Wiyaegü 18:7 - Tupanaarü Ore

⁷ Rü yexguma rü poraãcü naxĩã̱xãchiane. Rü guma ma̱xpǘnegü rü naxĩã̱xãchitanü. Rü Cori ya Tupanaarü numaxã nixĩãtanücüxü.

Wiyaegü 18:7 Referans Kwoze

Ngechuchuarü ngúexü̃gü ga yamugüxü̃arü puracüchiga 4:31

Rü yexguma yumüxẽwa nüxü̃ nachauegu, rü gumá ĩpata ga nawa nangutaque̱xegüne rü naxĩã̱xãchi. Rü Tupanaãxẽ ya Üünecü rü nüxna nangu ga guxü̃ma. Rü tama namuü̃eãcüma nüxü̃ nixugüe ga Tupanaarü ore.

Ore i mexü̃ ga Matéu ümatüxü̃ 28:2

Rü ngürüãchi poraãcü naxĩã̱xãchiane, yerü wüxi ga daxũcüã̱x ga Cori ya Tupanaarü orearü ngeruxü̃ ínarüxĩ, rü naxmaü̃wa nangu rü ínananguxgachi ga gumá nuta ga namaxã nangũxtaü̃cü ga yema naxmaxü̃. Rü ñu̱xũchi gumá nutaétüwa narüto.

Yeremía 4:24

Rü ma̱xpǘnegügu chadawenü, rü nüxü̃ chadau nax yaxĩ̱ã̱xtanücüüxü̃ rü guxü̃ma ga ngüchitaerugüxü̃ rü yaxĩ̱ã̱xtanücüüxü̃.

Ãẽ̱xgacügü ga guxchaxü̃güarü mexẽxẽruü̃gü 5:4

Pa Chorü Tupanax, yexguma cuma rü Cheíwa icuxũãchigu nax Edóü̃arü naanewa cuxũxü̃ca̱x, rü ñoma ga naane rü nixĩã̱xcüxü rü yema daxũwa yexmagüxü̃ rü nixĩãxtanücüxü rü yema caixanexü̃gü rü poraãcü nanapuxẽxẽ.

Wenaxarü naxümatü ga Tupanaarü mugü 32:22

Rü ngẽma chorü nu rü ñoma üxüxemarüxü̃ niyaura. Rü ngẽma üxüema rü woo naanearü aixepewa nangu nax yayauraxü̃. Rü tá nixa i ñoma i naane rü guxü̃ma i nanetüarü o i nawa ngẽxmagüxü̃. Rü woo yima ma̱xpü̃́negü rü tá niyaurapǘnegü.

1 Corintios 13:2

Rü woo nüxü̃ chacua̱xgu nax mea duü̃xü̃gümaxã nüxü̃ chixuxü̃ i Tupanaarü ore, rü woo nüxü̃ chacua̱xgu i guxü̃ma i ta̱xacü i ẽxü̃guxü̃ i Tupanachiga, rü woo choxü̃́ natauxchagu nax chorü õmaxã chayaxĩgachixẽẽxü̃ ya ma̱xpǘnegü, natürü taxuwama chame ega tama choxü̃́ nangẽxmagu i ngechaü̃.

Chacaría 14:4

Rü ngẽma ngunexü̃gu rü nüma ya Cori ya Tupana rü nagu tá nachi ya yima Oribuarü Ma̱xpǘne ya Yerucharéü̃arü to̱xma̱xtawa ngẽxmane i norü éstecüwawa. Rü tá narüngüte ya yima ma̱xpǘne. Rü wüxi i norü ngãxü̃ rü tá nórtewaama naxũgachi rü ngẽma to i norü ngãxü̃ rü tá súrwaama naxũgachi. Rü ngẽmaãcü tá nango̱x i wüxi i taxü̃ i ngate i éstewaama ne daxü̃ rü oéstewaama daxü̃.

Abacú 3:10

Rü ngẽxguma cuxü̃ nadaugügu ya ma̱xpǘnegü rü nidu̱xruxe. Rü dauxü̃guxü̃ i naanewa rü tacü ya pucü narüngu. Rü ngẽma már i mátamaxü̃ rü poraãcü naxãũgaãchi namaxã ya norü yuape ya tacü.

Abacú 3:6

Rü ngẽxguma iyachiãchigu ya nüma ya Tupana, rü ñoma i naane rü nidu̱xruane. Rü ngẽxguma ñoma i naanegu nadawenügu rü ngẽma nachixü̃anegü rü naxĩã̱xãchigü, rü yima nũxcümaü̃güne ya ma̱xpǘnegü rü nabu rü nangĩãchi. Natürü ngẽma Cori ya Tupana nagu rüxĩnüxü̃ rü taguma inarüxo.

Wiyaegü 46:2

Rü ngẽmaca̱x taxuca̱xma tamuü̃e ega woo ñoma i naane rü nangĩãchigu rü ma̱xpǘnegü rü márchíütamagu nayixgu.

Wiyaegü 34:16

Natürü nüxü̃ naxo i ngẽma chixexü̃ ügüxü̃ rü inayanaxoxẽxẽ i ñoma i naanewa nax taxúema nüxna cua̱xãchixü̃ca̱x.

Wiyaegü 34:18

Rü nüma ya Cori ya Tupana rü ínamemare nax tüxü̃ nangü̃xẽẽxü̃ ya yíxema ngúxü̃ ingegüxe Rü tüxü̃ ínanguxü̃xẽxẽ ya yíxema ngechaxü̃ ingegüxe.

Wiyaegü 39:13

Pa Corix ¡taxṹ i numaxã choxü̃ cudawenüxü̃! ¡Rü cha̱u̱xca̱x yataanexẽxẽ nax wena chataãẽxü̃ca̱x naxü̃pa nax chayuxü̃! —ñachagürü.

Wiyaegü 40:2

Rü yema ãxmaxü̃ ga dexááxü̃ ga nagu iyuxü̃wa choxü̃ ínanguxuchixẽxẽ. Rü ãcharaxanexü̃wa choxü̃ nanatúxuchi. Rü wüxi ga nutawa choxü̃ inachixẽxẽ. Rü taixanexü̃waama choxü̃ naga nax íchixũxü̃ca̱x.