Wiyaegü 18:1 - Tupanaarü Ore

¹ Pa Corix, Pa Tupanax, cuma nixĩ i chorü poraxẽẽruxü̃ quixĩxü̃. Rü choma rü cuxü̃ changechaü̃.

Wiyaegü 18:1 Referans Kwoze

Colosenses 1:11

Rü nüxna naxca̱x tacagü nax norü pora i mexẽchixü̃maxã pexü̃ naporaexẽẽxü̃ca̱x nax ngẽmaãcü guxü̃ma i guxchaxü̃gümaxã peporaexü̃ca̱x rü yáxna namaxã pexĩnüexü̃ca̱x rü petaãẽgüxü̃ca̱x.

Nüxíraxü̃xü̃ ga popera ga Cuáü̃ ümatüxü̃ 4:19

Rü yixema rü Tupanaxü̃ tangechaü̃gü, yerü nüma rü nüxíra tüxü̃ nangechaü̃.

Filipenses 4:13

Rü Cristu nixĩ ya choxü̃ poraxẽẽcü, rü ngẽmaca̱x chomaxã nanguxü̃ nax chanaxüxü̃ i guxü̃ma i ngẽma Tupana naxwa̱xexü̃ nax chanaxüxü̃.

Wiyaegü 34:19

Rü yimá yatü ya ixaixcümacü rü namu i norü guxchaxü̃gü. Natürü nüma ya Cori ya Tupana rü ínananguxuchixẽxẽ nawa i guxü̃ma i ngẽma.

Wiyaegü 118:14

Rü ngẽmaca̱x chorü wiyaemaxã Cori ya Tupanaxü̃ chicua̱xüxü̃ erü nüma nixĩ i choxü̃ naporaxẽẽxü̃. Rü nüma nixĩ i choxü̃ namaxẽẽxü̃.

Wiyaegü 116:16

Pa Cori Pa Tupanax, choma rü curü duü̃xü̃ chixĩ, rü curü duü̃xü̃ tümane chixĩ. Rü cuma nixĩ i choxü̃ ícunguxuchixẽẽxü̃ nawa ga yema guxchaxü̃gü ga choxü̃ ináixü̃.

Wiyaegü 36:1

Rü ngẽma duü̃xü̃ i tama Tupanaga ĩnüxü̃ rü ngẽma pecadu nixĩ i norü ĩnüwa nüxü̃́ nangúchaü̃xẽẽxü̃ nax chixexü̃ naxüxü̃ca̱x. Rü ngẽmaca̱x taguma nagu narüxĩnü nax Tupanaxü̃ namuü̃xü̃.

Wiyaegü 18:32

Rü Tupana nixĩ ya yimá choxü̃ poraxẽẽcü. Rü yimá nixĩ i yanawe̱xãchixẽẽcü i chaucüma nax taxuwama nachixexü̃ca̱x i chorü maxü̃.

Ngechuchuarü ngúexü̃gü ga yamugüxü̃arü puracüchiga 13:36

Rü yexguma namaxü̃xgu ga Dabí, rü nüxü̃ narüngü̃xẽxẽ ga norü duü̃xü̃gü, yexgumarüxü̃ ga Tupana namuxü̃. Natürü nayu, rü nanatüxü̃tagu rü naéxü̃tagu nata̱x ga naxü̃ne, rü niyixi.

Popera ga Yudíugü ga yaxõgüxü̃ca̱x ümatüxü̃ 3:5

Rü Moiché rü wüxi ga Tupanaarü duü̃ ga aixcüma mecü nixĩ yerü mea nüxna nadau ga Tupanaarü duü̃xü̃gü ga Yudíugü, yema Tupana namaxã nüxü̃ ixuxü̃rüxü̃. Rü nüma ga Moiché nixĩ ga duü̃xü̃gümaxã nüxü̃ yaxuxü̃ nax yixcüra Tupana tá nüxü̃ rüngü̃xẽẽxü̃.