Wiyaegü 17:2 - Tupanaarü Ore

² Rü chanaxwa̱xe i choxü̃ ícupoxü̃, erü cuma nüxü̃ cucua̱x nax aixcüma wüxi i mexü̃ yixĩxü̃ i ngẽma cuxna naxca̱x chaca̱xü̃.

Wiyaegü 17:2 Referans Kwoze

Wiyaegü 37:6

Rü nüma rü tá nanango̱xẽxẽ nax cumexü̃ rü quixaixcümaxü̃ ñoma üa̱xcü tocuchigu ibáxixü̃rüxü̃.

Echequié 18:29

Natürü ngẽma Iraétanüxü̃ i duü̃xü̃gü rü tá nüxü̃ nixugü nax choma rü tama mea namaxã ichacuáxü̃ rü tama nawe̱xguxü̃ i ngẽma chaxüxü̃. ¿Rü ta̱xacüwa nixĩ i tama aixcüma mea pemaxã ichacuáxü̃? Rü pemaxã nüxü̃ chixu rü pema waxi nixĩ i tama aixcüma mea chauga pexĩnüexü̃.

Echequié 18:25

Rü pema rü nüxü̃ pixu nax choma ya Cori ya Tupana yixĩxü̃ nax tama aixcüma mea pemaxã ichacuáxü̃. ¡Natürü iperüxĩnü i pema, Pa Iraétanüxü̃x! ¿Rü ta̱xacüwa nixĩ i tama aixcüma mea pemaxã ichacuáxü̃? Rü pemaxã nüxü̃ chixu rü pema waxi nixĩ i tama aixcüma mea chauga pexĩnüexü̃.

Popera ga Yúda ümatüxü̃ 1:24

Rü yimá nüxicatama Tupana ixĩcü ya tórü Maxẽxẽẽruxü̃ ixĩcü, rü nüxü̃́ nangẽxma i pora nax pexna nadauxü̃ nax tama pecadugu peyixü̃ca̱x. Rü nüxü̃́ nangẽxma i pora nax iyanaxoxẽẽãxü̃ca̱x i perü chixexü̃gü nax ngẽmaãcü ngearü pecaduãcüma rü taãẽãcüma nape̱xewa pengugüxü̃ca̱x i ngextá nüma ínaxüünexü̃wa ãẽ̱xgacü íyixĩxü̃wa. Rü tanaxwa̱xe i tórü Cori ya Ngechuchu ya Cristuégagu Tupanaxü̃ ticua̱xüü̃gü, erü nüma rü naxüüne, rü guxü̃étüwa nangẽxma, rü guxü̃arü yexera napora, rü guxü̃maxã inacua̱x. Rü yemaacü nixĩ ga nũxcüma, rü ngẽmaãcü nixĩ i ñu̱xmax, rü guxü̃gutáma ngẽmaãcü nixĩ. Rü ngẽmaãcü yixĩ.

Echequié 33:20

Rü pemax rü muẽ̱xpü̱xcüna rü ñaperügüecha: “Ngẽma Cori ya Tupana üxü̃ rü tama name”. Natürü i chomax, Pa Iraétanüxü̃x, rü aixcüma tá wüxichigüna chaca naxca̱x i ngẽma mexü̃ rüe̱xna chixexü̃ i naxüxü̃ —ñanagürü.

Echequié 33:17

Rü ngẽma cutanüxü̃ rü tá ñanagürügü rü ngẽma chaxüxü̃ rü tama name, natürü nümagüwaxi nixĩ i tama mexü̃ naxügüxü̃.

Wiyaegü 37:33

Natürü nüma ya Cori ya Tupana rü tá ínanapoxü̃ ya yimá yatü ya mecü nax tama ngẽma chixexü̃ i duü̃xü̃güme̱xẽgu nanguxü̃ca̱x. Rü tá nüxna nadau nax tama yanaguãchixẽẽgüaxü̃ca̱x i ta̱xacü rü chixexü̃.