Wiyaegü 18:3 - Tupanaarü Ore

³ Rü cumax, Pa Cori, Pa Tupanax, nixĩ i namexü̃ nax cuxü̃ ticua̱xüü̃xü̃. Rü ngẽxguma ãũcümaxü̃wa changexmagu, rü aita cuxca̱x chaxüxgu, rü cuma rü chorü uanügüme̱xẽwa choxü̃ ícupoxü̃.

Wiyaegü 18:3 Referans Kwoze

Wiyaegü 91:15

Rü ngẽxguma choxna tacaxgu rü choma rü tá tüxü̃ changãxü̃ rü tá tümaxü̃tawa changexma. Rü ngẽxguma guxchaxü̃ tüxü̃ üpetügu rü tá nawa tüxü̃ íchanguxuchixẽxẽ rü poraãcü tá tümamaxã chataãxẽ.

Ore i mexü̃ ga Luca ümatüxü̃ 1:71

Rü yema orearü uruü̃güwa nüxü̃ nixu rü tá tüxü̃ ínanguxü̃xẽxẽ naxme̱xwa i tórü uanügü rü guxü̃ma i ngẽma taxchi aiexü̃.

Wiyaegü 145:3

Rü nüma ya Cori ya Tupana rü nüxü̃ nacua̱xüchi rü ngẽmaca̱x name nax nüxü̃ icua̱xüü̃güxü̃. Rü ngẽma tórü cua̱x rü tama nawa nangu nax nüxü̃ icuáxü̃ca̱x i ñuxãcü nüxü̃ nacua̱xüchixü̃ i nümax.

Wiyaegü 62:8

Pa Chorü Duü̃xü̃güx ¡guxü̃guma nüxü̃́ peyaxõgü ya Tupana! ¡Rü perü yumüxẽwa namaxã nüxü̃ pixu i perü guxchaxü̃gü! Erü nüma nixĩ i aixcüma tórü ngü̃xẽẽruxü̃ i tórü cu̱xchicaxü̃ yixĩxü̃.

2 Chamué 22:4

Rü cuxü̃́ nixĩ i namexü̃, Pa Corix, nax ticua̱xüü̃güxü̃. Rü ngẽxguma ãũcümaxü̃wa changexmagu rü aita cuxca̱x chaxüxgu, rü cuma rü chorü uanügüme̱xẽwa choxü̃ ícupoxü̃.

Wiyaegü 96:4

Erü nüma ya Cori ya Tupana rü guxãétüwa nangẽxma, rü ngẽmaca̱x name nax nüxü̃xicatama icua̱xüü̃güxü̃. Erü nüma rü naxãũcümaxü̃chi rü guxü̃ma i ngẽma duü̃xü̃gü namaxã tupanaã́xü̃étüwa nangẽxma.

Wiyaegü 55:16

Natürü i choma rü tá Tupanana chaca̱a̱ma, rü nüma ya Cori rü tá choxü̃ ínapoxü̃.

Wiyaegü 50:15

¡Rü cha̱u̱xca̱x peca ega ngẽxguma guxchaxü̃ pexü̃ ngupetügu! Rü choma rü tá pexü̃ íchapoxü̃ rü pema rü tá choxü̃ picua̱xüü̃gü —ñanagürü ya Tupana.

Neemía 9:5

Rü ñu̱xũchi yema Lebítanüxü̃ ga Yochué, rü Caxmié, rü Baní, rü Achaxnía, rü Cherebía, rü Odía, rü Chebanía rü Petaía rü duü̃xü̃güxü̃ ñanagürügü: —¡Ẽcü, ipechigü rü ñu̱xma rü guxü̃guma nüxü̃ picua̱xüü̃gü ya Cori ya Tupana! Rü naéga rü naxüüne rü guxü̃étüwa nangẽxma. Rü ngẽmaca̱x name nixĩ i nüxü̃ ticua̱xüü̃gü —ñanagürügü.

Yema Cuáü̃ nüxü̃ dauxü̃ i yixcüra tá ngupetüxü̃chiga 4:11

Rü ñanagürügü: “Pa Torü Cori, Pa Torü Tupanax, cuxü̃ nixĩ i namexü̃ nax ticua̱xüü̃güxü̃ rü cuxü̃ tataxẽẽgüxü̃, yerü cuma nixĩ ga cunaxüxü̃ ga guxü̃ma, rü curü ngúchaü̃gagu nixĩ i ñu̱xma nangẽxmagüxü̃ i ngẽma cuxüxü̃”, ñanagürügü.

Ngechuchuarü ngúexü̃gü ga yamugüxü̃arü puracüchiga 2:21

Rü guxãma ya yíxema Corina caxe nax tüxü̃ nangü̃xẽẽxü̃ca̱x, rü tá tamaxẽ’ ”, —ñanagürü ga yema orewa.

Wiyaegü 76:4

¡Rü cumax, Pa Corix, rü guxü̃arü yexera cuxãũcümaxü̃chi! Rü yima ma̱xpǘnegü i guxü̃guma ngẽxmaechanearü yexera quixĩ.

Wiyaegü 48:1

Nüma ya Cori ya Tupana rü guxãétüwa nangẽxma rü name nax nüxü̃ icua̱xüü̃güxü̃ nawa ya yima norü ĩane ya norü ma̱xpǘne ya üünene ya Chióü̃wa ngẽxmane.

Wiyaegü 3:4

Rü Cori ya Tupanaca̱x aita chaxü nax choxü̃ nangü̃xẽẽxü̃ca̱x. Rü nüma rü yima norü ma̱xpǘne ya üünenewa choxü̃ nangãxü̃.

Wiyaegü 31:4

¡Rü choxü̃ ínanguxuchixẽxẽ nawa ya yima yüta ya cha̱u̱xca̱x inaxügüne! Erü cuma nixĩ i chorü poxü̃ruxü̃ quixĩxü̃.

Wiyaegü 62:3

¿Rü ñuxguratáta nüxü̃ perüchau nax cha̱u̱xca̱x ípeyaxüãchixü̃ nax ngẽmaãcü ichayanguxü̃ca̱x ñoma wüxi ya ĩxtapü̱x iwa̱xgüxü̃rüxü̃, rüe̱xna ñoma wüxi ya poxeguxü̃ iwáxü̃rüxü̃?

Wiyaegü 71:3

Rü cuma nixĩ i nuta ya tacü ya chorü cu̱xchicaxü̃ quixĩxü̃. Rü guxü̃gutáma cuxü̃tagu charücúxü̃. Rü cuma nixĩ i nüxü̃ quixuxü̃ nax choxü̃ tá ícupoxü̃xü̃. Erü cuma nixĩ i nuta ya tacü ya chorü cu̱xchicaxü̃ quixĩxü̃.

Wiyaegü 91:2

Rü choma rü ñachagürü cuxü̃: —Pa Corix, cuxicatama nixĩ i chorü cu̱xchicaxü̃ quixĩxü̃, rü chorü poxü̃ruxü̃ quixĩxü̃ rü chorü Tupana ya cuxü̃́ chayaxõcü quixĩxü̃ —ñachagürü cuxü̃.

Wiyaegü 144:1

Namexẽchi ya Cori ya Tupana ya chorü poxü̃ruxü̃. Rü nüma nixĩ i choxü̃ nangu̱xẽẽxü̃ rü choxü̃ nüxü̃ nacua̱xẽẽxü̃ nax daiwa chaporaxü̃.

Yeremía 16:19

Rü choma i Yeremía rü Cori ya Tupanana chacaama rü ñachagürü: —Pa Corix ya Chorü Poraxẽẽruxü̃ rü Chorü Tüpechitaruxü̃, rü cuma nixĩ i choxü̃ ícupoxü̃xü̃ i ngẽxguma ãũcümaxü̃wa changexmagu. Rü cuxü̃tawa tá naxĩ i nachixü̃anecüã̱xgü i naane iyacuáxü̃wa ne ĩxü̃, rü cuxü̃ tá ñanagürügü: “Yema nũxcümaü̃güxü̃ ga torü o̱xigü rü yema taxuwama mexü̃ rü ngearü poraáxü̃ ga tupananetachicüna̱xãgü nixĩ ga namaxã natupanaã̱xgüxü̃”, ñanagürügü tá.