Wiyaegü 19:10 - Tupanaarü Ore

¹⁰ Rü norü mugü rü úiru i ngearü ãũãchixü̃arü yexera namexẽchi. Rü berure ya naxchiãü̃wa yaxunearü yexera namaixcura.

Wiyaegü 19:10 Referans Kwoze

Wiyaegü 119:103

Rü ngẽma curü uneta rü ta̱xacü i maixcuraxü̃chixü̃arü yexera choxü̃́ name.

Wiyaegü 119:72

Rü ngẽma curü ucu̱xẽgü i choxna cuxãxü̃, rü cha̱u̱xca̱x rü muxü̃ma i úiru rü diẽruarü yexera narümemaexü̃chi. -10-

Wiyaegü 119:127

Natürü i chomax rü ngẽma úiruarü yexera nüxü̃ changechaü̃ i curü mugü.

Ucu̱xẽgüchiga 16:16

Ngẽma nax cua̱x tüxü̃́ ngẽxmaxü̃ rü úiruarü yexera narümemae. Rü ngẽma nax taãẽxü̃ icuáxü̃, rü diẽruarü yexera narümemae.

Yox 23:12

Rü guxü̃guma mea chayanguxẽxẽ i norü mugü rü norü ucu̱xẽgü, rü taguma choxrütama ngúchaü̃ chaxü.

Ucu̱xẽgüchiga 8:19

Ngẽma tüxna chaxãxü̃ rü úiru i mexẽchixü̃arü yexera narümemae, rü ngẽma tüxna chaxuaxü̃xü̃, rü diẽrumü i mexẽchixü̃arü yexera narümemae.

Ucu̱xẽgüchiga 24:13

Pa Chaunex, ¡yaxaxü ya yima berure ya maixcuraxüchine ya naxchiãü̃wa ibaxü̃ne! ¡Rü dücax, nüxü̃ naweneta nax ñuxãcü nachi̱xichixü̃!

Wiyaegü 63:5

Rü choma rü cumaxã tá chataãẽxü̃chi ñoma wüxi i duü̃xü̃ i õna i taxü̃maxã taãẽxü̃rüxü̃. Rü taãẽãcü cha̱u̱a̱xmaxã tá cuxü̃ chicua̱xüxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 10:10

Rü yema orearü ngeruü̃me̱xẽwa chanayaxu ga yema poperaxacü, rü chanangõ̱x. Rü cha̱u̱a̱xwa rü berurerüxü̃ namaixcura. Natürü yexguma chanangõ̱xguwena rü chauanüwa rü nanaxüxãchi rü changu̱xneca.