Wiyaegü 19:6 - Tupanaarü Ore

⁶ Rü nüma ya üa̱xcü rü naanearü éstewa narügo, rü nixũ ñu̱xmata norü oéstewa narüxücu. Rü taxucürüwa texé norü naiemaxü̃cha̱xwa tiña.

Wiyaegü 19:6 Referans Kwoze

Ngu̱xẽẽtaeruü̃arü ore 1:5

Rü üa̱xcü, rü pa̱xmama inarügo rü yáuanecü rü ínarüxücu. Rü ngẽxma nachicagu narüxã̱ũ̱x. Rü moxü̃ãcü pa̱xmama wenaxarü inarügo.

Colosenses 1:23

Natürü ngéma nax pengugüxü̃ca̱x, rü penaxwa̱xe nax guxü̃guma aixcüma peyaxõgüxü̃ rü taguma nüxü̃ perüxoexü̃ i ngẽma ore i mexü̃ ga marü nüxü̃ pexĩnüexü̃ nachiga i ngẽma maxü̃ i ípenangu̱xẽẽxü̃. Rü ngẽmatama ore nixĩ i ñu̱xma gúxü̃ i naanewa nüxü̃ yaxugüexü̃, rü choma i Pauru nixĩ i nawa chapuracüxü̃ nax nüxü̃ chixuxü̃ca̱x i ngẽma ore.

Wiyaegü 113:3

Rü guxãma i pema i éstewa ngẽxmagüxe rü ñu̱xmata pema i oéstewa ngẽxmagüxe ¡rü nüxü̃ picua̱xüü̃gü ya Cori ya Tupana!

Yox 25:3

Rü ngẽma nax namuxũchixü̃ i norü churaragü, rü taxucürüwa texé tayaxugü. Rü norü omü rü guxãétügu nabáxi.

Wiyaegü 139:9

Rü ngẽxguma chi chagonagügu rü éstewa chañaxgu rüe̱xna üa̱xcü írüxücuxü̃gu chaxãchiü̃gu, rü woo i ngéma rü chauétü cuwéme̱x rü curü tügüneme̱xẽ rü tagutáma choxü̃ ninge̱x.

Ãẽ̱xgacügü ga guxchaxü̃güarü mexẽxẽruü̃gü 5:31

Pa torü Tupanax, tanaxwa̱xe nax ngẽmaãcü nayuexü̃ i guxü̃ma i curü uanügü. Natürü ngẽma cuxü̃ ngechaü̃güxü̃ rü tanaxwa̱xe nax naporaexü̃ ñoma üa̱xcü i poraemaxüchixü̃rüxü̃ —ñanagürügü. Rü yemawena rü 40 ga taunecü nataxuma ga dai ga yema naanewa.