Wiyaegü 17:3 - Tupanaarü Ore

³ Rü cuma rü marü mea nüxü̃ cucua̱x i ngẽma chauãẽwa nagu charüxĩnüxü̃. Rü chütacü rü choxü̃ cuxü rü taxuxü̃ma i chixexü̃ chowa icuyangau. Rü nüxü̃ cucua̱x nax aixcüma yixĩxü̃ i ngẽma nüxü̃ chixuxü̃.

Wiyaegü 17:3 Referans Kwoze

Wiyaegü 26:2

¡Rü ẽcü choxü̃ nangugü! ¡Rü choxü̃ naxü! ¡Rü nüxü̃ naxü i chorü ĩnü rü chorü ngúchaü̃ i chaxica nüxü̃ chacuáxü̃!

Ngechuchuarü ngúexü̃gü ga yamugüxü̃arü puracüchiga 11:23

Rü yexguma yéma nanguxgu ga Bernabé, rü nüxü̃ nadau nax ñuxãcü Tupana nüxü̃ rüngü̃xẽẽxü̃ ga yema yaxõgüxü̃ ga Antioquíacüã̱x, rü poraãcü namaxã nataãxẽ. Rü nayaxucu̱xẽgü ga guxü̃ma nax meama Cori ya Ngechuchuwe naxĩãmaxü̃ca̱x, rü taguma nüxü̃ naxoexü̃ca̱x.

Wiyaegü 39:1

Choma rü marü chaugümaxã ñachagürü: —Chaugüna tá chadau nax ngẽmaãcü tama chixexü̃ chaxüxü̃ca̱x i ngẽxguma chidexagu. Rü tá changea̱xmare i ngẽxguma chope̱xewa nangẽxmagügu i duü̃xü̃gü i chixexü̃gu rüxĩnüexü̃ —ñachagürü.

Yox 23:10

Natürü nüma rü nüxü̃ nacua̱x nax ñuxãcü yixĩxü̃ i chorü maxü̃. Rü ngẽxguma choxü̃ naxü̱xgu rü ñoma úiru i ngearü ãũãchiã́xü̃rüxü̃ tá chixĩ.

Maraquía 3:2

¿Natürü texé tá namaxã tapora ya yimá Cori i ngẽma ngunexü̃ i nagu ínanguxü̃? ¿Rü texé tá nape̱xegu tachiama? Erü ngẽxguma ínanguxgu rü ñoma wüxi i üxüemaãcü tá ínangu nax yamexẽẽgüãxü̃ca̱x i tórü maxü̃. Rü ñoma wüxi ya chaũrüxü̃ tá inanayi̱xẽxẽ i guxü̃ma i tórü ãũãchixü̃.

Chacaría 13:9

Rü ngẽma duü̃xü̃gü i íyaxügüxü̃ rü tá nüxü̃ chaxü, ñoma diẽrumü i üxüwa idexexü̃ nax ínayixü̃ca̱x i norü ãũãchixü̃rüxü̃. Rü ñoma úiru i üxüwa idexexü̃ nax ínayixü̃ca̱x i norü ãũãchixü̃rüxü̃ tá nüxü̃ chaxü i ngẽma duü̃xü̃gü. Rü ngẽxguma i nümagü rü tá choxna nacagüe rü choma rü tá chanangãxü̃. Rü ñachagürü tá: “Nümagü rü chorü duü̃xü̃gü nixĩgü”, ñachagürü. Rü nümagü rü ñanagürügü tá: “Nüma ya Cori rü tórü Tupana nixĩ”, ñanagürügü tá. Rü choma ya Cori ya Tupana nixĩ i nüxü̃ chixuxü̃ i ngẽma —ñanagürü.

Wiyaegü 139:1

Pa Cori Pa Tupanax, cuma rü marü choxü̃ cungugü rü meama nüxü̃ cucua̱x i chorü maxü̃.

Wiyaegü 119:106

Choma rü marü cumaxã ichaxuneta rü ngẽma rü tá chayanguxẽxẽ. Rü tá nagu chixũ i ngẽma curü mugü.

Wiyaegü 66:10

Pa Tupanax, cuma rü poraãcü toxü̃ cuxü. Rü ngẽmaãcü toxü̃ cumexẽxẽ ñoma diẽrumü üxüwa imexẽẽxü̃rüxü̃.

Nüxíraxü̃xü̃ ga popera ga Pedru ümatüxü̃ 1:7

Rü ngẽma perü õ rü ñoma úirurüxü̃ nixĩ. Rü ngẽma úiru rü üxümaxã nüxü̃ taxü nax nüxü̃ icuáxü̃ca̱x rü aixcüma úiruxüchi yixĩxü̃. Rü ngẽxguma peyaxõgüamagu ega woo guxchaxü̃gü pexca̱x ínguxgu, rü ngẽma perü õ rü wüxi i úiruarü yexera nixĩ nax namexü̃. Rü ngẽma úiru rü woo namexẽchi natürü düxwa nangau. Natürü ngẽxguma peyaxõgüamagu ega guxchaxü̃gü pexca̱x ínguxgu rü tá Tupanape̱xewa pime rü tá pexü̃ nicua̱xüxü̃ rü tá pemaxã nataãxẽ rü mexü̃ i pechica tá pexna naxã i ngẽxguma wena núma naxũxgu ya Ngechuchu ya Cristu.

Miquéa 2:1

Rü wüxi i ngechaü̃ nixĩ naxca̱x i ngẽma duü̃xü̃gü i woo naxchiãü̃wa rü chixexü̃gu rüxĩnüexü̃. Rü ngẽxguma yangunegu rü nayanguxẽxẽ i ngẽma nagu naxĩnüexü̃ erü nadiẽruã̱xgü.

Ochéa 7:6

Natürü nümagü i ngẽma norü ngü̃xẽẽruü̃gü rü ñoma paũarü guruxü̃ i naiechaxü̃rüxü̃ nixĩgü nax ãẽ̱xgacümaxã nanueechaxü̃. Rü nagu narüxĩnüe nax ñuxãcü tá yama̱xgüãxü̃. Rü chütacü napee, natürü moxü̃ãcü wena nagu narüxĩnüe nax ñuxãcü tá yama̱xgüãxü̃.

Yeremía 50:20

Rü choma ya Cori ya Tupana rü ñachagürü: “Ngẽxguma ngẽma Iraéanecüã̱xgü rü Yudáanecüã̱xgü woeguxgu, rü yema duü̃xü̃gü ga maxẽãcü yéma íyaxügüxü̃ rü choma rü tá nüxü̃́ nüxü̃ charüngüma i norü chixexü̃gü. Rü ngẽmaãcü i nümagü rü tá nawa ínanguxü̃ i norü chixexü̃gü rü norü pecadugü ga naxügüxü̃”, ñachagürü.

Ucu̱xẽgüchiga 13:3

Yíxema tümaarü conüna dauxe, rü tügünatama tadau. Natürü ngẽma idexaechaxü̃, rü nügütama inayarütauxẽxẽ.

Wiyaegü 16:7

Rü nüxü̃ chicua̱xüxü̃ ya Cori ya Tupana erü nüma rü chomaxã inacua̱x. Rü chütacü rü nüma rü chauãẽwa choxü̃ naxuxcu̱xẽ.

Wiyaegü 11:5

Rü nüma ya Tupana rü nanangugü i ngẽma mexü̃ ügüxü̃ rü ngẽma chixexü̃ ügüxü̃, rü naxchi naxai i ngẽma ma̱xgu rüxĩnüexü̃.

Wiyaegü 7:4

Rü ngẽxguma chomücü mexü̃ choxü̃́ üxgu, rü taguma chixexü̃maxã tüxü̃́ chanatáeguxẽxẽ. Rü taguma ngürümare guxchaxü̃ chorü uanüca̱x íchanguxẽxẽ.

Yox 24:14

Rü ngẽma duü̃xü̃ i máetaxü̃ rü ngexwaca yangóonechaü̃gu rü inaxũãchi nax tüxü̃ yamáxü̃ca̱x ya yíxema duü̃xẽ ya ngearü diẽruã́xẽ. Rü chütacü rü wüxi i ngĩ́ta̱xaxü̃ nixĩ.

1 Chamué 26:23

¡Rü Tupana tüxü̃́ naxütanü ya wüxíechigü naxca̱x i ngẽma mexü̃ nax taxüxü̃ rü ngẽma nax tixaixcümaxü̃! Rü woo nüma ya Cori ya Tupana rü ñoma i ngunexü̃gu cho̱xme̱xgu cuxü̃ nanguxẽxẽ, Pa Ãẽ̱xgacüx, rü tama cuxü̃ chiima̱x, erü nüma ya Cori ya Tupana nixĩ ga ãẽ̱xgacüxü̃ cuxü̃ naxunetaxü̃.

1 Chamué 24:12

Rü Tupana nixĩ ya nüxü̃ cuácü nax texe tixĩxü̃ i ngẽma chixexü̃gu rüxĩnüxü̃. Rü ñu̱xma nax choxü̃ quimáxchaü̃xü̃ rü nüma nixĩ i nüxü̃ nacuáxü̃ i ta̱xacü tá cumaxã naxueguxü̃. Natürü i chomax, Pa Ãẽ̱xgacüx, rü tagutáma ta̱xacürü chixexü̃ cumaxã chaxü.

Ngechuchuarü ngúexü̃gü ga yamugüxü̃arü puracüchiga 16:9

Rü yema chütaxü̃gu rü Pauru nango̱xetü rü nüxü̃ nadau ga wüxi ga yatü ga Machedóniacüã̱x ga nape̱xegu chicü. Rü nüxü̃ naca̱a̱xü̃, ñaxü̃maxã: —¡Machedóniawa naxũ, rü toxü̃ rüngü̃xẽxẽ! —ñaxü̃maxã.

1 Chamué 24:10

Pa Chorü Ãẽ̱xgacüx, ñu̱xmawaxix nixĩ i aixcüma nüxü̃ cucuáxü̃ nax tama cuxü̃ chimáxchaü̃. Rü woo Cori ya Tupana rü cho̱xme̱xgu cuxü̃ nax nangu̱xẽẽchirexü̃ i nua ma̱xpǘnearü ãxmaxü̃wa, natürü i choma rü tama cuxü̃ chiima̱x, Pa Ãẽ̱xgacüx. Erü nagu charüxĩnü nax cuma rü ãẽ̱xgacü quixĩxü̃ erü Cori ya Tupana rü marü ngẽmaca̱x cuxü̃ naxuneta.

Popera ga Chantiágu ümatüxü̃ 3:2

Guxãma i yixema rü muẽ̱xpü̱xcüna chixexü̃ taxüe. Yimá yatü ya taguma chixexü̃xü̃ ixucü rü aixcüma mecü nixĩ, erü nüxü̃ nacua̱x nax mea nügüna nadauxü̃ nax tama chixexü̃ naxüxü̃ca̱x.

2 Corintios 1:12

Rü ngẽma toxü̃ taãẽxẽẽxü̃ nixĩ nax toõxẽwa nüxü̃ tacuáxü̃ nax ñoma i naanewa rü aixcüma Tupana naxwa̱xexü̃ãcüma mea tamaxẽxü̃. Rü pepe̱xewa nixĩ ga guxü̃arü yexera yemaacü mea tamaxẽxü̃. Natürü tocüma rü tama ñoma i naanecüã̱xarü cua̱xwa ne naxũ, erü Tupana ya toxü̃ ngechaü̃cü nixĩ ya nüxü̃́ tayaxõcü.

1 Corintios 4:4

Natürü ñu̱xma nax chomatama nagu charüxĩnüxü̃ nax nataxuxü̃ma i chorü chixexü̃ i Tupanape̱xewa, rü tama ngẽmaca̱x Tupana choxü̃ nadau nax changearü pecaduã́xü̃. Erü nümatama ya tórü Cori ya Tupana nixĩ ya choxü̃ cuáarü maxü̃ãcü.

1 Chamué 26:11

¡Rü Cori ya Tupana choxü̃ rüngü̃xẽxẽ nax tama nagu charüxĩnüxü̃ca̱x nax chayamáxü̃ ya yimá ãẽ̱xgacü ya nümatama ya Cori ya Tupana nüxü̃ unetacü! ¡Rü nayaxu ya yimá wocae ya naeruxü̃tagu puxcü rü ngẽma dexápáxü̃, rü ngĩxã ítixĩ! —ñanagürü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 28:9

Pa Chaunex, Pa Charomóü̃x ¡ẽcü naga naxĩnü ya chorü Tupana rü guxü̃ma i curü ngúchaü̃maxã rü curü ĩnü i mexü̃maxã naxü i ngẽma cuxü̃ namuxü̃! Erü nüma ya Cori ya Tupana rü nanangugü i ngẽma taãẽwa ngẽxmaxü̃ rü nüxü̃ nacua̱x i guxü̃ma i ngẽma nagu rüxĩnüxü̃. Rü ngẽxguma tá cuma naxca̱x cuda̱u̱xgu, rü nüma rü tá cuxü̃tawa nangẽxma. Natürü ngẽxguma nüxna quixũgachigu, rü nüma rü tá cuxü̃ ínata̱xüchi.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 29:17

Pa Chorü Tupanax, choma nüxü̃ chacua̱x nax guxü̃guma mea cunangugüxü̃ i torü ĩnü rü namaxã cutaãẽxü̃ nax tixaixcümagüxü̃. Rü ngẽmaca̱x aixcüma mexü̃gu charüxĩnüãcüma chorü ngúchaü̃maxã cuxna chanana i guxü̃ma i ñaa ãmaregü. Rü ñu̱xma rü chataãxẽ erü nüxü̃ chadau i ñaa curü duü̃xü̃gü i nuxã ngutaque̱xexü̃ rü guxü̃ma i norü ngúchaü̃maxã cuxna nanana i ngẽma norü ãmaregü.

Wiyaegü 139:23

Pa Tupanax, ¡nangugü i chorü maxü̃ i ñuxãcü nax yixĩxü̃ i cupe̱xewa! ¡Rü choxü̃ naxü nax cupe̱xewa nangóxü̃ca̱x i ngẽma nagu charüxĩnüxü̃!

Yeremía 12:3

Natürü i cumax, Pa Corix, rü choxü̃ cucua̱x, rü choxü̃ cudau, rü nüxü̃ cucua̱x i ngẽma cumaxã nagu charüxĩnüxü̃. ¡Rü ngẽma duü̃xü̃gü rü carnérugü i norü daichícaxü̃wa nagagüxü̃rüxü̃ ngéma nagagü, rü nagu yaxümatü i ngẽma ngunexü̃ i nagu tá cunada̱i̱xü̃!