Wiyaegü 18:8 - Tupanaarü Ore

⁸ Rü naxmaraü̃wa rü caxixü̃ ínaxũxũ. Rü naã̱xwa ínaxũxũ ga üxüema ga ñoma ga naane ixaxẽẽxü̃, rü ínaxũxũ ga ã́xwe ga inaicü.

Wiyaegü 18:8 Referans Kwoze

Wiyaegü 21:9

Pa Tupanax, ngẽxguma núma cuxũxgu rü ñoma wüxi i guruü̃wa yaguxü̃rüxü̃ tá ícunagu i curü uanügü. Rü curü numaxã tá üxüwa cuyawocu nax ngẽxma yanaxogüxü̃ca̱x i ngẽma curü uanügü.

Wiyaegü 11:6

Rü nüma ya Cori ya Tupana rü ñoma pucürüxü̃ tá ngẽma chixexü̃ ügüxü̃étügu nanayixẽxẽ ya ã́xwe rü üxüema i achúfremaxã ãéü̃xü̃. Rü tá naxca̱x ínananguxẽxẽ ya wüxi ya buanecü nax yaxaexü̃ca̱x i guxü̃ma. Rü nüma ya Cori ya Tupana rü ngẽmaãcü tá nanapoxcue i ngẽma duü̃xü̃gü i chixexü̃ ügüxü̃.

Amúx 4:11

Rü wüxi ga taxü̃ ga guxchaxü̃ pexca̱x íchanguxẽxẽ yema Chodómaca̱x rü Gomóraca̱x íchanguxẽẽxü̃rüxü̃. Rü pema rü ñoma nai i üxüwa ixaxü̃ rü nawa íyaxuchixü̃rüxü̃ pixĩgü. Natürü ga pema rü tama cha̱u̱xca̱x pewoegu —ñanagürü ya Cori ya Tupana.

Iraétanüxü̃arü muxchiga 16:35

Rü ñu̱xũchi nüma ga Cori ya Tupana rü üxüema yéma namu, rü ínanagu ga yema 250 ga yatügü ga norü pumarate̱xe Cori ya Tupanaca̱x yéma igugüxü̃.

Lebítanüxü̃arü puracüchiga 10:2

Rü yemaca̱x Tupanawa ínaxũxũ ga üxüema ga ínaguxü̃. Rü yemaacü Tupanape̱xegu nayue.

Yema Cuáü̃ nüxü̃ dauxü̃ i yixcüra tá ngupetüxü̃chiga 11:5

Rü ngẽxguma texé chixexü̃ nape̱xewa ügüchaü̃gu i ngẽma taxre i orearü uruü̃gü, rü nümagü rü üxüema ya naã̱xwa ínacuexechinemaxã tüxü̃ tá ínagu. Rü ngẽmaãcü tá inayanaxoxẽxẽ i norü uanügü. Rü ngẽmaãcü tá tüxü̃ nadai ya yíxema chixexü̃ namaxã ügüchaü̃xẽ.

Wiyaegü 104:32

Rü ñoma i naane rü nidu̱xru i ngẽxguma nüma nüxü̃ nadawenügu. Rü ngẽxguma yima ma̱xpǘnegüxü̃ yangógügu rü nicaixquegü.

Wiyaegü 74:1

Pa Tupanax, toma nax curü duü̃xü̃gü tixĩgüxü̃, rü ¿tü̱xcüü̃ toxü̃ ícuwogüxü̃chi? ¿Rü tü̱xcüü̃ tomaxã cunu?

Wiyaegü 50:3

Rü nüma ya tórü Tupana rü nua naxũ. Natürü tama bexma ínangu erü nape̱xewa nangẽxma i wüxi i üxüema i guxü̃xü̃ma ixaxẽẽxü̃, rü nacüwawa nangẽxma ya buanecü ya taxüchicü.

Wenaxarü naxümatü ga Tupanaarü mugü 29:20

Rü nüma ya Cori ya Tupana rü taxũtáma nüxü̃́ nüxü̃ narüngüma i ngẽma norü chixexü̃, rü naétügu tá nananguxẽxẽ i norü nu. Rü naxca̱x tá ínangugü i guxü̃ma i ngẽma guxchaxü̃gü i ñaa poperagu ümatüxü̃. Rü ñu̱xũchi nataagü i ngẽma yatü rü Tupana rü ñoma i naanewa tá inayanaxoxẽxẽ.

Iraétanüxü̃arü muxchiga 11:1

Wüxi ga ngunexü̃gu ga Iraétanüxü̃ rü Cori ya Tupanamaxã nanue rü narüxutagagü naxca̱x ga yema ngúxü̃ ga yangegüxü̃. Rü yemaxü̃ nax naxĩnüxü̃ ga Cori ya Tupana rü nanu. Rü Iraétanüxü̃ ípegüxü̃pechinügu nananguxẽxẽ ga üxüema. Rü ñuxre ga ĩpatagü ga napechinüwa ügüne rü nixae.

Yox 41:19

Rü naraü̃wa rü yáuxraemaxü̃ ínaxũxũ. Rü ngẽmawa rü ninexgütanücüxü i íxraxü̃ i yáuxraemaxü̃.

Ichaía 24:18

Rü yíxema cueneecügücha̱xwa iñaxẽ rü ãxmaxü̃gu tá tingucuchi. Rü yíxema ngẽma ãxmaxü̃wa inguxuchixe rü yütagu tá tangu. Rü pucü ya tacü tá narüngu rü ñoma i naane rü poraãcü tá naxĩã̱xãchiane.