Wiyaegü 17:7 - Tupanaarü Ore

⁷ Rü chanaxwa̱xe i choxü̃ cunawe̱x nax aixcüma choxü̃ cungechaü̃xü̃. Erü cuma rü tüxü̃ curüngü̃xẽxẽ ya yíxema cuxü̃tawa tümaarü ngü̃xẽẽca̱x ícagüxe naxcha̱xwa i tümaarü uanügü.

Wiyaegü 17:7 Referans Kwoze

Wiyaegü 60:5

¡Rü toxü̃ nangãxü̃, rü curü poramaxã toxü̃ ínanguxü̃xẽxẽ i toma nax curü duü̃xü̃gü i toxü̃ cungechaü̃güxe tixĩgüxü̃!

Wiyaegü 31:21

Rü cuma rü cumecümaxü̃chi, Pa Corix, Pa Tupanax. Yerü yexguma ãũcümaxü̃wa chayexmagu rü taxü̃ ga mexü̃ cha̱u̱xca̱x cuxü, erü choxü̃ cungechaü̃.

Wiyaegü 20:6

Rü yimá ãẽ̱xgacü ya Tupana nüxü̃ unetacü, rü choma nüxü̃ chacua̱x nax norü uanügüxü̃ Tupana tá naporamaexẽẽxü̃. Rü nüma ya Tupana rü tá nüxü̃ naxĩnü i norü yumüxẽ, rü dauxü̃guxü̃ i naanewa tá nüxü̃ nangãxü̃. Rü norü poramaxã tá ngẽma uanügüxü̃ nanaporamaexẽxẽ ya yimá ãẽ̱xgacü.

Ichaía 41:10

¡Taxṹ i pemuü̃exü̃, Pa Iraétanüxü̃x! Erü choma rü chapexü̃tagu. ¡Rü taxṹ i pemuü̃exü̃! Erü choma rü perü Tupana chixĩ. Choma rü pora pexna chaxã rü pexü̃ charüngü̃xẽẽxü̃. Rü choma rü chorü tügünechacüxümaxã pexü̃ chingĩ rü pexü̃ íchapoxü̃.

Wiyaegü 44:3

Rü tama tümaarü poramaxã rü tümanegümaxã nixĩ ga tanayauxgüxü̃ ga ñaa naane. Natürü yema curü poragagu rü curü ngü̃xẽẽgagu nixĩ ga nawa tangugüxü̃ ga yema naane. Yerü cuma rü tüxü̃ cungechaü̃ rü tümamaxã cumecüma.

Norü taxre ga to ga popera ga ãẽ̱xgacügüchiga ümatüxü̃ 16:9

Erü nüma ya Cori ya Tupana rü nüxü̃ nadau i guxü̃ma i ñoma i naanewa ngupetüxü̃, nax ngẽmaãcü pora tüxna naxãxü̃ca̱x ya yíxema aixcüma nüxü̃́ yaxõxe. Natürü i cumax rü ñoma wüxi i duü̃xü̃ i tama naãẽxü̃ cuáxü̃rüxü̃ quixĩ erü Chíriaanearü ãẽ̱xgacüaxü̃́ cuyaxõ. Rü ngẽmaca̱x i ñu̱xma rü daiwa tá cungexmaecha —ñanagürü.

Norü taxre ga popera ga ãẽ̱xgacügüchiga 19:34

Rü chomatama tá nüxna chadau ya daa ĩane rü tá íchanapoxü̃ erü taguma nüxü̃ charüngüma ya chorü duü̃ ya Dabí rü chayanguxẽxẽ i ngẽma nüxü̃ chixuxü̃”, ñanagürü ga Tupana —ñanagürü ga Ichaía.

Ínachoxü̃xü̃chiga 15:6

Pa Cori ya Tupanax, cuma nixĩ i curü tügünechacüxü ya poranemaxã cunada̱i̱xü̃ i torü uanügü.

Ngechuchuarü ngúexü̃gü ga yamugüxü̃arü puracüchiga 2:33

Rü Tupana rü daxũguxü̃ ga naanewa nanaga nax norü tügünecüwawa yanatoxü̃ca̱x. Rü Tanatü ya Tupana rü marü nüxna nanamu ga Naãxẽ ya Üünecü ga nũxcüma nüxü̃ yaxuxü̃ rü tá nua nax namuaxü̃. Rü ñu̱xma ya yimá Ngechuchu rü núma totanüwa nanamu i ngẽma Naãxẽ ya Üünecü. Rü ngẽma Naãxẽ nua üxü̃ nixĩ i ñu̱xma nüxü̃ pedauxü̃ rü nüxü̃ pexĩnüexü̃.

Norü taxre ga popera ga ãẽ̱xgacügüchiga 19:22

¿Rü texéaxü̃́ nixĩ i cunangu̱xẽxẽxü̃ rü cuguxchigaxü̃? ¿Rü texémaxã nixĩ i quipuraxü̃ rü cunuxetüxü̃? Rü cumaxã nüxü̃ chixu rü chomaxã nixĩ i cunuxü̃ i choma i Iraéanecüã̱xarü Tupana ya Üünecü.

Yema Cuáü̃ nüxü̃ dauxü̃ i yixcüra tá ngupetüxü̃chiga 15:3

Rü nagu tawiyaegü ga Moiché ga Tupanaarü duü̃arü wiyae. Rü yexgumarüxü̃ ta nagu tawiyaegü ga gumá Carnéruxacüarü wiyae ga ñaxü̃: “Pa Torü Cori ya Tupana ya Guxü̃étüwa Ngẽxmacüx, nataxüchi rü namexẽchi i guxü̃ma i ngẽma cuxüxü̃. Rü curü ĩnü rü aixcüma nawe̱xgu rü taguma quidora, Pa Guxü̃ i Nachixü̃anegümaxã Icuácü.

Wiyaegü 78:12

Rü Equítuanewa ga Choáü̃anewa rü Tupana rü aixcüma taxü̃ ga mexü̃ naxü nape̱xewa ga norü o̱xigü.

Wiyaegü 31:22

Rü yexguma guxchaxü̃wa chayexmayane rü nagu charüxĩnü nax choxna quixũgachixü̃. Natürü yexguma cuxna chacaxgu nax choxü̃ curüngü̃xẽẽxü̃ca̱x, rü cuma rü choxü̃ cuxĩnü nax aita cuxca̱x chaxüxü̃.