Wiyaegü 18:6 - Tupanaarü Ore

⁶ Rü yema ãũcümaxü̃wa nax chayexmaxü̃, rü Corica̱x aita chaxü nax nüma ga Tupana choxü̃ rüngü̃xẽẽxü̃ca̱x. Rü nüma rü napata ya üünenewa choxü̃ naxĩnü. Rü yema aita nax chaxüxü̃ rü naxmachixẽwa nangu.

Wiyaegü 18:6 Referans Kwoze

Wiyaegü 50:15

¡Rü cha̱u̱xca̱x peca ega ngẽxguma guxchaxü̃ pexü̃ ngupetügu! Rü choma rü tá pexü̃ íchapoxü̃ rü pema rü tá choxü̃ picua̱xüü̃gü —ñanagürü ya Tupana.

2 Chamué 22:7

Rü yexguma yema ngúxü̃wa chayexmagu rü tagaãcü nüxna chacagü ga Cori ya Tupana nax choxü̃ nangü̃xẽẽxü̃ca̱x. Rü nüma rü napatawa ínangexmaxü̃wa choxü̃ naxĩnü. Rü yema aixta nax chaxüxü̃ rü naxmachi̱xẽwa changuga.

Wiyaegü 34:15

Erü nüma ya Cori ya Tupana rü tüxna nadau ya yíxema aixcüma mea maxẽxe. Rü tüxü̃́ nüxü̃ naxĩnü i tümaarü yumüxẽ.

Wiyaegü 120:1

Rü ngẽxguma ãũcümaxü̃wa changexmagu, rü nüxna chaca ya Cori ya Tupana. Rü nüma rü choxü̃ nangãxü̃.

Ngechuchuarü ngúexü̃gü ga yamugüxü̃arü puracüchiga 12:5

Rü yemaacü ga Pedru rü poxcupataü̃wa nayexma rü churaragü rü meama nüxna nadaugü. Natürü ga yema yaxõgüxü̃ ga Yerucharéü̃cüã̱x rü poraãcü nayumüxẽgü, rü Tupanana naxca̱x nacagü.

Norü taxre ga to ga popera ga ãẽ̱xgacügüchiga ümatüxü̃ 30:27

Rü yemawena ga chacherdótegü rü Lebítanüxü̃ rü inachigü rü norü yumüxẽwa yema duü̃xü̃gümaxã mexü̃ naxuegu. Rü nüma ga Cori ya Tupana rü nüxü̃ naxĩnü ga yema norü yumüxẽ. Rü daxũguxü̃ i naanewa nangu i ngextá nüma ínangexmaxü̃wa.

Ínachoxü̃xü̃chiga 2:23

Rü yexgumayane ga Equítuanecüã̱xarü ãẽ̱xgacü rü yoxni nayu. Natürü ga yema Iraétanüxü̃ rü guxchaxü̃wa nayexmagüecha, rü Tupanape̱xewa naxauxe naxca̱x ga yema ngúxü̃ nax yangegüxü̃. Rü yemaca̱x ga Tupana rü nüxü̃́ nüxü̃ naxĩnü ga norü axu, yerü nüxna nacua̱xãchi ga norü uneta ga Abraáü̃maxã rü Ichaámaxã rü Acóbumaxã naxueguxü̃.

Abacú 2:20

Natürü nüma ya Cori ya Tupana ya Maxü̃cü rü napata ya üünenewa nangẽxma. Rü guxãma i pema i ñoma i naanecüã̱x rü name nixĩ i nape̱xewa pechianegümare.

Wiyaegü 11:4

Natürü nüma ya Cori ya Tupana rü napata ya üünenewa nangẽxma. Rü nüma ya Cori rü daxũguxü̃ i naanewa nüxü̃́ nangẽxma i norü tochicaxü̃, rü ngéma meama ínadawenü rü nanangugü i duü̃xü̃gü.

Wiyaegü 5:7

Natürü i chomax rü ngẽma curü ngechaü̃gagu choxü̃́ natauxcha nax yima cupatagu chaxücuxü̃. Rü ngẽxguma cupata ya üünenewa changexmagu rü choxü̃́ natauxcha nax cupe̱xegu chanangü̃cuchixü̃ rü cuxü̃ changechaü̃ãcüma cuxü̃ chicua̱xüü̃xü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 11:19

Rü ñu̱xũchi Tupanapata ga taxü̃ne ga daxũguxü̃ ga naanewa yexmane, rü niwãxna. Rü yéma norü aixepewa nango̱x ga yema baú ga Tupanaarü uneta nagu nuxü̃. Rü naxãẽmacüane, rü poraãcü nicuxcuane, rü naxĩã̱xãchiane rü poraãcü gáuxü̃ narüyi.

Ore i mexü̃ ga Márcu ümatüxü̃ 14:36

Rü norü yumüxẽwa rü ñanagürü: —Pa Chaunatüx, cuxca̱x rü guxü̃ma natauxcha. ¡Rü nüxna choxü̃ ínanguxuchixẽxẽ i ñaa ngúxü̃ i tá cha̱u̱xca̱x ínguxü̃! Natürü chanaxwa̱xe i curü ngúchaü̃ cuxü rü tama i choxrü —ñanagürü.

Wiyaegü 55:5

Rü poraãcüxüchi muü̃ choxna nangu rü muü̃maxã chidu̱xrux.