyaegü 19:7 Referans Kwoze

Wiyaegü 119:130

Rü ngẽxguma texé curü orexü̃ ixuxgu rü nango̱xẽẽgu rü yíxema nüxü̃ ĩnüexe rü tümaãẽxü̃ tüxü̃ nacua̱xẽxẽ woo taxuxü̃ma cuáxe tixĩgügu.

Wiyaegü 111:7

Rü guxü̃ma i ngẽma nüma naxüxü̃ rü name rü aixcüma niwe̱x i norü mugü. Rü ngẽmaca̱x name nax nagu yaxõxü̃.

Colosenses 3:16

Rü name nixĩ i guxü̃guma peãẽwa nangẽxma i Cristuarü ore i taãxẽ pexna ãxü̃. Rü name nixĩ i nüxü̃ pecuáãcüma ngẽma oremaxã pegü pengúexẽxẽ rü pegü pixucu̱xẽgü. Rü name nixĩ i Tupanana moxẽ pexãgüãcüma nagu pewiyaegü i naguxü̃raü̃xü̃ i norü wiyaegü.

Ucu̱xẽgüchiga 1:4

Ñaa ucu̱xẽgü rü naxca̱x nixĩ i ngẽma ngextü̱xücügü i taxũta cua̱xwa ngugüxü̃, rü nüma ya ãẽ̱xgacü nanaxwa̱xe nax ñaa ucu̱xẽgüwa nangúexü̃ nax ngẽmaãcü aixcüma cua̱xwa nangugüxü̃ca̱x.

Wiyaegü 23:3

Rü ngẽxguma chaturagu, choxü̃ naporaxẽxẽ rü mexü̃ i namawa choxü̃ naga. Rü ngẽmaãcü choxü̃ nanawe̱x nax namecümaxü̃ rü choxü̃ nangechaü̃xü̃.

Wiyaegü 119:105

Rü ngẽma curü ore rü cha̱u̱xca̱x rü ñoma wüxi i omürüxü̃ nixĩ rü choxü̃ nibáixmaxü̃.

Wenaxarü naxümatü ga Tupanaarü mugü 32:4

Rü nüma nixĩ i torü dauruxü̃ nax yixĩxü̃. Rü guxü̃ma i ta̱xacü i naxüxü̃ rü meama nawe̱xgu. Rü guxü̃ma i nüxü̃ yaxuxü̃ rü aixcüma nixĩ. Rü nüma rü Tupana ya ixaixcümacü nixĩ. Rü nawa rü nataxuma i ta̱xacü i dora ixĩxü̃, erü nüma rü ixaixcümacü nixĩ!

Norü taxre ga popera ga Timutéuca̱x naxümatüxü̃ ga Pauru 2:19

Natürü Tupanaarü ore rü taguma inayarüxo rü taguma naxüchicüü. Rü ngẽma norü orewa rü ñanagürü: “Tórü Cori ya Tupana nüxü̃ nacua̱x i texé tixĩ ya norü duü̃xü̃gü ixĩgüxe. Rü guxãma ya yíxema nüxü̃ ixuxe nax Ngechuchu ya Cristu rü tümaarü Cori yixĩxü̃, rü name nixĩ i nüxna tixĩgachi i guxü̃ma i chixexü̃”, ñanagürü i ngẽma norü orewa.

Wiyaegü 93:5

Pa Corix, ngẽma curü mugü rü taguma naxüchicüü rü taguma inarüxo. Rü ngẽma curü üüne rü guxü̃guma yima cupata namaxã nanga̱xãẽ.

Norü taxre ga popera ga Timutéuca̱x naxümatüxü̃ ga Pauru 1:8

Rü tama chanaxwa̱xe nax cuxãnexü̃ nax nüxü̃ quixuxü̃ i tórü Corichiga. Rü ngẽxgumarüxü̃ ta tama chanaxwa̱xe nax cha̱u̱xca̱x cuxãnexü̃ i ñu̱xma nax chapoxcuxü̃ naxca̱x i Tupanaarü ore. Rü name nixĩ i yáxna namaxã cuxĩnü i ngẽma ngúxü̃ i cuxca̱x ínguxü̃ nagagu i ngẽma ore i mexü̃ i nüxü̃ quixuxü̃. Rü Tupana tá cuxü̃ naporaxẽxẽ.

Ichaía 8:20

Rü ngẽmaãcü tá tanayaxu i wüxi i ucu̱xẽ rüe̱xna wüxi i ore i tüxü̃́ mexü̃ —ñanagürügü tá. Natürü woo ngẽma ñaxgu pexü̃, ¡rü taxṹ i naga pexĩnüexü̃ i ngẽma pemaxã nüxü̃ yaxuxü̃! Erü ngẽma nagu naxĩnüxü̃ rü wüxi i doramare nixĩ.

Popera ga Chantiágu ümatüxü̃ 1:17

Erü guxü̃ma i ngẽma aixcüma mexü̃ i tüxna naxãxü̃, rü naxü̃tawa ne naxũ ya Tupana ya daxũgucü ga naxücü ga üa̱xcü rü tauemacü rü woramacurigü rü ẽxtagü. Rü nüma rü guxü̃guma nanaxa̱i̱xrügumaraxü̃ rü taguma naxüchicüü.

Romanos 15:4

Rü guxü̃ma ga yema nũxcüma ümatüxü̃ ga Tupanaarü orewa, rü naxümatü nax tüxü̃ nangu̱xẽẽxü̃ca̱x nax taguma nüxü̃ rüxoexü̃ ega woo ta̱xacürü guxchaxü̃ taxca̱x ínguxgu. Rü yema Tupanaarü ore rü naxümatü nax tüxü̃ nataãẽxẽẽxü̃ca̱x rü tüxü̃ nüxü̃ nacua̱xẽẽxü̃ca̱x nax aixcüma Tupanaarü ixĩgüxü̃.

Wiyaegü 119:111

Rü ngẽma curü mugü nixĩ i chorü ãmare i guxü̃guca̱x ixĩxü̃. Erü ngẽmagü nixĩ i taãxẽ choxna ãxü̃.

Yochué 1:8

¡Rü guxü̃gutáma nawa cungu̱x i ngẽma nüxü̃ chixuxü̃ i chorü mugüpanewa! Rü name nixĩ i cuma rü chütacü rü ngunecü rü nagu curüxĩnü i ngẽma chorü ore nax ngẽmaãcü mea cunaxüxü̃ca̱x i ngẽma cumaxã nüxü̃ chixuxü̃, rü mea cuxü̃́ ínanguxuchixü̃ca̱x i guxü̃ma i ta̱xacü ícuxüxü̃wa.

Ngechuchuarü ngúexü̃gü ga yamugüxü̃arü puracüchiga 10:43

Rü guxü̃ma ga yema nũxcümaü̃güxü̃ ga Tupanaarü orearü uruü̃gü rü Ngechuchuchigaxü̃ nixugü nax yíxema nüxü̃́ yaxõgüxe rü Tupana tá tüxü̃́ nüxü̃ irüngümaxẽ i tümaarü pecadugü —ñanagürügü.

Wiyaegü 119:72

Rü ngẽma curü ucu̱xẽgü i choxna cuxãxü̃, rü cha̱u̱xca̱x rü muxü̃ma i úiru rü diẽruarü yexera narümemaexü̃chi. -10-

Wiyaegü 18:30

Rü ngẽma Tupanaarü ĩnü rü guxü̃wama name. Rü ngẽma norü uneta rü name nax yaxõxü̃. Rü nüma ya Tupana rü tüxna nadau ya yíxema nüxü̃́ yaxõgüxe.

Yox 23:12

Rü guxü̃guma mea chayanguxẽxẽ i norü mugü rü norü ucu̱xẽgü, rü taguma choxrütama ngúchaü̃ chaxü.

Romanos 12:2

Rü tama name i ñoma i naanecüã̱x i duü̃xü̃gücümagu pexĩ. Natürü name nixĩ i Tupanana pegü pexãgü nax nüma pexü̃ naxüchicüüxü̃ca̱x rü ngexwaca̱xü̃xü̃ i peãxẽ pexü̃́ ngẽxmaxü̃ca̱x. Rü ngẽmaãcü tá nüxü̃ pecua̱x i ta̱xacü nixĩ ya Tupana pexü̃́ naxwa̱xexü̃, rü ta̱xacü nixĩ i nape̱xewa mexü̃, rü ta̱xacü nixĩ i namaxã nataãẽxü̃ rü ta̱xacü nixĩ i aixcüma mexü̃.

Wiyaegü 119:24

Erü ngẽma curü mugü rü chorü taãẽxẽẽruxü̃ nixĩgü. Rü chorü ucu̱xẽruxü̃ nixĩgü. -4-

Wiyaegü 119:14

Rü muxü̃ma i ngẽmaxü̃güarü yexera rü curü mugümaxã chataãxẽ.

Ore i mexü̃ ga Cuáü̃ ümatüxü̃ 5:39

Pema meama nawa pengúe i Tupanaarü ore i ümatüxü̃, erü nagu perüxĩnüe rü ngẽmawa tá nüxü̃ ipeyangau i perü maxü̃ i taguma gúxü̃. Natürü woo ngẽmatama Tupanaarü ore i ümatüxü̃wa rü chauchiga mea nax yadexaxü̃, natürü i pemax, rü tama choxü̃́ peyaxõgüchaü̃ nax ngẽmaãcü penayauxgüxü̃ca̱x i ngẽma maxü̃.

Ichaía 8:16

¡Mea peãẽgu namaxã penguxü̃ i ñaa ore, rü ñaa ucu̱xẽgü rü ngu̱xẽẽtaegü!

Wiyaegü 119:152

Rü nũxcümamatama nüxü̃ chacua̱x i curü mugü i cumatama cuxueguxü̃ nax guxü̃guma nangẽxmagüechaxü̃ca̱x. -20-

Wiyaegü 119:9

Pa Tupanax ¿rü ñuxãcü tá wüxi ya ngextü̱xücü inamexü̃ i norü maxü̃ i cupe̱xewa? Rü ngẽxguma curü ore naxwa̱xexü̃ãcüma namaxü̱̃xguxicatama.

2 Chamué 23:5

Rü ngẽmaca̱x i chautaagü rü chowena Iraéanearü ãẽ̱xgacügü tá nixĩgü, erü nüma ya Tupana rü wüxi i taguma iyacuáxü̃ i uneta marü chomaxã naxü. Rü ngẽma chomaxã naxueguxü̃ rü marü nawe̱xgu rü aixcüma nixĩ. Rü ngẽmaca̱x tama chaxoegaãxẽ erü nüma ya Tupana nixĩ i choxü̃ naporamaexẽẽxü̃ rü yanguxẽẽxü̃ i guxü̃ma i ngẽma nagu charüxĩnüxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 19:10

Rü choma rü yema orearü ngeruü̃pe̱xegu chacaxã́pü̱xü nax nüxü̃ chicua̱xüü̃xü̃ca̱x. Natürü ga nüma rü ñanagürü choxü̃: “¡Taxṹ i ngẽma cuxüxü̃! Erü choma rü ta Tupanaarü duü̃xü̃ chixĩ, ngẽxgumarüxü̃ i cuma rü cuenexẽgü i mea Ngechuchuarü ore ixõgüxü̃rüxü̃ chixĩ. Rü ngẽma Ngechuchuarü ore rü yematama ore nixĩ ga Tupanaarü orearü uruü̃gü nüxü̃ ixugüexü̃ ga yexguma Tupanaãxẽ ya Üünecü nawa idexaxgu. Rü name nixĩ i Tupanaxü̃ quicua̱xüxü̃”, ñanagürü.

Romanos 3:2

Rü poraãcüxüchima tüxü̃́ name nax Yudíugü ixĩgüxü̃. Yerü nüma ga Tupana rü tüxnaxíra nixĩ ga naxããxü̃ ga norü ore.