Wiyaegü 19:2 - Tupanaarü Ore

² Rü wüxichigü i ngunexü̃ rü ngẽma to i ngunexü̃xü̃ nanawe̱x i Tupanaarü pora. Rü wüxichigü i chütaxü̃ rü ngẽma to i chütaxü̃xü̃ nanawe̱x nax naporaxü̃ ya Tupana.

Wiyaegü 19:2 Referans Kwoze

Wiyaegü 74:16

Rü cuma nixĩ ga cuxüxü̃ ga ngunexü̃ rü chütaxü̃. Rü yimá tauemacü rü üa̱xcü, rü cuma nixĩ ga namaxü̃gu cuyaxũxẽẽchigüxü̃ ga wüxichigü.

Ichaía 38:19

Rü ngẽma maxẽxü̃xicatama nixĩ i cuxü̃ icua̱xüü̃güxü̃, ñoma ñu̱xma choma chaxüxü̃rüxü̃. Rü ngẽma nanatügü rü nanegümaxã tá nüxü̃ nixu nax aixcüma cuyanguxẽẽxü̃ i ngẽma nüxü̃ quixuxü̃.

Naanearü ügüchiga 8:22

Rü ñu̱xma i ñaa naane nangẽxmaxü̃ rü tagutáma inarüxo nax natoegüxü̃ i duü̃xü̃gü rü yaxoxü̃ i nanetügü. Rü tá nangẽxma i naianexü̃ rü gáuanexü̃, rü tá nayimá ya mucü rü taunecü, rü ngunexü̃ rü chütaxü̃ —ñanagürü.

Wiyaegü 148:12

¡Rü yatügü rü ngexü̃gü rü ngextü̱xücügü rü paxü̃gü rü o̱xigü, rü Tupanaxü̃ picua̱xüxü̃gü!

Naanearü ügüchiga 1:6

Rü yemawena rü ñanagürü ga Tupana: —¡Name nixĩ i ngẽma dexá i cherena ixĩxü̃ rü nachü̱xüxnagü nax tama ngẽma dexá i ñaxtüwa ngẽxmaxü̃na yaxũxü̃ca̱x, rü ngẽmaãcü nax naxãchicaanexü̃ca̱x i norü ngãxü̃wa! —ñanagürü. Rü yemaacü nixĩ.

Naanearü ügüchiga 1:7

Rü yemaacü Tupana nanaxüchicaane ga yexguma yaxũgachixẽẽã̱xgu ga yema cherena nüxna ga yema dexá ga ñaa naanewa yexmaxü̃. Rü daxũwa nayexma ga caixanexü̃ rü yematüü̃wa ga dexá.

Wiyaegü 150:1

¡Cori ya Tupanaxü̃ picua̱xüü̃gü! ¡Rü napatawa rü nüxü̃ picua̱xüü̃gü! ¡Rü pema i daxũguxü̃ i naanewa ngẽxmagüxe i nüma ínangexmaxü̃wa rü nüxü̃ picua̱xüü̃gü!