Wiyaegü 17:1 - Tupanaarü Ore

¹ Pa Corix ¡choxü̃́ nüxü̃ naxĩnü i ngẽma cuxna naxca̱x chacaxü̃, erü wüxi i mexü̃ nixĩ! ¡Rü choxü̃́ nüxü̃ naxĩnü i ngẽxguma tagaãcü curü ngü̃xẽxẽca̱x cuxna chacaxgu! ¡Rü choxü̃́ nüxü̃ naxĩnü i chorü yumüxẽ! Erü choma rü tama wüxi i dorata̱xáxü̃ chixĩ.

Wiyaegü 17:1 Referans Kwoze

Wiyaegü 142:6

¡Rü naxca̱x irüxĩnü i chauga nax aita chaxüxü̃! Erü marü nataxuma i chorü pora. ¡Rü nüxna choxü̃ ínanguxuchixẽxẽ i ngẽma chowe ingẽxü̃tanüxü̃! Erü nüma rü choxü̃ narüporamaegü.

Wiyaegü 61:1

Pa Chorü Tupanax ¡nüxü̃ naxĩnü nax cuxca̱x aita chaxüxü̃! ¡Rü choxü̃́ nüxü̃ naxĩnü i chorü yumüxẽ rü choxü̃ nangãxü̃!

Nüxíraxü̃xü̃ ga popera ga Cuáü̃ ümatüxü̃ 3:21

Pa Chauenexẽgü ya Pexü̃ Changechaü̃güxe, ngẽxguma taãẽwa nüxü̃ icua̱xgu nax Tupanaxacüxüchi ixĩgüxü̃, rü tama taxãnee nax nüxna ingaicamagüxü̃ ya Tanatü ya Tupana.

Ore i mexü̃ ga Matéu ümatüxü̃ 15:8

“Ñaa duü̃xü̃gü rü naã̱xmaxãmare choxü̃ nicua̱xüü̃gü. Natürü naãẽwa rü tama aixcüma chaugu narüxĩnüe.

Wiyaegü 145:18

Rü nüma ya Cori ya Tupana rü tüxna nangaicama ya yíxema aixcüma naga taxĩnüeãcüma norü ngü̃xẽẽca̱x ícagüxe.

Ichaía 29:13

Rü nüma ya Cori ya Tupana rü ñanagürü choxü̃: —Ñaa duü̃xü̃gü rü norü dexawaxicatama nügü nixugüe nax chorü duü̃xü̃gü yixĩgüxü̃, natürü tama chauga naxĩnüe. Rü naã̱xmaxãxicatama choxü̃ nicua̱xüü̃gü, natürü norü maxü̃newa rü tama chaugu narüxĩnüe. Rü ngẽma norü cua̱xüü̃gü rü duü̃xü̃güarü ĩnüwa nanayauxgü.

Wiyaegü 142:1

Rü tagaãcü nüxna chaca ya Cori ya Tupana. Rü tagaãcü naxca̱x íchaca nax nüxü̃́ changechaü̃tümüxü̃xü̃ca̱x.

Wiyaegü 140:12

Rü choma nüxü̃ chacua̱x rü nüma ya Cori ya Tupana rü mea namaxã inacua̱x i ngẽma ngearü diẽruã́xü̃. Rü tüxü̃ ínapoxü̃ ya yíxema naxĩ̱xãchiãẽgüxe.

Wiyaegü 86:1

Pa Corix ¡choxü̃́ nüxü̃ naxĩnü i chorü yumüxẽ! Erü poraãcü ngúxü̃ chinge rü guxchaxü̃wa changexma.

Wiyaegü 66:19

Natürü i nümax rü choxü̃ naxĩnü rü nanangãxü̃ i chorü yumüxẽ.

Wiyaegü 43:1

Pa Tupanax ¡mea choxü̃ nangugü! ¡Rü chauétüwa nachogü nape̱xewa i ñaa duü̃xü̃gü i tama yaxõgüxü̃! ¡Rü naxme̱xwa choxü̃ ínanguxuchixẽxẽ i ngẽma idorata̱xáxü̃ rü ngẽma chixexü̃gu rüxĩnüxü̃!

Wiyaegü 18:20

Rü nüma ga Cori ya Tupana rü ãmare choxna naxã erü nape̱xewa name i chorü maxü̃. Rü choxü̃́ nanaxütanü naxca̱x ga chorü maxü̃ i ngẽarü chixexü̃ã́xü̃.

Wiyaegü 7:8

Rü cuma nax guxü̃ i nachixü̃anecüã̱xgümaxã icucuáxü̃, ¡rü nangugü i chorü maxü̃ nax mea nangóxü̃ca̱x nax taxuxü̃ma i chixexü̃ nawa ngẽxmaxü̃!

Norü taxre ga to ga popera ga ãẽ̱xgacügüchiga ümatüxü̃ 7:15

Rü ñu̱xmacürüwa rü mea tá pexü̃́ nüxü̃ chaxĩnü i perü yumüxẽgü i daa chopatawa pexüxü̃.

Ore i mexü̃ ga Cuáü̃ ümatüxü̃ 1:47

Rü yexguma Ngechuchu Natanaéxü̃ da̱u̱xgu ga naxca̱x nax yaxũxü̃, rü ñanagürü: —¡Dücax! Yéa ne naxũ i wüxi i yatü i aixcüma Iraétanüxü̃ ixĩxü̃ i aixcüma ngearü chixexü̃ã́xü̃ —ñanagürü.

Wiyaegü 18:44

Rü ngẽxguma choxü̃ naxĩnüegu rü chauga naxĩnüe. Rü togü i nachixü̃anecüã̱x i duü̃xü̃gü rü cho̱xme̱xwa nügü nangẽxmagüxẽxẽ rü mea chauchiga nidexagü.

Neemía 1:6

Rü ngẽmaca̱x i ñu̱xma rü cuxü̃ chaca̱a̱xü̃ nax choxü̃́ nüxü̃ cuxĩnüxü̃ i ñaa chorü yumüxẽ i chütacü rü ngunecü cumaxã nüxü̃ chixuxü̃ naxca̱x i ngẽma curü duü̃xü̃gü i Iraétanüxü̃. Rü nüxü̃ chacua̱x nax cupe̱xewa chixexü̃ taxüxü̃ i toma i Iraétanüxü̃, rü woo i choma rü chautanüxü̃ rü cupe̱xewa chixexü̃ taxügü.

Yeremía 3:10

Rü naétüwa ga yema chixexü̃ ga naxügüxü̃ ga yema Yudáanecüã̱xgü ga choxna ĩgüxü̃, rü choxü̃ nawomüxẽẽgümare rü tama aixcüma cha̱u̱xca̱x nawoegu. Rü chomatama ya Cori ya Tupana nixĩ i nüxü̃ chixuxü̃ i ngẽma —ñanagürü.

2 Chamué 22:24

Rü nape̱xewa rü taguma ta̱xacürü chixexü̃ chaxü rü nüxna chixũgachi i ngẽma chixexü̃.

Yox 16:17

Rü ngẽmaãcü choxü̃ nangupetü woo taguma ñuxgu texémaxã chanuxgu rü woo guxü̃guma namexgu i chorü yumüxẽ.

Wiyaegü 54:4

Natürü nüma ya Cori ya Tupana rü chorü ngü̃xẽẽruxü̃ nixĩ. Rü nüma nixĩ i choxna nadauxü̃ nax tama chayuxü̃ca̱x.

Wiyaegü 55:18

Rü woo namu i chorü uanügü i namaxã togü tadaixü̃, rü nüma ya Tupana rü choxü̃ narüporamaexẽxẽ nax tama choxü̃ yama̱xgüxü̃ca̱x i ngẽma chorü uanügü.

Wiyaegü 61:2

Rü ñu̱xma nax chorü naanena chayáxü̃guxü̃ rü cuxna chaca nax choxü̃ curüngü̃xẽẽxü̃ca̱x. Rü poraãcü chaxoegaãxẽ, rü ngẽmaca̱x chanaxwa̱xe i wüxi ya tacü ya nutaétügu choxü̃ cumunagü i ngextá taxucürüwa chorü uanügü choxna íngugüxü̃wa.

Wiyaegü 84:9

Pa Tupana i Torü Poxü̃ruxü̃x ¡rü cuxü̃́ nangechaxü̃tümüxü̃ ya yimá cuma nüxü̃ cuxunetacü nax Iraéanecüã̱xgüarü ãẽ̱xgacü yixĩxü̃ca̱x!

Wiyaegü 86:6

Pa Corix ¡choxü̃́ nüxü̃ naxĩnü i chorü yumüxẽ! ¡Rü choxü̃ nangãxü̃ rü choxna naxã i ngẽma cuxna naxca̱x chacaxü̃!

Wiyaegü 88:3

Rü poraãcü taxü̃ i guxchaxü̃ chauétü nangu rü nagu charüxĩnü rü ngẽmamaxã tá chayu.

Wiyaegü 102:2

¡Rü taxṹ i cha̱u̱xcha̱xwa iquicúxü̃ i ngẽxguma guxchaxü̃wa changẽxmagu! ¡Rü choxü̃́ nüxü̃ naxĩnü i chorü yumüxẽ! ¡Rü paxa choxü̃ nangãxü̃ i ngẽxguma cuxna chacagügu!

Wiyaegü 143:1

Pa Cori Pa Tupanax ¡choxü̃́ nüxü̃ naxĩnü i chorü yumüxẽ! ¡Rü naxca̱x irüxĩnü i ngẽma cuxna naxca̱x chaca̱xaxü̃! ¡Rü ẽcü choxü̃ nangãxü̃! Erü cumecüma rü aixcüma cuyanguxẽxẽ i ngẽma nüxü̃ quixuxü̃.