Wiyaegü 18:11 - Tupanaarü Ore

¹¹ Rü yema waanexü̃ nixĩ ga yadüxchipetaxü̃. Rü caixanexü̃ ga pucümaxã waxü̃gu namaxã nayangaxi. Rü yemagu nügü nicu̱x rü yemaarü aixepewa nayexma.

Wiyaegü 18:11 Referans Kwoze

Wiyaegü 97:2

Rü pamüemaxü̃ i caixanexü̃maxã ínaxümaeguãchi. Rü nüma nixĩ i ãẽ̱xgacü i aixcüma mea nangugüxü̃ i wüxichigü i duü̃xü̃güarü maxü̃. Rü aixcüma nawe̱xgu i ngẽma namaxã naxueguxü̃ i wüxichigü.

Wenaxarü naxümatü ga Tupanaarü mugü 4:11

Pemax rü pengutaque̱xegü napünegu ga guma ma̱xpǘne, rü guma ma̱xpǘnewa rü üxü nayagoemaxü̃ ga daxũwama nguemaxü̃. Rü yema naemawa rü nayanguxuchi ga caixanexü̃ ga pamüemaxü̃ ga waemaxü̃.

Wiyaegü 91:1

Tataãxẽ ya yíxema naxme̱xwa ngẽxmaxe ya Yimá Guxãétüwa Ngẽxmacü ya Tupana, erü nüma rü tüxna nadau.

Wiyaegü 81:7

Rü yexguma guxchaxü̃wa peyexmagügu ga Equítuanewa rü choxna pecagüe, rü choma rü pexü̃ íchanguxü̃xẽxẽ. Rü yema caixanexü̃ ga duruanexü̃ nawa ínaxũxü̃wa pexü̃ changãxü̃. Rü yexguma Meribáwa pengugügu rü nataxuxgu ga dexá rü choma rü pexü̃ chaxümare.

Wiyaegü 27:5

Rü ngẽxguma guxchaxü̃ cha̱u̱xca̱x ínguxgu rü nüma ya Cori rü napatawa tá choxna nadau. Rü nügümaxã tá choxü̃ natüxchipeta rü choxü̃ ínapoxü̃. Rü wüxi ya nuta ya tacüétügu tá choxü̃ namunagü nax taxuxü̃ma choxü̃ imáxü̃ca̱x.

Wiyaegü 104:3

Rü dexáétüwa cungexma rü ngẽxma dauxü̃gu cuxãchiü̃. Rü ngẽma caixanexü̃ rü cuwexü̃xü̃ cuyaxĩxẽxẽ. Rü yimá buanecü nixĩ ya nagu quixũcü.

Echequié 10:18

Rü yexguma yema Cori ya Tupanaarü üüne rü guma Tupanapata ga taxü̃neétüna nayachü̱xüxãchi. Rü yema querubíü̃güétügu nayachü̱xüxü.