Wiyaegü 18:10 - Tupanaarü Ore

¹⁰ Rü wüxi ga dauxü̃cüã̱x ga ãxpe̱xatüxü̃étügu naxaunagü rü yema namaxã nigoe. Rü buanecüemaétügu namaxã niña.

Wiyaegü 18:10 Referans Kwoze

Wiyaegü 104:3

Rü dexáétüwa cungexma rü ngẽxma dauxü̃gu cuxãchiü̃. Rü ngẽma caixanexü̃ rü cuwexü̃xü̃ cuyaxĩxẽxẽ. Rü yimá buanecü nixĩ ya nagu quixũcü.

Wiyaegü 99:1

Nüma ya Cori rü ãẽ̱xgacü nixĩ. Rü norü tochicaxü̃ rü ngẽma taxre i daxũcüã̱xchicüna̱xãgü i ixãxpe̱xatüxü̃arü ngãxü̃wa nangẽxma. Rü nape̱xewa rü norü muü̃maxã nidu̱xrue i guxü̃ma i nachixü̃anecüã̱xgü rü woo i ñoma i naane rü nidu̱xru.

Wiyaegü 80:1

Pa Cori Pa Tupana Pa Iraétanüxü̃arü Dauruxü̃x, rü cuma nixĩ i carnérugürüü̃ãcü Yúchetanüxü̃maxã icucuáxü̃. Rü cuma nax ngẽma taxre i daxũcüã̱xchicüna̱xãgü i ixãxpe̱xatüxü̃arü ngãxü̃wa nax curütoxü̃ ¡rü nüxü̃ naxĩnü i torü yumüxẽ! ¡Rü toxü̃ nangechaxü̃ãcüma mea nüxü̃ nadawenü ya Efraíü̃tanüxü̃ rü Bẽyamíü̃tanüxü̃ rü Manachétanüxü̃! ¡Rü inachi, rü nua naxũ nax curü poramaxã toxü̃ ícunguxü̃xẽẽxü̃ca̱x!

Wiyaegü 144:5

Pa Corix ¡yawãxna i daxũguxü̃ i naane rü ñoma i naanegu írüxĩ! ¡Rü nüxü̃ ingógü ya ma̱xpǘnegü nax yana̱i̱xgüxü̃ca̱x rü yacaixquegüxü̃ca̱x!

Ichaía 63:19

Rü ñu̱xma rü toma rü ñoma taguma tomaxã icucuáxü̃rüxü̃ tixĩgü. Rü ñoma taguma cuxü̃ tacuáxü̃rüxü̃ tixĩgü.